[الاجهر]

هذه القصيدة وصلتني من الشاعر / عايض بن حامد بن جوهر وطلب مني ان انزلها بشبكة بني عبس اهدا من الشاعر لكم
القصيدة يقول فيها
الشجاعه رمزها والوفاء عنوانها

بسم رب البيت مبداي قبل ابدي الكلام =بتدي بأسمه رجالا قــــــوي ايمانــها

بسمه ابدى الشعر وارفع اخطاه الى الامام =من هجوس تازن القاف في ميزانها

في بيوت الشعر خاطب رفيعين المقام =وادخل بيوت أهل العرف مع بيانها

ياسلامي عد من حج مكـه كل عام =وعد من هلل وكبر وطاف اركانــها

وعد من زار المدينه ومن صلى وصام =في مناهج دين الاسلام خير اديانها

كل رجالا يحط المراجل له وسـام =نظرته دائم وهو مبعدن نيشانها

والرجال الهم اسلوم وعوائد واحترام =تحتفظ منه النشامى بأثرشيبانها

لابتي بالجاهليه مروين الحسام =من سلايل عبس ماتنهدم فرسانها

هم بني رشـــيد بالحرب ولابالسلام =ماندور صـــــلح لاو لــعن نيـــرانها

القبيله ترفع الرأس لاطار العسام =الشجاعه رمزها والوفاء عنوانها

حي فالك عزوة العز ون هل الخصام =المعارك يشهد لفعلها ميدانها

محتمين اديرها كلها شرق وشام =ومن جنوب وغرب ربعي حماة اوطانها

من هرج هرجا بلا اثبات يلحقه الملام =ولابديت الحجه الإ معي برهانها

الحقائق ماتخفى مثل بدر التمام =والزمن مايغير اشكالها والونها

مدحي لربعي مانزل رفيعين المقام =والقبائل كلوبها رفيعن شانها

واطلع الله نور الاسلام وانزاح الظلام =والجزيره وحدت في حكم سلطانها

وعاشت بحكمن نزيه المبادي والنظام =وكتست بالامن غصب على عدوانها

ثم سارت مملكتنا على افضل مايرام =بعد فضل الله حكمها حكيمٍ حانها

والسلام ختام صلو على خير الانام =عد رش الغيث من وجل غر امزانها

الشاعر/عايض حامد بن جوهر

الموضوع الأصلي: قصيدة من ابن جوهر لرواد شبكة بني عبس | | الكاتب: الاجهر | | المصدر: شبكة بني عبس

[البعيد الهادي]

صح اللسان الشاعر/ عايض حامد
وبيض الله وجهك اخوي الاجهر
على النقل

[الولد العبسي]

قصيده راااائعه

وصح لسان عايض العجوني

ويعطيك العافيه

[الاجهر]

اقتباس من مشاركة البعيد الهادي صح اللسان الشاعر/ عايض حامد وبيض الله وجهك اخوي الاجهر على النقل

اشكر مرورك نيابه عن الشاعر بن جوهر

[الاجهر]

اقتباس من مشاركة الولد العبسي قصيده راااائعه وصح لسان عايض العجوني ويعطيك العافيه

اشكر مرورك نيابة عن الشاعر

[ولد الشرقية]

صح لسان الشاعر/ عايض حامد
وتسلم اخوي الاجهر على النقل والنشر.

[منارة الذئاب]

صح لسان الشاعر المبدع عايض بن حااااااامد وما قصرت يا الاجهر تقبل ها المروووووووووووووور

[خاتم الرشيدي]

صح لسان الشاعر/ عايض حامد
وتسلم اخوي الاجهر على النقل والنشر.