[رويبح رباح العويمري]

يامعان الشعرصوب القوافي غردي=ان دعاك الهاجس اللي ياباالمعنى الجزيل
وكان شاهدت العبردونيهاواشهدي=ولمعي وسط القوافي مثل لمعة سهيل
يوم هب الشعرابابدى بيوته وابتدي=وانضمه واللي يباالشيل للمعنايشيل
والقصيدليانبح بالمعان مقندي=مايخون اللي يقوله ويصبح له حصيل
والليالي في ضحاهاودجاهاالاسودي=العجايب والمصايب وفعل المستحيل
والليالي لاقبلت مالهاوصف وشدي=وكان قفت طعمهامثل طعم الحنظيل
يالبيب اللي لفعل المروه مجهدي=ياعزيزالنفس ياراعي الباع الطويل
لاتضيق ان شفت سودالليالي تهددي=بالظروف اللي قساهامثل حدالصقيل
الفرج من عندرب العبادالسجدي=فارج الكربات واللي رجاءغيره ذليل
سرعلى فجوج الفيافي وخل المرقدي=واخترالجزله ولاتميل لشي الهزيل
وعادة السرحان لاشاهدالسرح يعدي=ماينام ومصدرالرزق من رب وكيل
ومجلس مالك بوسطه فقرومقعدي=اخترالوالى بداله وعجل بالرحيل
واعرف انك لوبذلت الجماله بالردي=مايسميهاجماله ولايعرف الجميل
والجماله عندالاجوادتبقى ماتغدي=ماتضيعهاالاجاويدجيل بعدجيل
والمقردماوراهافلاح مقردي=القشرمن طبعهاوالسعدمنهاقليل
والعماوي يعمي اللي برايه يقتدي=ومن عماه يفكرانه على علم ودليل
ومن تلمس للسعدبالشقاءمايسعدي=ولاينال الخيرمن عاشراللاش الذليل
وبس يادنياالشقالاتبذين جهدي=هاوديني وارشديني واناعابرسبيل
لاحلول ولامحال ولاحل بيدي=يكفي الماضي وانا بين حط وبين شيل

$%$%$%$%$%$
ولكم احلى سلاااااااااااااااااااااام
رويبح رباح العويمري
$%$%$%$%$%$

الموضوع الأصلي: الشاعرمعيتق عبدالرحمن العويمري | | الكاتب: رويبح رباح العويمري | | المصدر: شبكة بني عبس

[ناصر خنيفر]

مشكور على النقل وصح السان معيتق عبد الرحمن شاعر معروف

[مسندالعويمري]

ولد ابوه

دايم مبدع في نقل كل جديد في ساحت الابداع

من كبار الشعرا مثل صاحب هاذي القصيده

اشكرك وبيض الله وجهك

يرويبح رباح العويمري

[رويبح رباح العويمري]

ناصرخنيفر بيض الله وجهك وماقصرت على المرور

[رويبح رباح العويمري]

مسندالعويمري مشكورعلى المروروسددالله خطاك

[سلطان العايضي]

اقتباس من مشاركة مسندالعويمري ولد ابوه دايم مبدع في نقل كل جديد في ساحت الابداع من كبار الشعرا مثل صاحب هاذي القصيده اشكرك وبيض الله وجهك يرويبح رباح العويمري

وان كذلك اشاركه بالراي

[ثاري الشنيني]

السلام عليكم ورحمة الله وبركاته

بيض الله وجهك ياولد ابوه

وصح لسان الشاعر / معيتق عبدالرحمن


يا000000 طالت المده علينا
والحبيب يم حائل يذكرونه


هههههههههههههههههههههههههههه

تحــــــــــــــــــــــــــــــــــــــياتي لك ;)

[رويبح رباح العويمري]

الاخ سلطان العايضي شكرا على المرورررررررررررررررررررررر