[عبداللطيف الرشيدي]

, البارحه مابين همٍ وهوجاس

همٍ يصدّر بي وهمٍّ طواني

سهرت ليلي سارح الفكر محتاس

أشكي لقلبٍ من عنا الوقت

فاني طغى علي الياس مع هجعه الناس

وحلو الكرى يوم ان دعيته عصاني

باسباب طيفٍ مرني وقت الادماس

طيفٍ يكدّر خاطري لاغشاني

طيف الذي ماشفته بكل الاجناس

اللي سلب فكري وحسنه سباني

حبيتها ياناس من غير مقياس

واخلصت في حبه لحدّ التفاني

انا اشهد اني في هوى الترف غطّاس

وانا اشهد انه من حنانه عطاني

وعز الله اني صرت للزين عسّاس

وعز الله انه من غرامه سقاني

أحيى عروقٍ داخل القلب يبّاس

وتحركت قيفان شاعر أناني

يشكي من الفرقا ويشكي من الياس

وينوح نوح مغربلات السواني

مابين غربة روح واحساس وانفاس

يعيش عام من الوله في ثواني


متى يبان النور من بعد الادماس

متى القدر يرمي رهيف الثماني

ابنتظر ياناس ماعاش هالراس

هذي تواقيعي وهذا مكاني

الموضوع الأصلي: غــــــــــــــربة الـــــــــــــروح | | الكاتب: عبداللطيف الرشيدي | | المصدر: شبكة بني عبس

[أمـــير بـكلمتي]

صح لسانكـ بيض الله وجهكـ
ابيات جميله تشكر عليها

[عبداللطيف الرشيدي]

صـــــح بدنك



ولاهنت على المرور

[احمد منيف]

صح لسـانك اخوي عبداللطيف ماقصـرت :)

[هذيان]

أبيات رائعه .. صح السانك ياشاعرر

[عبداللطيف الرشيدي]

صـــــح بدنك اخوي احمد منيف



ولاهنت على المرور

[عبداللطيف الرشيدي]

اخوي هذيان صـــح بدنك


ولاهنت على المرور

[سعد]

ربي يعطيك الف عافية
مشكور
رررررررررررررررررررروووووووووووووووووووووعه