|
خيارات الموضوع |
|
موضوعي عباره عن قصائد التي مدحت فيها (قبائل الجزيرة العربية ) وحينها سيتوفر لنا في الموضوع مادةٌ ثرية عن أهم الصفات التي افتخرت بها قبائلنا العربية وفي مقدمتها قبائل بــــني رشـــــيــــد العريقه بني رشيد القصيدة الشهيرة ( حنا سلايل عبس ) للشاعر ( مساعد الرشيدي) : أدخل على الله وأسلم الأمر تسليـم=أستغفره وأستذكـره وأستميحـه
وضح النوايا والمساري مجاهيـم=والحلم غالـي والليالـي شحيحـه سادت مفاهيـم وبـادت مفاهيـم=ويح الزمن يابنت الأجـواد ويحـه خلي علـوم ممسسيـن المرازيـم=واخذي علوم مصمصمين القريحه حنا سلايل عبـس يامذيـر الريـم=حنـا مقابيـس الوغـى يامليحـه حنا سلايل قاسـم الخيـل ودليـم=وزعاتنـا يـوم المكايـد رجيحـه بدو حفايا ما انصفتنـا المقاسيـم=وبصدورنا عـزٍ تطـارخ فحيحـه نرعى رفيف البرق في ساقة الغيم=ومن يستبيح حدودنـا مـا نبيحـه وليا ترع في هرجته دفش وبهيـم=خطو الهبود الـي تكابـر فطيحـه عن ساقط الهرجه نطق الملاطيـم=ومن طاح فيها مارحمنـا مطيحـه نكبر عن الطفسه ونجزع من الضيم=ونموت ما ناطا شليـل الفضيحـه نزوم زومات الرجـال المحاشيـم=ونهـد هـدات النمـور الجريحـه ربـع علـى در المنايـا مفاطيـم=من هازنا زاغت عجوزه تصيحـه أليـا تغشلينـا عسيـر الشغاميـم=لومك على الي ما يبرهن مديحـه وان لولشـن محشمـات الملاثيـم=والموت حثرب بالحناجر ضبيحـه جينا من اقصانا سحـاب مراديـم=كل يذكـي حروتـه عـن نطيحـه يازيـن دح قفوشنـا لـه ترانيـم=والعج واقف والفعايـل صريحـه كان المنايا سوقهـا مابعـد سيـم=والخوف برك بالقلـوب الكسيحـه حنـا زباينهـا علـي المـلازيـم=علـم يقريـه النصيـح لنصيحـه واللي بنـا بيتـه نبيـه ابراهيـم=إنا طريـق المستميـت لضريحـه بني رشيد إن عتـم الجـو تعتيـم=ما للـردى فينـا ملامـح وليحـه اجسر من الرعاد واكرم من الديـم=سمر الجباه اهل الوجيـه الفليـح خوينـا نقريـه عـزه وتحشـيـم=دخيلنا دونه عن المـوت صيحـه يابنـت ماحنـا فقـارى معاديـم=لو ما سكنـا بالقصـور الفسيـحـه تجار لو ما حاشت يدينـا ملاليـم=ومن الغنـاه نفوسنـا مستريحـه مانستضيق اليـا لفونـا معازيـم=للضيف لو نذبـح حدينـا ذبيحـه دايـم يدينـا للعطـايـا موالـيـم=لاخانـت الفزعـه وجيـه كليحـه طال القريض ومقبـل الودومقيـم=والبـال عييـا طارقـه لايريحـه أقولها وأبصم على القول تبصيـم=والعلم بين زايفـه مـن صحيحـه ماهو قصور بالحرار الصماصيـم=كل بدرب العـز قـد هـب ريحـه مدحـي لربعـي مايـذم الأكاريـم=ولايستشـك الا خبيـث الشريحـه والحق واضح للرجـال المفاهيـم=والحقد يخرث بالنفـوس القبيحـه والشر من جيت معزي وهـو نيـم=واليوم وحده والشريعـه سميحـه الموضوع الأصلي: قصائد المدح في ... ( قبائل شبه الجزيره العربيه ) | | الكاتب: عبدالعزيز بن شري | | المصدر: شبكة بني عبس
|
|
قبيلة عتيبه القصيدة : للشاعر ( كديميس بن صالح العصيمي العتيبي) في مدح قبيلته عتيبه وهي قصيدة رائعةٌ جداً وفيها معاني بديعة ، قال فيها: سـر يالقلم ننقض كلام المحامين=لصـارت الدعوه حمايا حمانا
نقـض الحجج لابد له من براهين=ومعنا شــهادة وفا لادعانا ومن مدنا بالصـاع نجزاه صاعين=واللي يعادينا عليـه اعـتدانا كان الحميدي وازملاه متصـافين=على الحكي فيما ما تقدم حكانا تلحـقوا غـارات ناسٍ قديمـين=واخطوا وحنا من خطاهم خطانا ودام الشـريعه تاخذ العين بالعين=حنا ما تقضــي الشريعه قضانا حـنا بميزان المـعاني ثقيـلـين=وعلى مماشــــينا بعيدٍ مدانا هيهات لو حولت عكس الموازين=قضا القضـا فيما مضـى وانتهانا انتم رجال(ن) بالمعارك غثيـثين=لكن ما تلحق اخطـاكم اخطانا حنا عتـيبه ملحقـين المخليـن=بعنا بســوق الطايلات وشرانا قوم(ن) على صولات الايام ضارين=لو عضنا ناب الدهر ما قــوانا يهابنا الطـماع لو قلبـه اذهـين=نبطـش محلات الطمـع لاغزانا لنا ســلـوم(ن) غاليات المثامين=سـلومنا محدن حملها ســـوانا في سلم لوماء الوجه عام وشـهرين=وابخيلنا مامــون داخل حـمانا ثلاثـماية يوم تزداد ســــتين=تنحا المنايا عنه هــيبة لـحانا ومن حده الموت الحمَـر والديايـين=تخير الحصـن الحصـين ونصانا وبالحين نـملى فارغـات الموازيـن=جيب الصحون ومكرمات الصيانا للضــيف والجيران والمســتحقين=إليا من وهـاب العطـايا عطانا ابيوتنا للـضيف مثل البســــاتين=يفرح به الملهوف ليلة ضـوانا نجود بالماجود بالعســـــر واللين=وضحك الحجاج وما حلا من نبانا حنا على حفظ المواجيب حرصــين=مانعطي الطـرقي قراطــيع مانا والجار لـه واجـب وحنا وفـيين=ندعيه للكرامــه ولو مـا دعانا جيـرانا دايم حشـــام وعزيزيين=وندرا شـرفهم عن كلام اسفهانا حنا بوجه الجار دايـم جـديديـن=يزيد مع زايد اسنـينه وفـانــا وان جاء نهار المعمعه واللغا الشــين=نبيع غلا الروح دون اقصــرانا وان راح ما نشـدق قفاه بسـكاكين=نحمي مـجاله عقب عنه انتحانا وخوينا لو هــو من اللي معاديـن=يأمن بنا في كل درب مشــانا ولصرنا مع الخوي بدرب(ن) متخاوين=نرعى الحقوق ولانخون خـويانا وحنا منازلنا ورا حضــــن ويمين=هاذيك ديرتنا فيها نشــــانا وجينا نبا المرباع عند القحاطـــين=يوم الزمان بحد ســـيفه حدانا وقالوا لنا ما تاسـع الدار شــيخين=ونجد العذيه تحت فيت عصــانا وتشــاوروا طلقين الآريا الحكيمين=احد(ن) ومر بالحرب واحد(ن) نهانا واحـتار من يـختار بين الأمـرّين=اما الدهر ولا ســــيوف اقبلانا وتقرر المـحدار بالـخـط والقـين=نمرن فأولـها يـرفرف لــوانا وندري ما قـدامنا مــزرعة تـين=لكن على روس الافاعي وطــانا زحنا قبايل نجد عن نجد قســـمين=وجينا بـمثـنات البلاد وبـنانا عاداتنا نخلي ســـــروج المسنين=وأول موردت الســهوم أومرانا حمّاية الســـاقات فالـمقليــن=باموالهـم يرفون فقر فـقـرانا وليا جاء الامر بين القـــبيلة حليلين=حلوا مشـاكلنا وحازوا رضانا وعبدالـعزيز اللي رفع رايـة الـدين=اللي ليا خم النشـــيط يتوانا اللي تخاضــــع له رقاب الفراعين=من هيبتــه كلٍ يـريد الأمانا بالســـيف صارعناه وسط الميادين=وانتم تخامرتوا ســوات السمانا ماعمرنا نذعن لحكم الســــلاطين=إلا بيوم(ن) ينتصـــر به حدانا اخبارنا قد هزت الهند والصــــين=ولا هـمنا الهيس العور لو هجانا ولو كان فالاعلام ضـــمن المذيعين=الباع قاصــر والطويل اللسانا وقولٍ نقولـه ثابتٍ بالـدواويـــن=وتاريخ نـجد المعتمد مانسـانا ايام عرجا قد عطتنا نياشـــــين=وفي ايام معتق يشـهدون اعتقانا العفو عند الـمقدره للكريـميــن=وحـنا ليا منا قـدرنا عفــينا هذا كلام يفّحم المســـــتحقين=وعاداتنا نقطع لســـان طّلبانا
|
|
قبيلة حرب
قصيدة: ابن خربوش الشمري .. في قبيلة حرب ... في عام 1365هأ حصل بعض المساجلات الشعرية بين الشاعر محمد الحداري السليمي الحربي والشاعر عبدالرحمن بن معيتق العنزي رحمه الله وكان من عادة الشعراء في السابق اذا ارسل مندوباً الى شخص آخر عليه ان يذكر في قصيدته المنازل التى يمر بها مندوبه ويصف كرم اهلها ، لكن الشاعر عبدالرحمن بن معيتق العنزي وجه قصيدة الي محمد الحداري الحربي ولم يذكر بلدة الشاعر فرج بن خربوش الشمري رحمه الله في جبل سلمى مما اغضبه وجعله يقول قصيدة يعاتب فيها ابن معيتق على تجاهله لبلدة سلمى بلدة ابن خربوش وجماعته من شمر ويمدح قبيلة حرب ويعدد بعض شيوخها ورجالها المشهورين وتروي بعض آبيات هذه القصيدة بروايات مختلفة وفي اعتقادي المتواضع ان هذه الرواية هي اصح الروايات حيث وجدت مكتوبة من قبل حسن بن صالح بن ناقي نقلاً عن الشاعر ابن خربوش عام 1371هـ . يقول الشاعرالكبير/ فرج بن خربوش الشمري رحمه الله يا راكبًُ(ن) من فوق زين المشاديد=متحــدر(ن) من روس عالي جـباله
ممشاه من سلمى عطاها الرواعيد=الاجــنـبي وان جاه يعـطي جماله من جاه في سلم العرب بالشرف زيد=ومن جـاه في حــرب(ن) تعــزز لحاله من راس ابن خربوش ماهيب تقليد=من دار ذربــين الــلغى والجـــزاله والنضو ركابه علي كيف ما اريد=لابــن معيــتــق زاعــجـيــن الرســــاله يهلي براع النضو قبل التناشيد=ريـــف الركاب اللي تــوامي حــباله ويقلط العاني بزين المقاعيد=ويسيـــح عـــند مــنـــفــــد البــــن بـاله قل وش علم جيشك مر سلمى مسانيد=هل اللحـيـسه مكــرمة من عــنا له ورك(ن) بوجه الهجن لا جن مصاعيد=قـــدامــــهن الوافــيــن في كل حــــاله الضيف يعطونه علي كيف ما يريد=ويــقــعــدونـــــــه بي مـــكان الشــكاله علي النعي مثل المحوص المواريد=يحيــون باللي فــاض مع راس جاله حب اللقيمي ميرهم مع نمى الغيد=وفــنجال بن مونـــسه مع كــــماله بدو(ن) تنفد غالي البن تنفيد=بدلال وارفــــاف(ن) طـــويل ظلاله ذولا محادير(ن) وذولا مسانيد=يهلــــون بالرجـــــلي وراع الــزماله شرقي جبل سلمى قرايا المساعيد=ملافــــظ الشـريان تـرهم شــــماله جيشك تعدانا وياخذ تصاديد=دليــل جـيـــشك فـوته من هــباله ومثلك يشيم عن كثير الهرابيد=والا نعــــرف الطيـــبه والفــساله معزبكم المذكور يا عل ما يفيد=يا حـــيــف ليـــتك بارز(ن) به لحـاله على خلاك مسوي(ن) قد ما تريد=والا سكـــت ودامـــح(ن) له خــــماله كل العرب فيها ختوش ملابيد=شخـوص العـرب ما تــــندمر من حـــثاله حرب(ن) من القبلة الى ادنى تخاديد=ياما بحــــرب(ن) من رجــال الشــــكاله وياما بحرب(ن) من كرام صناديد=وياما بــــهم من مــدركـــين الجــــماله وياما بهم من مشبعين المراديد=شيــــوخ(ن) تــنــــفـد مالها دون حـاله معنا صداقتهم سنين سراميد=وراع الثــنا ما ينجــــزى بالفــــساله ابن نحيت ينفد الملح تنفيد=من كون بقــــعا عــنــدنا له جــــماله مع شمر(ن) ورد على الموت توريد=أرخـــى على حـــوض المـــنايا حـــــباله ويوم المليدا شدد الحرب تشديد=مرقـــب غــضي(ن) نـــشده وش جـــرى له ربعه بنى سالم مشوا والجمل قيد=يوم ابــو ضيف الله بـــراي(ن) عـبا له وضيف الله شوق اللي نهوده مقاعيد=رخــيـــص ما باليـــد ثـقـــيــل(ن) بحاله ألين من الماهود ما به عواقيد=حــلال قــــالات(ن) تـــلـــولس حــــباله واخوان حسنا للمجوخ صياييد=بالسيـــف ردوا عــــند تـالي ثـــقـــاله في درب ابو جلال تلقى المفاريد=تـــشدى دروايش(ن) عن الـــدرب عاله جلال شوق اللي طماحه تصاديد=مربــوعة حـشـــــو المنـــقــش جماله ورد لجام السيف بالراس توريد=بيوم به الخـــفرات تــرمي شــياله بني علي ربعه على كيف ما يريد=تــرعى بهم شــقح(ن) على الحــمض مــــاله واخوان نورة تكرم الضيف وتزيد=تـــــورثـــوا بـــاس المـــهادي وباله يرعن بهم الزرفات فيض(ن) وتسنيد=مع حجرف(ن) سيف(ن) وراي(ن) برى له وناهس صليب الشور عقب صناديد=عـقـب شيـــوخ(ن) تفـــرح اللي عـــنى له وغالب ابن مقحم ذرى كل رعديد=زبن الحـصان الــلي تـــوطا حـــثاله إلي تعلوا طايعات المقاويد=كم من طمـــوح(ن) قـــلـدوها حــباله اللي قنص بالحر صياد وايفيد=والـــلي قــنص بالتـــبع عــزى لحاله وفيحان يثني دون شقح مواليد=وان ضيــعت عــقــب الضــبابــة عـــياله وكم سندت خيل المضايين تسنيد=ومن ذل فـــنجـال الشــرف ما مـــشى له يا مال طوبى ماجد(ن) عندهن صيد=وجـحـيـش والعـبـــد المـطرف بـــرى له كل نخبره بالثنا والتماجيد=ابن صميعـــر فــــرحة الـلى عـــنا له من دون ضيفه ورد النفس توريد=فـــكـــه من الحـــكام وارخـــص حــلاله عقيد عيرات(ن) تبوج البراريد =دار العــــدو لازم يـــدوج بــــجاله نزه الشوارب عن جميع العواقيد=الله يحـــل الشايـــب اللي غـــدا له وخلف ابن ناحل مضيفه تقل عيد=الـلي عـــطى الزمال من حـــر مـــاله ونافـــل ابن غميض يشريه ويزيد=راعـــي الخــروف يـربــــحه لا عـنى له والنعم بالناقي الى جا جويريد=تـــلــقى الشبــب بــبـيـوتـهم والشـــكاله نفوسهم للضيف مابه عواقيد=أهـــل الملــــيحا يوم جــــود عـــقاله وزيدان ابن مطلق الى جن عراجيد=ذيــب السمـيـن الـلي تعـــرم حــياله هدات حر(ن) طالع في جلا الصيد=صيــده من الجـــزلات ما هي هــــزاله ليا ما لقى ضان(ن) كرم بالمعاويد=مخــيــمر ابن مطـــلق صبي الجــزاله راع الكرم والجود بالفعل وايزيد=جعــله لجــنات النـــعايم نواله ورباح ومحمد على كيف ما اريد=والمـــرجلة مسوا مــثاني حـــباله والماكر الطيب لربعه مقاصيد=ومن جـث من خـــو(ن) تبـيـن قــباله شيوخ حرب والكرام الصناديد=ذبيت عـــنهم يــوم صارت شــكاله الطيب ان جيته يزودك تزويد=والحـنـــظلي ما يـقــبلونه عــياله
آخر تعديل بواسطة عبدالعزيز بن شري ، 14-11-2007 الساعة 09:20 PM.
|
|
قبيلة مطير قصيدة جميلة في مدح قبيلة مطير للشاعر حنيف بن سعيدان وهو من الشعراء البارزين الذين خلدت اشعارهم لما لها من الصدى الطيب وجزالة المعنى وإليك القصيده : الا قيل وين مطير واخفـن الأرمـاس=الـراس بيـن محقـبـه واللهابــه
كزوا لهم من عقب الأمطار عسـاس=وتباشـروا بالصلـب كثـرة شرابـه وتقودوا فرسانهم قحـص الأفـراس=وحطـوا جنيـح شـدة مـن حرابـه يتلون ابن سلطان قطّـاع الأرمـاس=دين علـى ولـد الدويـش ووفابـه يقدا جمـوع كنهـا نـاب الأطعـاس=وصم الحوافـر مـا عرفنـا حسابـه اسم على جسم وجـد علـى سـاس=وفعل قديم مـن عصـور الصحابـه ياشيخنا مالـك حلـيّ مـن النـاس=كونك صباح وكـون غيـرك نهابـه كونك كبير ومنـه الأجنـاب تقتـاس=اليا واجه الطرقي الأخـر حكـى بـه مثـل نهـار يـوم الأريـاق يبّـاس=من ذاق ضرب ايمانهم ما سعـى بـه خلي على صيانهـم حمـر الأكيـاس=والبن الأشقر ما اهتنوا فـي شرابـه ولا يزاعم الدوشان كود انقر الـراس=الله يمّن خـوف مـن لا سعـى بـه امهارهم في غبـة الكـون غطّـاس=وايمانهـم ترمـي العشـى للذيابـه لبّاسة الماهـود والـدرع والطـاس=ومصقّلـن تدنـي المنـايـا ذبـابـه يجلي عن الكبد الصدا سلـة المـاس=يـوم تقطّـع بالرضيمـه ضبـابـه من ضرب علوى خيلهم تمرس امراس=امـراس صيـد مقتفيـتـه ذيـابـه ما عفّتوهن عنـد زينـات الأجنـاس=وعند البكـار اللـي لهـن انحطابـه عدونا يصبـر علـى كسـرة البـاس=وصديقنـا يفـتـق زرار الحـرابـه والذود جعله فدوتن لك عـن البـاس=ياشوق من كن الزهـر فـي لبابـه
|
|
قبائل قحطان قصيده في جميع قبائل قحطان هذه القصيدة شاملة لجميع قبائل قحطان سواء كانت في الجنوب أو نجد مثل (ال حمّير وال عبيان وال داوود وبني هاجر والشرمان وال حمراء يرجعون من شريف) و (أل سعد يرجعون في الحباب والحباب يرجعون في سنحان) و (المسارده والفهر يرجعون في عبيده) و(الخنافر وال عاطف يرجعون في سنحان) و( الحماله يرجعون في بني بشر). وقد حصلت على هذه المعلومات من الشيخ:عوض بن محمد بن صالح ال عبيان القحطاني من سكان مدينه الحرجه بلاد قحطان. وهذه القصيده للشاعر خداش من ال عابس من قبيله عبيده قحطان احد شعراء قحاطين الجنوب. إن سلتني يا لجنبي مـن التجاريـب=فحاشد هل البنـدق ويـام الحلامـي
وسنحان مثل الصقر رؤس المراقيب=من خوفهم نهيب على السطح بـادي وشريف يوم الضيق تروي المضاريب=إلى حامه الهيجـى ولهدلـق الذيـب وعبيده اللي مثـل طـور الغمامـي=كمن صبي قـد فتقنـا بـه الريـق وبني بشـر اللـي فرطهـم تمامـي=عند الغضب ماتصلـح الا بتنصيـب ورفيده اللي مثـل غالـي الوسامـي=تشيل الحمول في جنوبهـا مشاذيـب وشهران تطمر لي قد الزرق حامـي=ما ترجـع إلا بالدمـي المخاضيـب وعسير من قحطان بحـر الظلامـي=أهل الكرم والجود وأهـل التراحيـب لـرد بـه عنـد البنـادر خيـامـي=فعرب تسؤم أدميهـا فـي المجاليـب فن سلتني يـا لجنبـي مـن كلامـي=ماجاك مني فـي نشيـدي تجاريـب تسعه شهـور فـي بـلاد التهامـي=وتسعه شهور في بـلاد المناصيـب باقي العرب من غرب تيـه وشامـي=مثل الغنم لدرعـه فـي المضاريب شهريـن لـو انـه دانيهـا الهيامـي=شي عشى صقر وشي عشـى ذيـب شف ذا سلامي عـد ركـع الأمامـي=واعداد ما خط القلـم فـي المكاتيـب
|
|
قبيلة الظفير هذي قصيدة في قبيلة الظفير العزيزة للشاعر / حواس الصميدي الظفيري يالقرم شب النار واحمس من البـن=واحمس لنا من بن صنعا عجايـب ثم دقها في قلـب نجـرن ليـا دن=حسه جمع غياب وابليـس غايـب وخلها تفوح بهيلها عقب ماطحـن=وخلط معه مسمار والكيف طايـب واليا اركدت سقها على شايب امسن=وقهوه الرجال بدورهم عقب شايب فنجال اشقر يقعد الراس وان حـن=قلب عليه مـن الليالـي غلايـب في مجلس مافيـه نفـس تواطـن=قـول النميمـه والنميمـه ذهايـب واذكر لنـا منهـو فعولـه يعـدن=سوا لنـا بالمجـد علـم وسبايـب يوم انه بسيف ورمح ( ن ) مسنن=شبرم قوي الباس عطب الضرايب لاثار عج الخيل والخيـل صفـن=صفت رموش المترفات الحبايـب يسوق روحـه دون ربعـه ولكـن=سـوق الريـاح العاتيـه للهبايـب صاح المصيح اكثر الخيل غـارن=يقودهن شبرم حصـان الطلايـب زيزوم حرب وبالحرايب تقل جـن=والمـا بـدم الييعـاديـه رايــب عيبه اليا عيبـن انفوسـن وعيبـن=سمن يصب فوق حيـل صبايـب عيبه اليا عيبـن انفوسـن وعيبـن=سيفه على العدوان جر المصايـب وعقبه خلاوي من المراجل تمكـن=ليث ولـد ليـث يفـك النشايـب لا كثرة القالات ما يخلـف الضـن=يشـدي لنـار تسطليبـه لهـايـب وردن عطاشى وصدرن حين روين=حدب السيوف الي بها السم ذايـب من قابلـه يلعـن نهـاره ويلعـن=حضن رمابه بين خيـل وركايـب ومحمد ضـون نجومـه وشعـّن=نجمة تعلى فوق بيـض السحايـب ريف الضعيف الـي لياليـه خلـن=حاله نحيل ودمـع عينـه سكايـب يعطي ولا يتبـع عطايـاه بالمـن=يعطي ولا يرجي سوى الله ثايـب من عقبهم منوه علومـه شهرهـن=علمه شهر لعـداه قبـل القرايـب اخوان هو والمجـد مجـده تكـون=اما وصلـه طيـب ول غصايـب نوخ ركاب الطيب عنـده وناخـن=ركاب العقل يومه صغيرن وشايب وحيلن يقلطهـن ينـدي شحمهـن=ليث شجـاع حـر ماقيـل هايـب اكرم من غيوم يصبـن مطرهـن=واشجع من الضرغام وقت الحرايب هذاك بنـدر والعـذاري يعجـزن=مثله يجيبـن ماشطـات الذوايـب والطيب له خيل ونايـف عسفهـن=بيدين نايف كل اوبهـن قضايـب شيـخ مواكيـر الشكالـه رقاهـن=ما للردي يمـه طريـق وسبايـب كم من سجين اطلعه عقب مااسجن=وادعى هله ضحاك عقب النحايـب هو عزوة نفوسن من الوقت قاسن=مثل الجبل يرسي بوجـه النوايـب نايف وله عـادات مثلـه ينوفـن=حر ينـوف بنايفـات الهضايـب مـن الكـرم تلقـى يدينـه ينـدن=ابـو شناتـي والفعايـل رهايـب يشدي غوم(ن) رودمن ثـم صبـن=خير على خيـر عزيـز الخبايـب (واخوان صبحه)والركايب يحنـن=اهل المغـازي والعلـوم العذايـب اهل الكرم والطيب ربعي وانا مـن=(اخوان صبحه)لابتـي والقرايـب ** الي لهم بالحـرب علـم معنـوون=اهل السيوف الي تقص الصلايـب (طماح )ربعي بالملاقى لهـم فـن=(لالولشن)البيض حمـر العصايـب شالو سيوف وحدرهم خيل شالـن=اكرام انفوس اطياب وارثةاطيـاب من قاصر (الطماح)لخيـر عيـن=ومن ضدهم تكثر بـداره خريـب بفعالهم شبعـن جـوارح وشبعـن=ذيابـه بالليـل جـرت قنـايـب وصلاة ربي عـد ماالمـزن هلـن=واعـداد ماعيـن تهلـه سكايـب على الذي للحـق وضـح وبيـن=على النبي الي بكـوه الصحايـب * اخوان صبحى ... لقب لقبيلة الجواسم من الظفير .
|
|
قبائل بني تميم
هذه القصيدة كتبها الشاعر ناصر المجماج سلام الله سلام الله على ربعـي هـل الطـولات=تميم المجد أب وجـد مـن آدم إلـى الساعـه
هل العزة؛هل الشيمة؛هل الفزعة؛هـل النخـوات=هل السيف الذي له روس كل القـوم خضاعـه هل الهقوات بالهـدات؛ والصمـلات باللقـوات=بيومٍ به تشيب الـروس والشجعـان مرتاعـه هل الطيبة ؛ هل الهيبة ؛هل الكرمات؛ والجزلات=وعلم الطيب عنهم منتشر مـن بيـن سِمِّاعـه كرام الناس وقت الشرك للإسـلام خيـر دعـاة=شف سيرهم بكتـب الديـن والتاريـخ لماعـه وهم ذروة سنام المجد ؛ بحاضرنا ؛ ووقتٍ فات=وهم شمسٍ على الدنيا تنير وياضـي إشعاعـه وأخص إِبْها أهل حوطة تميم ؛ أخصهم بالـذات=وراني ما أفتخر وأفخر بنـاسٍ هـذي أطباعـه أبا أمدحهم ؛ وأنا بمدحي : معي قاطع دليل إثبات=على إن نفوسهم للطيـب والطـولات طماعـه وعلى إن الدين منهجهم وهم للدين خيـر هـداة=لغيـر الديـن والإسـلام مايمشـون بالطاعـه ألا يالله تعز الحـي وتعطـر ثـرى مـن مـات=وتجعل جنة الفردوس عقـب المـوت جماعـه وسلام الله على ربعي تميمٍ هـم هـل الطـولات=يفاخر فيهـم التاريـخ مـن آدم إلـى الساعـه
|
|
موضوع رائع يسعدني المشاركة بـــه هذه قصيدة لمدح جمعت قبائل الجزيرة العربية اعتقد جميعهم بإذن الله أعجبتني فنقلتها لـكم ... * ** * يالله ياخـــالق اراضـــين وابحـــار=الواحد المعـــبود رازق عبــــيده
الخـالـق الغـفـار عــلام الاســرار=وفــرق شـعـوب الارض فــي كــل يـــده وابــدي واسـولـف مــن عذيـبـات الاشـعـار=ابـيـات شـعـر والمعـانـي وكـيـده اشـري وابيـع واعـرف كـيـف بخـتـار=واخـتـار مــن جــزل البـيـوت الفـريـده وذ كـرتـراث وعــز وامـجـاد وافـخـار=قـبـائـل تـومــن بـديــن وعـقـيـده وحنـا حمـاة الــدار مــن كــل غــدار=ومــا همـنـا بطـشـه وخبـثـه وكـيـده قبـائـل مالحقنـاهـم اوعـــار=وعـشـنـا بـهــذي الـــدار عـيـشـه رغـيــده والحـمـد لله نحـمـده ســر واجـهـار=شـعـب تكـاتـف مــن سـنـيـن مـديــده ودون الوطـن جـيـش عـلـى كــل معـبـار=لارفــرف البـيـرق ونــادى عقـيـده بـشـرق الـبـلاد وغربـهـا دوم حـضـار=وارض الشـمـال الـلـي نـفـوده مـديــده وارض الجـنـوب الـلـي تخيـضـر بالاشـجـار=جـزيـرة فيـهـا القبـايـل عـديــده ارض بـهـا قحـطـان وافـيـن الاشـبـار=ويـاعــز مـنـهـم بالـشـدايـد بـسـيـده واذكــر عتيـبـه يــوم للطـيـب مـغـوار=لا ثــارت الهيـجـا وقــرب ضـديــده وشمـر هـل الطـولات والجـود مـقـدار=اهــل الـكـرم واهــل الفـعـول الحمـيـده وقـوم اعنـزه مـرويـن الاخـصـام الامــرار=اولاد وايــل مــن عـصـور عهـيـده ومطيـر قـوم تـكـرم الضـيـف لا زرار=ويـاويـل خـصـم فــي حـراهـم وعـيـده واذكــر قبيـلـة حــرب يانـعـم الاخـيـار=وتاريخـهـم يحـكـي سـطـور مجـيـده وسـبيـع نـعم القوم ووجيه الاسفار=زبن الـدخيل ليا زبن من طريده واذكــر قبيـلـة يــام والطـيـب يـنـدار=اهــل الـعـلـوم الـوافـيـه والـرشـيـده ثــم الـدواسـر تجـعـل الخـصـم منـهـار=عـيـال زايــد عــز منـهـم سنـيـده ثـم السهـول اللـي لهـا الطيـب مــدرار=وعــن منـهـج الـعـادات مـاهـي محـيـده ثــم اذكــر العجـمـان حمـايـة الـجـار=والمرجـلـه والـجــاه فـيـهـم عـتـيـده واذكــر بـنـي مــره طويلـيـن الاعـمـار=مــا ينـقـد الـمـري ولا لــه نقـيـده ثــم الهـواجـر لابــة تـقـدح الـنـار=اهــل الـركـاب الـلـي خطـاهـا بـعـيـده واذكـر بنـي خالـد قبيـلـة وامــار=قــوم لـهـم فــي المـجـد قــول ورصـيـده وبنـي تميـم الـلـي لـهـا الطـيـب مـصـدار=بـنـي تمـيـم وكــل فـعـل تجـيـده ثـم الزعـوب اللـي بـهـا الخـصـم يحـتـار=شجـعـان ماتـرضـى ســوا ماتـريـده العازمـي وافـي وفـي الطيـب بيـطـار=روحــه عـلـى كــل المصـاعـب صمـيـده ثـم الظفـيـري فــي المصاعـيـب جـبـار=والطـيـب والامــداح باصـلـه وطـيـده ثـم اذكــر الاشــراف بـجـلال واكـبـار=اهــل الحـجـاز الـلـي تـفـك الزهـيـده ثـم الهذيلـي لــه مـواقـف ومـنـدار=راعــي الفـخـر راعــي العـلـوم السـديـده ثـم البقـوم اللـي لـهـم جـيـش وامـهـار=ريــف الضـيـوف لـيـا لفـاهـم ولـيـده واذكـر ثقيـف اللـي لـهـم مـجـد وآثــار=ومهـمـا حسبـنـا مــن كــلام نعـيـده وبلـحـارث اهــل الـعـز بشـهـود واقــرار=الحـارثـي ياطـيـب فعـلـه وجـيـده والمالكـي معـروف لا صـار مـا صـار=فـي موقـف اهـل الطـيـب يـبـذل جهـيـده واثـنـي تحيـاتـي عــدد وبــل الامـطـار=عـلـى سلـيـم وكــل خـصـم تكـيـده واذكـر جهيـنـه هــل مواقـيـف وادوار=تلـقـى الجهيـنـي راســم الطـيـب بـيـده واذكــر بـلـي والمجـدلـه فـعـل واظـهـار=وتاريخـهـم يحـكـي فـعـول فـريـده وبـنـي عطـيـه فــي المواجـيـب حـضـار=قــوم بـوقـت الـجـد قــوم عنـيـده ثــم الحويـطـي والكـرامـه لــه اشـعـار=ثــم الـشـراري لــه فـعـول مفـيـده ثـم الرشيـدي فــي الصعيـبـات صـبـار=عـلـى عـلـوم الطـيـب فعـلـه يـزيـده وباقـي جـنـوب الــدار والـقـاف مــادار=بـاقـي عـلـى قلـبـي كــلام واشـيـده زهـران نعـم القـوم فـي وقـت الاضـرار=والخـصـم عيـنـه مــن لقـاهـا سهـيـده والغامـدي معـروف لــه عــزم واصــرار=راعــي المـراجـل والعـلـوم المفـيـده وشـمـران قــوم والجمـايـل لـهـا اطــوار=وبلـقـرن ســم للـقـلـوب النـكـيـده والاكلـبـي والمحلـفـي مابـعـد بـــار=والـحـارثـي طـيـبـه وفـعـلـه يـشـيـده وبنـي شهـر وبنـي عمـر سـيـف بـتـار=قــوم عـلـى الاخـصـام نــار وقـيـده والاسـمـري والاحـمـري صيتـهـم ســار=بـيـن القبـايـل والـمـواقـف شـهـيـده واذكـر عسـيـر الـهـول ذربـيـن الاذكــار=وابـهـا احتمـوهـا فالسنـيـن الشـديـده وادهـم والصيعـر علـى حـد الاقطـار=يحـمـون حــد الــدار مــن الـلـي يـريـده وامـشـي مــع السـاحـل مــع جمـلـه افـكـار=رسمتـهـا والطـيـر زان اتغـريـده وانــزل عـلـى جـيـزان تـاريـخ واديــار=ورجــال فيـفـا والقبـايـل عـديــده وارجـوا العـذر واهـل المواجيـب عــذار=الــي نسيـتـه مانـذكـر فــي القصـيـده الواهـبـي عــدد ابيـوتـه بــالادوار=مــن شـاعــر مـاشــل قـلـبـه حـقـيـده شهـران ربعـي هـم هـل المـدح والكـار=واهـل الكـنـد واهــل السـيـوف الجـديـده يــوم البـلـد مايـامـن الـزنـد لاثــار=زيزومـنـا ابــن مشـيـط نـعـم الـولـيـده فالجـهـل شجـعـان وفــي السـلـم تـجـار=مــن بـطـن بيـشـه للتـهـم لارفـيـده حبـيـت ابـيـن موقـفـي بـيـن شـعـار=وارجــوا سموحتـكـم عـلـى ذا النشـيـده ماحـب انـافـق واتعنـصـر تعنـصـار=ولا نــي باطـيـع اهــل العـقـول البلـيـده مـا كـل مـن طـب البحـر قيـل بحـار=ومـا كـل مـن شـل الفشـق جــاب صـيـده فالشـعـر بسـتـان بـــه ورد وازهـــار=والـلــي تـعـداهـا بـيـوتـه فـقـيـده واقولهـا فـي الشـعـر تـكـرار وامــرار=ضــرف بــلا عـنـوان يلـغـى بـريـده وبعـض السوالـف لـه مـواقـف ومحـضـار=وشـعـر بــلا معـنـى لــزوم نبـيـده وصلوا على المرسول شفاع الابرار=محمد الهادي وقدوة عبيده
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
من مشاهير الجزيره العربيه | مرسال نجد | المنتدى الأدبــــــــــــي | 10 | 18-06-2013 08:44 AM |
قصيده مدح قبائل شبه الجزيره | صقر بني رشيد | منتدى الشـــعــــر | 3 | 28-06-2011 04:32 PM |
صور نادره في الجزيره العربيه | راسبه بالحب | منتدى الصوروالفيديو والسفر والسياحه | 7 | 15-01-2011 11:23 PM |
افضل قصيدتين توجد في الجزيره العربيه | The monsoon | منتدى الشـــعــــر | 2 | 19-10-2009 10:52 PM |
قصائد لقبائل المملكه الغربيه السعوديه | z7z7 | منتدى الشـــعــــر | 4 | 25-02-2008 07:04 PM |