[ام الاشبال]

	خريف العمر".. وبـ صمت مرتفع .. انا .. وسلمى .. وسيف كلنا .. بـ صمت مرتفع ..! ووويااااسيف.. ,, طال السكوت.. وظاق صدر السواليف والبال.. من كثر الهواجيس عايف.! والليل طااال.. وطارق الصبح ماشيف.!! وانا..وصمت الحزن..صرنا ولايف. اسج..مع هجس الطواريق..واعيف هجسي..وطاروق الضلوع النحايف.! تجوع.. سلمى.! واترك..الكم.. والكيف! واقسم..رغيفي بيننا بالنصـايف.؟ اقرأ..وتكتبني..قضيه, وتعريف وتظما. وتشربني ..نحيب, وذرايف!! صمت الشعور.. احساس.. ماله تواصيف أكبر من حروف الحكي, والوصايف..؟؟ ياسيف كيف اشرح لك الوضع ياسيف؟؟ اقلامنا جفت ورفعت صحايف.!! كيف ابتدي يامسندي..وانتهي كيف؟؟ من دون كيف؟ انا مثل مانت شايف.،! شفني بقايا انسان والوقت كالسيف.! وحظي كفيف..! وفرحتي.؟ حلم زايف! همي بحر..وضلوع صدري..مجاديف والعمر مركب..بين الأمواج طايف.! وقلبي وطن..وعروق قلبي تجاووويف للحزن.. وهمومي.! شعووب وطوائف..! صوعات بقعا ..والقدر ..والصواديف ورتني اهوال السنين العجايف. ‏ أتبع.."خريف العمر" في رحلة الصيف..! وازحف ..على حد السيوف الرهايف.. الليل ..مفتاح السهر والتكاليف. والصبح ..مفتاح القهر والحسايف. والصبر.. مفتاح الضلوع المناحيف.! والحزن ..مفتاح الجروح الرعايف!! والمصلحه ..مفتاح باب المواقيف . والواسطه ..مفتاح باب الوظايف ..!! والفقر..يفتح للوجيه المصاليف. باب الصلافه و الضعايف ضعايف لاصار لك حاجه ولالك معاريف بشت القناعه‏........,.......,....! ان قلت لك خايف! ترى ماني ضعيف ولاني شجاع !!ان قلت ماني بخايف؟ ياسيف وش عذر المعازيب للضيف؟ لامنها ضاقت صدور المضايف.! قل للسوافي لوتهب العواصيف عنها رقينا عاليات النوايف.. تسفي وحنا فوق روس المشاريف في راس نايف.. والخلايف ..خلايف وقل للضعوف اللي تحسب المصاريف حنا ترانا ماحسبنا الكلايف. لوشحت ..يدين الزمان.. المناكيف نبقى على ..عهد الوفا.. مانزايف وان طال.. بال الليل.. قل لـلسواليف بوح السهر من ظيقه الصدر عايف..! عادل الذيابي لاتنحرج..! لاتنحرج ماجيت اسبب لـك احـراج..قلبي عقـب فرقـاك زاد انحراجـه..! انت الوحيد اللي لـه القلـب محتـاج..وغيرك ترى مالي بهالنـاس حاجـه.. ان ظقت ظاق اليم بعيـون الامـواج..؟واليا ابتسمت..الكون يضحك حجاجه ..! دنيـا بدونـك كلهـا هـم وازعـاج..فيها ظـلام العمـر يطفـي سراجـه.. لاجيت يمـي صـار للظيـق مخـراجويعـود للقلـب الحـزيـن ابتهـاجـه ولاغبت ظيقة خاطري مالها أفـراج..بيديـك صـارت ظيقتـه وانفـراجـه لك في صميم الذات مسـرى ومعـراجولك مملكه فكـري وعرشـه وتاجـه ان كان لجروح الغـلا طـب وعـلاج صديقي../صاحبي../غربة شعوري../موطني..منفاي!! حبيبي../لوعتي../جرحي../خفوقي../جنتي../ ناري فخامة سيدي!!.. صاحب جلالة خافقي.. مولاي! امير الشوق.. لا.. صاحب سموه .. واجمل اقداري.! تراتيل الغلا./.سيد جروحي.. /مختصر معناي.... سيادة هاجسي/..منبر حروفي/..جرحي العاري! شواطيء غربتي..صمت اغترابي..منتهى دنياي!! مواري بسمتي..ضحكة حياتي..موطن اسراري! نهاياتي..! بداية منتهاي..! ومنتهى مبداي..! مصيري/..‎!‎ حاضري‎/ ‎‎!‎.. قصة حياتي/‎ ‎‎!‎... مؤجز اخباري‎!‎ أحبك..!! ياكثر ماقلت أحبك..‎!‎‎!‎ في حروف هجاي؟ أحبك..!! كثر مامل القلم من دفتر اشعاري! أحبك !.. ثم..أحبك! .. ثم..أحبك! .. ابك انا لولاي ـ احبك‎ ‎‎!‎ ماتغافلت الجروح .. وجيت لك ساري! أحبك! واعترف لك../ ايه أحبك‎ ‎‎!‎‎!‎.. وان بدالك رأي؟ اجي كلي على حشمة غلاك اقدم اعذاري!! أحبك..واسبر اغوار المواجع ..وانثرك بغناي اترجم لك شعوري..والمواجع تسبر اغواري؟ أحبك.. والوي عنان القصيد.. وينحني لرضاي! عسفت رضاه..لكنك لعبت بحسبة افكاري؟‎!‎‎!‎ اوقف للحروف اللي تلعثم في جدار شفاي ؟ وارتب لك صدى صمتي مشاعر واشعل انواري حبيبي ياكثر صبري عليك//..وياكبر بلواي!! نفذ صبري على جال انتظارك وانت بي داري! تغيب..وتسكن عروش الخفوق..ودفتري..واشياي؟ تنطحت الدروب وكل شيء يجيب لك طاري..‎!‎‎!‎ انا مقوى فراقك..! كيف تقوى تحتمل فرقاي ؟؟ حسافه..!ماتوقعتك تبيع وصاحبك..شاري تراك اول غلا يسكن حشاي..ويستحل اقصاي! معك تحلى مشاوير الشقاء لو طال مشواري..... فداك ايام عمري..والزمان اللي مضى..والجاي تصدق‎‏؟!كل مازدت بجفاك يزيد مقداري!! معك مركب غرامي ..ماسأل عن منتهى مرساي بكيفك خذ مجاديف العمر ياغربة اسفاري كتمتك وانكسر صمت القصايد واختصرت اخطاي؟ تعال اسمع معي نبض الخفوق وصوت قيثاري .. تجهمت الطريق!!وماوصلت اخر حدود مناي؟ على صدر المسافه كل خطوة تقصر اشباري!! حبيبي انت ياسبت شقاي وعلتي ودواي. دخيلك ..!! لاتمادا في جفاك وتقتل ازهاري دخيل الشعر واحساس الشعور..وعزوتك_! واعداي_! دخيلك ..! وين اولي عن عذابك واهجر اسواري؟ امانه لا غزتك الذكريات ومرتك ذكرياي تذكر من هدر دمع الفراق ان جاب لك طاري "كتبتك" يلعن اسلاف القصيد وتنكسر يمناي ! اذا اني ماقدرت ارضي غرورك باصدق اشعاري سرى ليل المواجع.. والتحف صمتي صهيل الناي على لحن الفراق اكتب حروفي واعزف اوتاري افجر للحزن صمت المواجع وان ضمنت بكاي اغنيها على لحن انكساري واسر ياساري 0 >>اقسى من العالم على شعب بغداد<< بديـت بأسـم اللـي لـه الخلـق تنقـادرب(ن) وسع في رحمتـه كـل هالكـون رب المـلا يغفـر ذنـوبـي لـيـا رادواليا قضى بأمـره علـى كايـن يكـون يامـن وفـد لجلـه جماعـات وافــرادمن كـل فـج وكـل عـام (ن) يحجـون يالله دخيلـك عـن ردى حـظ مـاجـادوقلب(ن) قفص صدره للأحزان مرهـون صار ابسط احلامـي علـى يـد حسـادوصرت ارقب اللذات بعيون [ مسجون ii] والصدفه اللي (خيـر مـن الـف ميعـاد)رحت اتغانمهـا 00وعـودت مديـون ؟ حظـي رمانـي بيـن عـدوان واحقـادوناس(ن) على نغمات حزنـي يغنـون !! حتـى الـذي لاجلـه تحملـت الانـكـاداللي من اجل رضاه00 حاضر وممنون !! اللي معـه كنـت امشـي الـدرب منقـادوابحث عن اللي يسعـده ويـن مايكـون! ضحيت لاجل رضـاه بوجيـه الاجـواداللي من اجل رضاي ..دايـم يضحـون! راح وتركنـي فـي ظروفـي ولاعــادترك العرب للقـدس بيديـن شـارون !!! اقسى مـن العالـم علـى شعـب بغـدادواحقد من الكافر علـى اللـي يصلـون !! يامـا عطيتـه مـن حنانـي ولا فــاداهديـت لـه قلبـي وجـازاه بطعـون !! جـازى وفـاي بكـل نكـران وعـنـادوباع الوفـاء واقفـت خطاويـه بالهـون اخترت عـن قربـه سهـر ليـل وابعـادتبـرى الجـروح او جعلهـم مايطيبـون رح علمه صـدق المواعيـد ... يابجـادوقلـه بعـد وشلـون الاحـرار يوفـون وقلـه تبـدل ليـل الاحــزان بـرقـادوتبدلـت ذيـك التناهيـد00 بلـحـون !! حتى يعـرف ان الغـلا زال مـازاد ii؟!ويعرف خطاه ان كان له قلب وعيووون !! غـــــربــة الــــروح !!! البارحه ليلـي هجـد صمتـه البـوحوقامت تقـادح بالضميـر الطـواري وسهرت اسامر هاجس اليأس00والنوحومن الضلوع العـوج شبيّـت نـاري كلي قصيد00وحزن00وآمال00ومزوحوأحـلام هددهـا الزمـن بأندثـاري قلت ابتدا00ليل القهر00وابعد الضـوحوصبـح السعدمالـه بعينـي مـواري تجبرني الفرقا على البوح000وأبـوحويسريبي الهاجوس مع كـل طـاري عافت مصابيح الفرج00ليل مشفـوح!أخفى الزمن صبح الفرج من نهـاري خوفي يرافق خطوتي00وين مـاروحوالصبـر طـال وبهذلتـه المسـاري عشت الخيـال بواقـعٍ كلـه جـروحوتشابهـت كـل الـدروب بمسـاري الغربه اللي داخلي 00غربـة الـروح!أحس بالغربه000وانـا وسـط داري شح الزمان اللي ترك00قلب مجـروحودنياي00مـاردت علـيّ اعتـبـاري دنيا00يعيش بها من الناس سلتـوح؟؟مايوجعـه كثـر العتـب والمـزاري والا الوفي00وجهه من الوقت ملفـوح؟دايم على صكـات الايـام ضـاري! وين انت00ياوجهٍ له القلب مفتـوح؟!مثلـك يقـدّر وقفتـي.. وانكسـاري يوم اختلط ليلي00هواجيس 00وجروحجيتك على حـذف المقابيـس سـاري هاك المشاعر00جت على ذمة البـوح؟في وقت من صدق الاحاسيس عاري! 02-16-2008, 01:15 AM !!! غلــطــــة عمــــر !!! ساقت مشاوير الشقاء .. واردف الليـل وسريت .. ودروب السهـر سرمديـه ازريت اسوق الهم .. واحط .. واشيـلوتعبـت اكابـر... والمواجـع نديـه الحيل مل من التعب .. مابقـى حيـلوالجفـن.. مالـه بالسهـر مقـدريـه البهذلـه .. والمهزلـه .. والغرابيـلابطال ... وسنين العمـر .. مسرحيـه والهم.. والحرمان .. والحزن .. والويلضيوف .. وجروح الوفاء .. شاذليـه والصمت .. والهوجاس ..بوح التعاليلوالخوف مسـرى.. والليالـي مطيـه يالله عسـى درب السنـع بالمقابـيـلوالا .. الليال اللي مضـت جرهديـه حر(ن) كفخ .. واستأسرتـه المحابيـلوعقب السماء الرحبه هـوى للوطيـه حر(ن) غدرفيـه الزمـن والمداخيـلمقـرود وكفـوف العطايـا رديــه غلطة عمـر منهـا جنيـت البهاذيـلذنـوب غيـري حطهـا الله علـيـه غلطة .. ودحدرها القدر بالمحاصيـلورضيت بالمقسوم غصـب(ن) عليـه تناقلتهـا شلـة الـقـال .. والقـيـلوحطوا عليها لين صارت .. قضيه !! وقامت تناهشنـي رخـوم الرجاجيـلاهـل الملامـه .. والعلـوم الـرديـه اللـي تجيـك اخبارهـم بالتفاصيـلويحرفون الهـرج عـن سـوء نيـه بالله قل لي ياسـود الوجـه ... ياليـلوضح النوايا .. كيف صارت خطيه؟؟ قل لي .. من اللي ضلل الحق تضليـلومن علم الوافـي يخـون بخويـه ؟؟ ومن بروز الاوهام .. خدعه وتمثيـلومن طلسم الواقع ؟ وخان الوصيـه ؟ من قال لي.. دربـك مهود..وتساهيـلومن علم الضحكات تمشـي عليـه !!؟ من كفن دمـوع الوفـاء بالمناديـل ؟ومن هو جزاء الحسنه بمليـون سيـه اللي قتـل حلـم الضلـوع المناحيـلوقال انقتل فيك العـوض والبقيـه !! جاوب سؤالي ياسـود الوجـه ياليـلوضح النوايا .. كيف صارت خطيه !؟ 02-16-2008, 01:09 AM عبس الفخر.. عبس الشجاعه.. والابطال قـم يانديبـي .. وانـت للشعـر مـرسـالمالـي ورى صبـر(ن) صبـرت احتمالـي ثـارت ذلـول الشعـر ياطـيـب الـفـالازهـم .. ومــس اشـدادهـا بأعتـدالـي روح علـى زمـل الهواجـيـس جـمـالوقبـل المغيـب ..انهـج وشـد الرحـالـي ملفـاك حـر(ن) منزلـه رؤس الاقــذالسعـود ... لاجـاء للمـراجـل مجـالـي عقيـد قــومٍ لاتـزعـزع .. ولا مــالولا ..ينحني لـو جايـر الوقـت .. مالـي داره لعكـفـان الاشـانـيـب مـدهــالالطيـب طبعـه .. ورث عـم(ن) وخالـي فـي مجلسـه للضيـف ..دلـه.. وفنجـالوفـوق الوجـار.. تفـوح صفـر الدلالـي نسل الصقور اللـي علـى المرقـب العـالمنزالهـم دايــم .. بــرؤؤس العـوالـي بني رشيـد .. ان ضـاق بالوقـت رجـالدخيلـهـم مـالـه طلـيـب(ن) يسـالـي امجادهـم تـدرس .. علـى مـرّ الاجيـاليشهـد لهـا التـاريـخ .. اول.. وتـالـي ربعي سلايل عبـس .. ماضيـن الافعـالاحـفـاد عنـتـر.. محتمـيـن التـوالـي يوم الفخر.. خيـل .. وبواريـد .. ورجـالوقفاتـهـم تشـبـه.. شـمـوخ الجبـالـي واليـا اعتـزوا مابيـن فـارس .. وخيـالعدوهـم .. مـن هـول مابـه ..يوالـي ! عبس الفخر.. عبس الشجاعـه .. والابطـالعبـس الشهامـه .. والكـرم .. والمعالـي سـلام .. يانسـل الكرامـه ..والاشـبـالسـلام .. يالحلحيـل .. واف الخصـالـي ياسعود .. همـك زاد بـي الـف غربـالونقض جـروح الوقـت .. واثـر بحالـي ياصاحبي عقب البطا .. كيـف الاحـوال ؟عسـاك فـي دنيـاك دالـه.. وسـالـي ؟ لا والـذي نـزل .. تبـارك .. والانفـالانـك علـى قلبـي عزيـز(ن) وغـالـي!! انـا .. حزامـك لاغـزاك اشهـب الـلالوانـا خـويـاك .. لا نـسـاك المـوالـي يفـداك مـن ربعـي هبـود(ن) ومخـتـالاللـي حضـوره مايـسـاوي ريـالـي !! ومـدام راسـي شامـخ(ن) فوقـه عـقـاليفـداك رأسـي ياعـريـب الخـوالـي !! قول .. وفعل .. ماهـي سواليـف واقـوالابـشـر بـعـزك ياعـزيـز الرجـالـي الحـر.. لوتقفـي بـه سـلـوك وحـبـاللابـد .. مايرقـى لــرؤؤس الطـوالـي اكفخ.. وعلـل ضيـق صـدرك يالآمـالوجامـل زمانـك لـو همـومـك ثقـالـي واصبر عسى همـك مـع الوقـت ينـزالوعقب الغثـا.. تشـرب قـراح(ن) زلالـي والغربـه اللـي ظلمهـا شهـور.. وليـاليـدري بهـا منشـيء حقـوق الخيـالـي دنيـاك هـذي كـل يـومِ لـهـا حــالايام .. لك .. وايـام .. لا لـك.. ولا لـي سـود الليالـي مـدرسـة كــل رجــالالله يبيـض وجـه .. ســود الليـالـي !! درست فيها انـواع .. والـوان ,, واشكـالو عرفت فيها مـن معـي .. مـن غدالـي وميـزت عطـران الشـوارب.. والانـذالوشربـت منهـا كـل مــر(ن) وحـالـي مشيـت فيهـا بيـن .. طيـب .. وبطّـالومارحت احسّب وش مضى ؟؟ وش بقى لي؟ قـم يانديبـي .. مـاورى العصـر مقيـالقبـل المغيـب انهـج وشــد الرحـالـي ليلة البـــارح 000][ $$$ ياقصيدي / ياعضيدي / وذنبي / والنديـمماذخرتـك للخطايـا .. وزلات الـكـلام ياسفير الحرف .. والجرح..يانبض الصميمياوريث العز يامن على صـدري وسـام والله انك لي صديق(ن) على الشدة حميـموانت لك بين الحنايا مكانـه .. واحتـرام تهت بك مابين عاقل.. ومجنون.. وفهيـموالمعرفة نور .. والجهل للجاهـل ظـلام من عرفتك ماعرفت الصـراط المستقيـم!فيك جبت العيد..لا.. فيك حللـت الحـرام نوب اطاوع شور نفسي.. ونوب لها خصيمبين ثوب وبشت وشماغ وعقـال وحـرام شاعر(ن)رحت اتصفق على وجهي واهيـموماصحيت الا على هم وجروح(ن)جسـام ليلة البارح .. مـن الهـم ( والله العظيـم)ارتوى صدري هواجيس ..ودموع.. وملام ابتدأ هم .. وصحى داخلـي هـم(ن) قديـموارتكى شيخ الهواجيس –ملعـون الرسـام اتقلب كن صـدري علـى نـار الهشيـمواكتم الدمعه ...واكابر... ومثلـي مايـلام يوم سال الدمع في وجه رجـال(ن) حشيـمقمت اردد يالله العفـو ..صبـرك ياغـلام قلت اعنزها علـى الواحـد الفـرد العليـمالكبير اللي علـى الكـون عينـه ماتنـام يالله انـك تغفـر الذنـب يالله ياكـريـموتفرج الظيقات يامـن خلقنـا مـن عـدام اغفر الـزلات يامحيـي العظـم الرميـمو استر الاحوال .. ياكافـل ارزاق اليتـام ياولي العرش عطفك.. ولطفـك يارحيـمظاقت الدنيـا بعبـدك ولاغيـرك حـزام عبدك اللي ظل .. واغواه شيطان(ن)رجيميالله انـك لاتجازيـه ياعـالـي المـقـام ياعظيم الشان انا عبدك اللـي لـك يقيـمالصلاة .. ويكره الشرك ويصوم الصيـام ياملاذي جيت لك من عنـا وقتـي سقيـمياشديد البأس مـن يلتجـي بـك مايظـام اجرني من كـل جبـار ظـلام(ن) ظليـموعزني عن وقفت الذل .. ووجيه المـلام واجرني عن ظيقة القبر واهـوال الجحيـموذرني في جنـة الخلـد منـزال الكـرام واهدني للحـق يـارب زمـزم والحطيـمياوريث الارض مالي بعد عفـوك مـرام والبقـاء ياظيـم الايـام فـي دار النعيـموكل نعمه زايله .. وآخـر الدنيـا هـدام ويااقصيدي لاانت صاحب ولاانته لي نديمانت عبدن لي.. وانا عبد ربـي والسـلام وياسلام الله على الطاهـر العـف الكريـموياصلاة الله على ( احمد) صلوات وسلام غــــدر الزمـــــان&& تعبت اصبر على جور الزمن00لين انتهى المعقول!لك الله00ماتحريّت الفـرج 00والصبـر مفتاحـه؟ صبرت00ولاظفرت00وطال صبري مالقيت حلولونـار الغبن00تستوقـد وريدي00واسمـع نياحـه رحلت00ورحلتي طالت00مشيت00ولا لقيت وصولوتاهت خطوتي مابيـن 00جـد الوقت00ومزاحـه حيارى يالطعون اللـي تملّـك000 قلبـي المبتـولسبايب من طعني بالغدر00 فـي صالـي رماحـه انا كنت الوفا كله00انا00 كنـت العطـاء المدبـولوصرت الشاعر اللي ضاع بيـن ايديـه مسباحـه؟ وقف لي حظي الداني000حداني صمتي00 المذهولوصرت انا الضحيـه للشقاء00والنـاس مرتاحـه لك الله لذة في وجه الزمان00وقال لي 00ياحـول؟؟زرع في الشكوك 00وهدني للخـوف00 واشباحـه حبيبي صاعني غدر الزمان000بكفـه المصقـول!!رمانـي خلـف قضبـان الحياه00وشـح بافراحـه حبيبي00عفت مشوار السهر000وحكاية الهملـول!وسرابٍ00لو نصيته ماروت كبـدي0 مـن اقداحـه يقولون اقهر ظـروف الزمان000وشدهـا وتـزولوابضـم الجروح00وكـل طيـر يضمِّـد جراحـه حرام اسكت على درب القهر00والقـادم المجهـولحـرام اخضـع لواقـع مالقيـت بفيتـه00راحـه اخاف اندم على طيحه 00تكون نهايـة المحصـولولاطاح الجمـل ياسيـدي 000ماسلـم مطياحـه؟! مشيت00اقدح بزند اليأس00واجبر خاطـرٍ معلـولابغرس في يـدي زرع الامل00واهديـك تفاحـه!! ابرقا فوق متن الريح 00واكفـخ والحمـول حمـولمثل حرٍ تلفـت00 للبيـاض 00وعـاف ملواحـه حبيبي خذ مشاعر صادقه جت في زمـاان نـذوولوانـا لولاك00مادقيـت بـاب الشعـر بالـراحـه

الموضوع الأصلي: ديوان الشاعر عادل على الذيابي | | الكاتب: ام الاشبال | | المصدر: شبكة بني عبس

[هلوسه]

.
.
عادل الذيابي ..
شاعر نفتخر به جميعا ..
كثير ما نبحث عن كل ماكتبه ..
وانت الان تختصرينا علينا الكثير ..
لله درك على طرحكـ الجميل ..
شكرا لكي ولا تكفي ..

[ام الاشبال]

======================

[ام الاشبال]

[frame="1 80"]
[frame="1 80"]

آخر تعديل بواسطة ام الاشبال ، 16-09-2011 الساعة 05:12 AM.

• اقتباس

رحلة الاحزاااااان && على همس ا لشفق تكتب حروفي رحلـة الاحـزانيجددني غروب الشمس.. وأبـدأ رحلـة أحزانـي اسامر شوقي الظامي 000اعانـي لوعـة الكتمـانسكون الليل يملكنـي بصمته0..0وازعـج الحانـي اقلب صفحـة الماضي00ليالـي عشتهـا حرمـانتعانـدنـي ظروفي000واتجاهلـهـا بنسيـانـي هلابك يالقصيد اللـي ترنـم مثـل غصـن البـانتقـادح بالورقـقصـة غيـاب البوح..والجـانـي هلابـك كثـر ماحـنّ الغريـب لديرتـه شفقـانهلابك كثـر ماضـج المسافـر بعـد الاوطانـي هلابك كثر ماحـل الفـراق000 وشتـت الخـلانهلابـك كثـر تفكيري00ولوعاتي00وحرمـانـي قصيدي يوم جيته ماخذلني 00000فجّـر القيفـانخذل كل المصاعب والظروف وفـزّ لـي عانـي توارى فوق هامات الورق يعـزف شقـاي الحـانتغنىبالبيـوت بكـل طرق00وكـل الاوزانــي بدأ من منطلـق حـبٍ قديـم وكـان يامـا كـانمحبه بعثرت سير الصفـوف وهـزّت اغصانـي كتبهـا وجـه عثـرات الزمـان وملهـا النسيـانوخطبها الموت لدروب الهلاك..00وقلت: من شاني حضنت الحب في صدرٍ يضيـق ويشتعـل نيـرانواعرف الحب مايرحـم حيـاة فـلان.. وفلانـي تخيّرت الطريق الصعب الاضيق في رجا الرحمـنزبنت اضيـق منافـذ للحيـاة 00وربـي انجانـي تخيـل كنـت احبـه حـب ماينكـال بالمـيـزانتصدق كنت اعزه عـن جميـع اهلـي وخلانـي؟ ولكـن للأسـف جازانـي التقـديـر بالنـكـرانوتركني للـدروب العـوج تلعـب بـي وتشنانـي قطع حبل الوصل في صمت لاراضي 00ولازعلانزرع فـي الشكـوك وشتـت افكـاري وخلانـي قصيدي فك ستر الصمت عني وافضـح الكتمـانترى طالـت وانـا عايـش بلوعاتـي وحرمانـي ابيك اكبر من الفرقا 00ابيك اقوى مـن الحرمـانابيـك تبـوح دام البـووح بأمكانـك وبأمكـانـي انا هقواتـي ابعـد مـن خيالـي واكـره الخـوانواحب الوافـي اللـي ماكـذب عمره00ولاخانـي وانا ماهوب انا اللي لاهرج في هرجتـه نقصـانانا دايـم صريـح ولاهرجـت الساني00حصانـي حبيبي ليـه تتركنـي بـلا مبـدأ بـلا عنـوان؟؟تـرى محـدِ يسـد بغيبتـك لـو كانـوا اخوانـي انا لو قلت ماحبك ! تراي اخفـي شعـور انسـانمشاعـر صادقـه حلـت تفاكيـري 00ووجدانـي عشقتك كثر مااشتقت لدفاك وجيـت لـك ولهـانكثر مااشفـق عليـك وكثـر مااحبـك وتجفانـي انا اللي ضعت لجلك واختفى ظلي ورى القضبـانتخيّـل بعـد كـل الظيـم واللوعـات تجفـانـي اعيش اسّيـر بيديـن الغريـب ورحمـة السّجـانوانا اللي كـل ماجيـت اكتبـك بيديـك تمحانـي تعـذر بالزمـان وبالليالـي والظـروف احـيـانوانـا ماسامحـك لاصـرت بأعـذارك تحدانـي امانه لاتقول الحظ خانـك000 والزمـن خـووانتراك انـت الخيانـه والزمـن مظلـوم باعيانـي احبك لو تقـول ابعد000احبـك والعـذاب الـواناحبـك لـو.. تعذبنـي.. وتتركنـي... وتنسانـي وعلى جرد الورق جيت اكتب القصه بلا عنوان!!!عبث فيها الزمان وضاع فيهـا البـوح والجانـي مشـــاوير الضــياع !! علـى الله يامشاويـر الضيـاع وعثـرة الاقــداميعين الله علـى عـوج الـدروب وباقـي ايامـي!! على الله كـل ماشـان الزمـان !!وخانـت الايـامعلى الله كـل مااشـوف الطريـق يظيـق قدامـي على الله كل ماصدري يظيـق وخاطـري ينظـامعلى الله.. كل ليله حزنهـا يعـزف علـى انغامـي مقـدر ياشقـا عمـري اسيـر برحلـة الاعــدامواضم بداخلـي نـار الخفـوق وجمرهـا حامـي حزين.. ولامعي غير الجرووح.. ولوعـة الاعـوامعلى وجهي تقاسيـم الضيـاع ..ونكبـة اعوامـي حياتي كلها رحلة غمـوض .. ونقطـة استفهـام؟طلاسـم خطهـا كـف الزمـان.. لعثـرة اقدامـي بقالـي مـن مسافـات السنيـن المقفيـات حطـامبقايـا امنيـات.. وحسرتيـن "بسلـة حطـامـي " بقايا طفل رافقـه الشقـا مـن يـوم عمـره عـامتحدتـه الليالـي والظـروف وعـاش منظـامـي غرير ٍ لاكسا الكون الظلام.. اطفـا السـراج ونـاموصحى يحلم متى اكبر.. كبر ابوي.. وباقي اعمامي عنيد.. ليا زعل شـق الكتـاب.. وكسـر المرسـاموجلس يصرخ عبث .. وين الكتاب؟ووين مرسامي شجاع ٍ ..!! مارضى يصبح ذليل ولارضى ينظـامرغم "كبر الظروف" وصغر سنه "موقفـه سامـي" قدر يرسم بصفحة دفتره (قلب ) و (وطن) و (اعلام)وكتب فوق العلم [عاش الوطن فـي ظـل حكامـي] حفظ من ربـك؟ الله لاسـواه!! ودينـك؟ الاسـلامونبيك؟ هـو رسـول الله محمـد خيـر الانامـي يمـر العمـر وتـمـر السنـيـن برحـلـه الآلآموجروحي تشرب اوجاع العـذاب وخافقـي ظامـي كبرت .. وكبر همي .. والجروح وكبرت الاحـلاموطموحي هو طموحي يازمن واوهامـي اوهامـي نسف كف القدر رجم الطمـوح وبعثـر الاوهـااااموتلاشت مابقى غيـر القصيـد .. وجـرة اقلامـي من دوار طابه ال دوار المطار" أهداء لشـارع الملك عبدالعزيز..! الظـلام "استـدرج" الليـل وانـزاح النـهـار"والغروب" استبدل النـور نيـران وحريـق ! وين اولي؟ والمدى جرح !والـدرب انتحـار!!والمسـاري ليلهـا ليـل! واحزانـي تـويـق ظاقت ?دروب المدينـه؟ مـن يميـن ويسـاروالطريق "يظيق"! والجرح في صدري "يظيق"! صـرت مـن "دوارطابـه" "لـدوار المطـار""اتسكـع" كـن مالـي صديـق ولارفـيـق.! لين صرت اروح وارجع على نفـس المسـاركـن مابلكـون غيـري ولاغيـره طـريـق! ياطريقـي ؟ لوتشـرهـت مافيـهـا خـيـارالشقاء نفس الشقاء والطريق اصبح صديـق..! اسبر اغـوار المواجـع ويـزداد الحصـار.!والتفـت للنـور والصبـح عـيـا لايفـيـق! انتثـر دمـع انتظـاري ومــل الانتـظـاروانكسر صبـري ولاعـاد لـي قلـب يطيـق كل ماجيت "اقطـع القيـد" و "امـس الـزوار"والظروف اقسـى مـن القيـد للحـر الطليـق قلـت مالـي بالمقـاديـر حيـلـه واقـتـدارومالهذا العمر مرسـى سـوآ هـذا المضيـق؟ كـم توسـدت المواجـع علـى ذاك الـجـداروالتحفت اخر جروحي على الجرح العميـق..! ان ظميت اروي ظما القلب من كـاس المـرارلا رضيت امـوت "ظامـي" ولابليـت ريـق كلهـا عنـدي تسـاوت هزيمـه وانتـصـارماحسبـت حسـاب هـذي تليـق اوماتلـيـق ماحدانـي غيـر مبـدا الكـرامـه والـوقـاروكان خربت قلت كل المبـادي فـي حريـق ! اعتزلت اسـوار الاوهـام واصـدرت القـرارقلت مالي غير اواجـه وانـا وجهـي طليـق ويل قلبي وان ضوى الليـل وانـزاح النهـاروالطريق يضيق.. والجرح في صدري يضيق!! شرهة ذيابي وصل ركـب الرحيـل لشاطـئ الغربـة ودار اجنـاببعد طول الطريـق اللـي تمـادى.. واتعـب اركابـي ضحـك وجـه المدينـه للمسافـر والوجيـه أغـراابوانـا عابـر سبيـل وضحكتـي ماصافحـت نـابـي وقفت انظر على شـط المدينـه .. والجـروح أسـرابولعنت ( أم الحنيـن) وسالـت الدمعـه علـى اهدابـي هنا كنت الغريب .. بـلا حبيب..ولاوطـن ..واقـرابحزين وماقـدرت اجمـع شتاتـي ..واحسـب حسابـي حداني للسهر جرح(ن) سجني بيـن نـاااب .. ونـااابوتركنـي بيـن صمـت الذكريـات بصفحـة كتابـي حبيبي والغـلا جـرح(ن) ذكرتـه وانفتـح لـه بـابوانـا لوماذكرتـك وانـت ناسـي .. ويـش يبقـابـي صحى هـم الفـراق ..اللـي فتـح للذكريـات ابـوابوغفيـت وماصحيـت الا وطيفـك يطـرق ابوابـي ؟ حبيبـي ترسـم الغيمـه ملامـح وجـهـك الـجـذابواشوفـك ويـن مالـد النظـر مـع كـل هندابـي !!! ذكـرت اول لقـاء فيـه اجتمعنـا بالغـرام احـبـاباليـن آخـر لقـا منـه افترقنـا .. وآخـر اتعـابـي فـداك الجـرح ياوجـه(ن) تركنـي للمـلام وغــاببقالـه فـي حياتـي طعنتيـن .. وجـرح ماطابـي !! انا اللي كنت اضيع بنظرتك شوق..وولـه .. واعجـابواظيـق بغيبتك..وتظيـق بـي دنـيـاي ..وثيـابـي عطيتك قلب ..واشواق..وحنين ..وفيـك ظنـي خـاباحسب انك تمنـى رجعتـي.. واثـرك تسلـى بـي !! تبعتك مثل ضحضاح السراب ..وجيـت لـك مرتـابواشوفك مثل الامـس المستحيـل .. وباكـر الغابـي؟ حبيبي وانـت ماتسـوى ملام..ولاانـت قـد عتـاب !!تعـداك الملامـه .. والعتـاب.. وشرهـة ذيـابـي ؟! خطاي انـي تماديـت بغـلاك .. وماحسبـت حسـاباحسب ان الوفاء طبع البشر!! .. واحبابي ..احبابـي !! وعزاي اني ردعت القلب ! عن باقـي غـلاك وتـاب!!وصحى في داخلي طفل(ن) غرير!! .. وشايب اعرابي !! حبيبـي للصبـر بـال(ن) طويـل وللجـروح اسبـابوانـا مارحـت ادور للجـروح .. اعـذار.. واسبابـي حبيبـي يـوم شفـت ان الزمـان برجعتـك كــذابتركتـك للتجافـي .. والغـرور .. بزحمـة اصحابـي رحلت وقلت اسافر عنك ..واجزيـك الغيـاب ..غيـابواببعد واستريـح مـن السهـر.. واريـح اعصابـي !! هجرت ارض الجروح ابغى عن تراب الجروح..تـرابعساي انساك ..وانسى رجعتك .. والجرح.. وترابـي!! يطيـب الجـرح والا ياعسـى جـرح الهوى..ماطـابتفضل هاك جرحك..واستريح .. وجرحـي اولابـي !! طلع صبـح الفـراق بشاطـيء الغربـه ودار اجنـابولعنت ام الحنيـن وسالـت الدمعـه علـى اهدابـي !! موطـني .. ياموطني...... لكم وللوطن ..!! مـع التحـ يه " موطنـي قد عشت فخر المسلمين" ............. في سما عرشك لنـا غيم وسنا يابلااادي لك ننادي مخلصين ............. "سارعي للمجد والعلياء" بنــا "ارفعي الخفاق اخضر" رافعيـن ............. راية التوحيد والعزة لنـا "رددي الله أكبر" يـــامعين!! ............. "نحمل النور المسطّر" كلنا يابلاااااادي لك هنا شوق وحنين ............. ولك هنيا جرح .. واحزان وعنـا ولك هنا عهدِ متين ولك يمين ............. ولك هنا سيف ورفيف ولك هنا .................... ............. ............. ............. ............. .................... ............. ............. ............. ............. يابلا .. دي كنت اشوفك شمعدان وشمعتين ............. واشعل اركانك أناشيد وغنا وصرت اشوفك تقربين وتبعدين ............. تعبت اقدام الاماني يامناا ايه انا اللي اعشقك ( لو تسمحين ............. افتحي لي باب واخذيني ثنــا اقطـعيني شك .. واقطع لك يقين!! ............. واقطفي لي غصن.. واقطف لك جنا!! ضاعت احلامي وانا ابني من سنيييين ............. ياقصر دربي وياطوول العنا في زمان الواسطة والواصلين ............. في بلادي مابقى لي غير انا للضياع اعزف لحون الراحلين .............لامصير.. ولانصير.. ولافنا..!! من عادل الذيابي الى بدر سعود الذيابي ياليل نور الصبح خـان المواعيـدابطى ولاهي لابيض الوجه عـاده ظاق المدا واحزاب فكري مشاريـدوطال السهر والجفن حرم رقـاده عاثت بي همومي جموع ومفاريـدوصارت لي فراش ولحاف ووساده مقرود وكفوف العطايـا مزاهيـدومايذبح الرجـال غيـر الزهـاده الله مـن ليـل الشقـا والتناهـيـدوالله مـن دنيـا القهـر والقـراده والله من كثـر العتـب والمناقيـدوالله من ظيم الزمـن واضطهـاده دنيا تمشيني على عكـس ماريـدماشفت منها غيـر هـم ونكـاده قامت تصافق بي من الحيد للحيـدوعمري قضى مابين صبر وجلاده حتى السعـاده لـي تبـدل بتنكيـدعزي لحالي ويـن انـا والسعـاده ياطارشي من فوق زبـن التفاريـداجميح ماجاب العواجـي طـراده جديـد لاسمكـر ولاهـو بتجديـدحمار لونه مختلـط مـع سـواده سواقـه اللـي بالمهمـات عربيـدحريـف متميـز بفـن القـيـاده جنب عن الرديان من دون تحديـدملفاك عند اهل الكـرم والسيـاده تلقى رماد الشوق ريف الاجاويـدراع الوفاء ماخـان ملحـه وزاده يرهي عليك من التراحيب ويزيـدساس الرجال اهل الكرم والجـواده بالطيب شيخ وبالمواقيف صنديـدابصم على ماقلت واشهـد شهـاده سلم جوابي له مـن الايـد للايـدوبعد الجواب اقرا عليـه الافـاده يفداه مـن ربعـي ردي المواقيـدهذاك جمر الشوق ماهـو رمـاده هذا الوكـاد وكـان للعلـم توكيـدابحث وتلقـى ياعزيـزي وكـاده !!!! تولم للرحيل !!!! على ذكر الليال السرمديـة والوفـاء المنكـوببديت ابحث عن اسبـاب الغيـاب وقلـة الذمـه بديت انوخ ركاب الرحيـل لثـاري المطلـوبوراس (ن) ماعبر برّ الامان اولابـه الجمـه ! ابرحل واقهر ظروف الزمان 00وقسوة المكتوبرحيل بلااا رجوع00 وفرقـةٍ مابعدهـا لمـه ابطوي رحلة آمال السنيـن وحلمـي المكـذوبوابطرد مابقالـي مـن شتـات الوقـت والمـه ملامح خوف تجتاح الشفق والشمس وقت غروبوانا اسوق الدروب العـوج لاوجهـه ولايمـه مواجع ثار عجت بالضلـوع ولالقيـت دروبتوديني على حلـم قتيـل وجيـت ابـي دمـه تولـم للرحيـل ومابقـى للراحليـن ذهــوبياقلب(ن)ٍ كل ماقلت الفـراق يزيـد بـه همـه تولم يلعن اسلااف القتيل وحسـرت المغصـوبورجل (ن) عاش خوفه وسط قلبه ( ينهدر دمه ) ترى للموت في عمر البنآدم وقتـه المحسـوبوترى ماتقصر اسباب المنايـا عمـر ماتمـه ! انا نوب اتسلى بالقصيد اليا استضقـت ونـوبيضيق الصدر والعن حظـي المقـرود وأذمـه انـا ماقلـت للعثـرات درب وللنجـاة دروبانا اللي قلت للعليـا رجـال(ن) تعشـق الهمـه ومدام ان الرجال اللي على وجهي ضعاف قلوباباصل لعنبو حلم(ن) قصر عـن عالـي القمـه وفيت وكان معدوم الوفاء يحسب وفاي عيـوباجل وش عاد باقـي للغـدر دام الوفـاء ذمـه تولم لليـال السرمديـة(( والوفـي منكـوب ))ورجلٍ عاش خوفه وسط قلبه عاش مثل امـه !! نكبة زمن .... يامرحبـا ترحيـب وافي00ومـدبـولترحيبـةٍ وسـع الفيـاض 00وبحرهـا ترحيب لا هل العز 00والطيب مرسـولاعـداد ساعـات الزمـان 00وشهرهـا واعداد مايعجز لسانـي 00عـن القـولعن شكر ناسٍ00ماوفى00لـو شكرهـا واعـداد ماسجيـت00 والبـال مشغـولبأسباب00 فرقـا اللـي حياتـي دمرهـا واعداد شوقي له مـن الحول000للحـولوانـا اتحـرى جيتـه000 وانتظـرهـا في شاعرٍ00ساق المعاني على وصـوليشكـي مـن اهـوال السنين00وكدرهـا جانـي وقلبـي ممتلـي هم000وغلـولولمّ00الهموم00وفوق همـي زبرهـا؟؟ باح بحقيقـه صمتهـا كان000مذلـول؟أعظم جريمة قتل 000وأبشع صورها؟؟! وقصة(بـري عاجز)بالاغـلال مكبـولاخفـى حقيقتهـا الزمـان 000وسترهـا وسرابي الهاجوس 00والقـاف معسـولوحضّرت عفريت القصيد00وحشرها؟؟؟؟ وبديت اسطرها 000بلا جهـد مبـذول!!نوب اتعاسرها000ونـوب اعسرهـا؟؟؟ يامرحبا بك جيـت00 والحبـل مفتـولوجيت انقضه؟؟واتبـع بقايـا اثرهـا!! اصبر عليه000واستمع كـل ماقـول؟؟واحفـظ وصيـة شـاعـرٍ ماذخـرهـا شاعر يصول بجبهـة الشعـر ويجـولوليـا انكسـر وزن القوافـي جبـرهـا خيّال كان الشعر له ركـب 00وخيـولوادمح خطأ ناسٍ0000ونـاس أحتقرهـا يوم ان غيري عاش محفول000 مكفـولعشت الظروف00بخيرها000وبقشرهـا وماهنت نفسـي عنـد ذولا000ولا ذولوماعاش مـن هـان النفـوس وحقرهـا صاحبت بالدنيا سرابيت ؟000وزحول!!وبعـض الوجيـه بنظرتـي ماعتبرهـا ماكل ماتسمـع مـن النـاس00 معقـولوماكل مـن شـاف الحقيقه000ذكرهـا وماكل زرعٍٍ لو سقي منـه محصـول؟؟وماكـل شجره00ينجنـي مـن ثمرهـا! كم عاقلٍ عقب العقل00عـاش مهبـول؟؟وياما رجال000الوقت جـار وسطرهـا! وكم سطّر التاريـخ فارس00ومخـذول؟وكم عز نفس00وكم نفـوسٍ ثبرهـا؟؟؟ للحكم عقل00وللوغى رجال وعقـول؟!!وللخيل ركب00وللمسـاري سهرهـا؟؟!! وللسلم حلف000وللقى سيـف مسلـول؟؟وللخـوف ضعف00وللمنايـا قـدرهـا! ومن ديرة المنفا00الى دار ابا الهـول؟؟تبرق سماها 00والرعد مصتقرهـا؟؟؟! من علّم الاطفـال بحكايـة الغـول؟؟؟؟واذهـل فلـذات الكبود000وذعرهـا؟؟ ضاعو رجال العرف00في زحمة خبـولوراحو صناديـد الرجال000بخبرهـا؟؟ يابو هجر00زندي مـن الدمـع مبلـولونفسي عن احلا مـي زمانـي عسرهـا دروبنـا يابـو هجـر مابهـا وصـولوعزومنـا 00 ظيـم الليالـي كسرهـا والدار غربه00والوطن صـار معـزولنكبة زمن؟000واللي عمرهـا دمرهـا!! قبلك صبرت وبـاب الا فـراج مقفـولوطالت مشاويـر السهـر فـي سهرهـا واصبحت في واقـع متاهات00مذهـولوعجزت اميز شمسها00 مـن قمرهـا؟؟ تلعب بي الدنيا علـى كـف مسطـول؟؟اغدى الدروب000وللمهافـي حدرهـا؟؟! مدري صباح احلامنا مات مقتـول؟؟؟؟ولا انتحر صبح الفرج000واختصرها؟؟ لكن على الدنيا سلامـي 00وياحـول؟؟صكت علينـا خدوشها000مـع قهرهـا وماقلت يكفـي بـس ابعيـد00 واقـولنكبة زمن000واللـي عمرهـا دمرهـا

ام الاشبال

مشاهدة الملف الشخصي

ابحث عن المزيد من مشاركات ام الاشبال

[عادل بن هون]

رائع الذيابي والررروعه اختيارك

[عايد2001]

مشكوره ام الاشبال على حسن الانتقا
والله يعطيكِ العافيه

[مسندالعويمري]

عادل شاعر ظلمه الاعلام او هو ظلم نفسة
و لكن يبقى عادل شاعر نفتخر فيه و في شعره
ام الاشبال, شكرا على النقل و انتقاء هذي الدرر الجميله لشاعرنا الكبير عادل

[ام الاشبال]

مشكوووووور ين والله يعطيكم الف عافيه