[عبدالرحمن هليل]

يازين عن من صد ماني بنشاد..لاوالله اقصر عن طريقه خطايه
ماني ورى درب المقفين طراد..من لايبي قربي فراقه منايه
واللي نوى هجري نويته بالابعاد..والبادي اظلم ويتحمل جزايه
من صد وش هو مكسبي غير الانكاد..طرده سراب ولايبرد ضمايه
من طال بعده قل قدره ولازاد..واخيرمن بعض العلاج الوقايه
لاتحسبن بطولة البعد ميعاد..لاطال بعدك فيك ينقص غلايه
لاتصيرفي مغليك ناكر وجحاد..وتطيع هرج مروجين الوشايه
تعال دام القلب في جيتك راد..غيرك مالي به وانت حبك هوايه
عقب الجفاء عجل بوصلك والاسعاد..شوفك دوى واحذر تشح بدوايه
اسعدعيونن ماتهنت بمرقاد..عقبك مطاولها السهرمن شقايه
والنفس عافت يالغضي لذة الزاد..فضلت عن بعض المجالس خلايه
وان كان مالك شف ياغض الانهاد؟فينا ولالك يااتلع الجيد غايه
وقررت بالفرقا ولامنك مرواد..واعلنت بعدكوانقطع بك رجايه
روح عسى وقتك مسرات واعياد..وانا معك وصلتها للنهايه
عقبك ابلقى من له الحب ينقاد..مطواع لاناديت لبى ندايه

الموضوع الأصلي: من طال بعده | | الكاتب: عبدالرحمن هليل | | المصدر: شبكة بني عبس

[بندر الشويلع]

صح لسان شاعرها وتسسسلم يمين نآقلها
وختيار موفق

[سحايب]

صح الســان الشاعر
وصح ذوقك واختيارك
يعيطك العافيه

[لسعهـ شقآوة]

مآبين اول حرف وأخر حرف هنآ.. يكمل الجمآل/ والبوح الراقي.ّ..
هكذا / يتحدثُ الإحسَاس .,, قلمٌ يُثمِرُ الجمَال دائماً

نص يعانق القِمم بشاعريته المرهفة..

استمتعت بقراءاته و أحببت تفاصيله...


و إني أنسج شوقي لجديدك من الآن

[رسام الغروب]

صح السانك ولسان شاعرها لاهنت

[عبدالرحمن هليل]

صحت ابدانكمممممممممممممم