[عبودي الجنوبي]

هذه قصيدة لشاعر.ذويب رجا الخياري الرشيدي
ومهداة إلي فاطم عبيد الله الخياري الرشيدي
وهو يمتدح فيها هذا الرجل الوفي والصديق المقرب إلى قلبه

ابتدينا بسم رب الملا الواحد الحي الكريم=الله اللي يرزق العبد غفار الذنوب
الشدايد والتجارب لها فضل عظيم=والزمان دروس مابين نجوح ورسوب
المواقف عرفتنا الصديق من الخصيم=لين عرفنا الحقايق وقصينا الدروب
لحداك الوقت حذرا عن عيال الرخيم=ليغرك لمعة الوجه في غتره وثوب
ألردي لامنه بغى منك شيطان رجيم=وان بغيته مالقيته سريع بالهروب
ألردي ساسه ردي من رجال ومن حريم=والعرب تعرف كلام الصدوق من الكذوب
والوفاء مثل الحياء ينبت عروق الهشيم=والردى مثل الدهر عله من كل صوب
الوفاء صبر وعزم بالنشا ما مستديم=والردى قال المثل لاجلوب ولا حلوب
راكب اللي مصنعه فخم والمركب فخيم=وارد اليابان وأخر موديل من الجيوب
ابيضاً كنه اللؤلؤ مبروم بريم=إن تغشته تقل لون قطنه وسط كوب
المراتب ريش نعام مدري جلد ريم=مايتعب سايقه بالمسافة والركوب
المكيف مركزي مثل ذع ذاع النسيم=لو يحط الثلج وسط الغماره مايذوب
يوم روح تقل غرنوق يلعب وسط غيم=راح مثل ظل السحابة يباري للهبوب
إن نطحته تقل بدراً سطع من وسط غيم=والشهر تسعه على خمسه بضبط محسوب
وان تقفيته تقل برقاً لمع في ليلٍ ظليم=ظافين مزنه على نجد والبارق شبوب
كن صوته صوت مزنٍ رعدهن له رزيم=وسطهن برق ورعد والمطر من كل صوب
من روابي نجد روح من أطراف القصيم=ناوين دار المعازيب قدام الغروب
ضربه خط الفويلق على خط العظيم=سنده مابين حبشي ومن بين الهظوب
سايقه حريف ماسا قه غشيم=بالأمانة والثقة والعقل رجالٍ محسوب
ناحين فاطم ولد شايبٍ فعله قديم=شاع ذكره بالوفاء بالشمال وبالجنوب
أبو عبد الله راع الجود رفيقاً حشيم=الشجاع اللي لياقام بالواجب ينوب
يالله انك تسكن أبوه جنات النعيم=ياعظيم الكون ياعالم سر الغيوب

والسلام

الموضوع الأصلي: قـــصيدة مدح لشاعر.ذويب رجا الخياري الرشيدي | | الكاتب: عبودي الجنوبي | | المصدر: شبكة بني عبس

[ابن جحيل]

ألردي ساسه ردي من رجال ومن حريم=والعرب تعرف كلام الصدوق من الكذوب
والوفاء مثل الحياء ينبت عروق الهشيم=والردى مثل الدهر عله من كل صوب
الوفاء صبر وعزم بالنشا ما مستديم=والردى قال المثل لاجلوب ولا حلوب

بارك الله فيك على النقل الجميل يا عبودي الجنوبي .
وصح السان الشاعر:ذويب رجا الخياري.
يستاهل فاطم عبيد الله الخياري.
اخي اذا امكن تزودنا بقصائد الاسيحم الخياري
وشكرآ لك

[أنكسارحلم]

الاخ عبودي الجنوبي

صح السانك ولسان ذويب رجاء الخياري

واسمحلي بعادة تنسيق القصيده

تحياتي

[مسندالعويمري]

الاخ عبودي الجنوبي

صح السانك ولسان ذويب رجاء الخياري

[أبن سيناء]

صح لسان الشاعر ذويب الخياري على هذه الرائعة .. وبيض الله وجهك على هذا النقل الطيب.. الجنوبي

[سعد بن عادي]

الاخ عبود الجنوبي اشكرك على نقلك قصيدة الشاعر ذويب رجاء الخياري

بيض الله وجهك

جديدك يهمنا

دمتم كما تحبون