[مذكر الرشيدي]

يـامـاخـذٍ تـــاج الـجـمـال ابـزمّـنـا

في ذوقك الراقي وفي كل مابـك

وشفيـك قطّـعـت المواصـيـل عـنّـا

حتى وصالـك نشحـذه مـن جنابـك

امــا تـشـد الـحـبـل قـبــل ايتـثـنّـا

والا علـى بـاب الغـلا ويـش جـابـك

فــي غيبـتـك مــا الــد مـنّـا ومـنّـا

ذكراك تملى وحشتك فـي غيابـك

بالوقـت فـي شوفـة حـلاك اتهـنّـا

في وقفتك في مشيتك في ثيابك

لاجــل العـيـون الناعـسـات اتغـنّـا

الله يخـلـي لــي غــلاك وشبـابـك

البوح لـك فـي شوفتـك مـا تسنّـا

مثل الكفوف الى شغلهـا التشابـك

نسيـت نفـسـي بـيـن خـنّـه وحـنّـا

بين العيـون وبيـن صافـي عذابـك

ابن فطيس

الموضوع الأصلي: تاج الجمال | | الكاتب: مذكر الرشيدي | | المصدر: شبكة بني عبس

[بندر الشويلع]

صح لسان شاعرها وتسسسلم يمين نآقلهآ
وآختيآر موفق

[راسبه بالحب]

يعطيك العافييييه


لاهنت كلمات رائعه



لاعدمنا جديدك

[سحايب]

صح الســان بن افطيس
وصح ذوقك واختيارك
كلمات جميله استمتعنا بمفرداتها
يعطيك العافيه

[رسام الغروب]

صح السانك مشكوووووور والله يعطيك الف عافيه