[سيوف بني عبس]

قصيدة مظلوم بالدنيا وغيري مظاليم

ـ


كان الشاعر مسجون ماراً من أحد الممرات وفي ذلك الممر كانت
ريم وأمها داخلين لزيارة سجينهم
والشاعر سمع صوت الأطفال فتذكر أبناءه
فدمعت عينيه
فرأته ريم فقالت ريم لأمها : يمّه الرجال يبكي،،
فقالت أمها زاجرة : ريم
عندها ،، كتب الشاعر هذه القصيدة:


أبكي وعيني تسهر الليل يـا ريـم
مدري بلاها الشوق والاالظليمـه


ياريم دمع العين مدري على الريم
والا على قلبـن تواكـل صميمـه


تقول لاطمني علـى نونهـا سيـم
أبكي وعندي لأزرق الدمع قيمـه


ويمكن يكون الدمع للعيـن تكريـم
ويمكن يكون إلها عذاب وحريمـه


والله يا لولا دمعتـن كنهـا الديـم
راحت ضلوعي من عذابي حطيمه


ودام البكا يا ريم ما فيـه تحريـم
يا عنك والله لأرخص الدمع شيمه


وابكي على حالي من الوجد وآهيم
لين الزمن يخلـف عليّـه نسيمـه


أبكي حياتن صافيه ما بهـا غيـم
وين المحبـة والقلـوب السليمـه


أبكي قهر وابكي من الغبن والضيم
وابكي من طعونن بقلبـي قديمـه


غدر الزمن خلّى بوجهي مراسيـم
وما يذبح الرجال مثـل الهزيمـه


بعض المصايب شرها ياكل الهيـم
وشلون بكبود الرجـال الكريمـه


وبعض المصايب يخلفن المفاهيـم
تبغى على ما قيل صبر وعزيمـه


مظلوم بالدنيـا وغيـري مظاليـم
من عرض ناسن لبسوهم جريمـه


ما عاد أبي من سود الأيام تعليـم
عقب العذاب اللي كلاني جحيمـه


ولو تصفي الدنيا علـيّ الملازيـم
ما عاد أدور من وراهـاغنيمـه



/
/

منقوله

الموضوع الأصلي: قصيده مظلوووووم | | الكاتب: سيوف بني عبس | | المصدر: شبكة بني عبس

[ابوصالح لرشيدي]

صح السان شاعره وسلمت يد ناقله وقصيده موثره وجميله
وهذا دليل على ذوقك الرفيع والمميز..مشكوووووور والله يعطيك الف عافيه .. ولاكن في ملاحظه بسيط .. القسم هذا ليس للقصائد المنقوله..القسم المناسب قسم عيون الشعر ..
تقبلي تحياتي ومروري ..

[سيوف بني عبس]

شاكره مرورك اخوي بو صالح
ادري اني نزله بقسم غلط وان شاللله المشرف ينقله لقسم
عيون شعر

[كحيلة]

مظلوم بالدنيـا وغيـري مظاليـم
من عرض ناسن لبسوهم جريمـه


رووعه ..تسلم يمينك حبيبتي سيوف ع النقل المميز بتميز حضورك..
لاخلا ولاعدم يالغلا.

[سيوف بني عبس]

اسعدني مرورج المميز ياكحيله

[أثير الشوق]

قصيده جميله اختيار ذوق شكرا سيوف

[عيد الداموك]

غدر الزمن خلّى بوجهي مراسيـم
وما يذبح الرجال مثـل الهزيمـه

مشكوره على النقل

تم نقلها هنااااااااا >>>>> القصائد المنقوله

[الـريـم]

تسلم يمينك
آبيــآإت قمـه في الروعه

رإآق لي آختيــإآرك,,