[الاجهر]

الشاعر الكبير/ سلطان وسام الهاجري صاحب افكار جميلة في بعض الاحيان يتمنى انه لم يعرف الشعر وهذا مما يظهرلي من قصيدتة الاخيرة - وهوالشاعر الوحيد الذي يجيد الوصف حسب معرفتة حتى وان كانت المعرفة تختلف من شخص لاخر ومن مصدر لمصدر .
اترككم مع هذه القصيدة - اتمنى ان تحوز على اعجابكم

لليالـي مشاكلهـا عـراض طوالـي=للنفوس الشقيه والنفـوس السعيـده
غاره من يمين وغاره مـن شمالـي=توهمك بالهدوء وعاصفتهـا شديـده
ياوجودي علي الراحه وياوجد حالـي=ليت مالـي مـع الشعـار ولانشيـده
هب ياهالزمان اللي غزانـي لحالـي=كل يوم علي الهاتف يجيني قصيـده
ذي معاتب حبيب وذي مشاريه غالي=وذي تخفض من السكر وهاذي تزيده
والعرب علمهم بي يوم صدري شمالي=والليالي مقفت بـه لايمكـن تعيـده
روحت مع مهـب الريـح ياهملالـي=ماحد جت له الدنيـا علـي مايريـده
والتجارب عطتنـا ميـزه الاحتمالـي=ودرستنا مشاويـر الحيـاه البعيـده
ان مابـه حيـاه الا وراهـا زوالـي=والبنـادم بهالدنيـا شبوحـه بعيـده
مير ماهيب لامكسـب ولاراس مالـي=كود من حط قوله والنعم في رصيـده
وطاب عند البعيد وطاب عند الموالي=وله نصيب الاسد من الخصال الحميده
وان تثنت عزوم مشوربين العيالـي=عزمه اقوي من ظروف الحياه العنيده
يرتكي بالمناكـب للحمـول الثقالـي=والطفر في راسه المطنوخ والا وريده
خل فعل الجدود وخل فعـل الخوالـي=ندري انك ولدهـم والعلاقـه وطيـده
وندري ان فعلهم يستر بنات الحلالي=حتي لوجدك اكحيلان وانتـه حفيـده
اما حث القدم واطلع علي راس عالي=والا خلك كذا وان مت ما انت بفقيده

الاجهر يحييكم

الموضوع الأصلي: السكر عن سلطان الهاجرى يرتفع’’و.... | | الكاتب: الاجهر | | المصدر: شبكة بني عبس

[سعد الفلاح]

الله لايهينك آخوي الأجهر وتسلم يمينك على نقل القصيده وصح ألسان شاعرها سلطان الهاجري ولاهنت يلغالي

[امير الحرف 2]

زينه زينه

[حادي الجبيل]

الله يلوم اللي يلومك يابن وسام .

الحياة ترى ماهي اللي تيبي .

بس على فكرة كل الشعراء من عصر المهلهل وهم يذمون الوقت والزمان .في الحقيقة لايعجبهم شئ لأن يسرحون في خيالهم االذي يحلق عبر الأجواء ليهبط في ربوع المدينة الفاضلة الإفلاطونية .

عموما أبيات من ذهب ، وإبداع مسكوب بقالب الحكمة .

لاهنت يا الأجهر .

[مسندالعويمري]

لاهنت يا الأجهر .

[عايض بن صالح]

اخوي الاجهر كل الشكر لك


على اختيار القصايد النادره


تقبل تحياتي