[عايض بن صالح]

السلام عليكم ورحمة الله وبركاته
اخواني الكرام اسعد الله جميع اوقاتكم بالمسرات.
كل عام والجميع بخير انشألله تعالى.
كما اطرح بين ايديكم هذه القصيده عسى ان تحوز على رضاكم..
[POEM="font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=1 align=center use=sp num="0,black""]
راكب الي من حفيزه مايشيل الا ثلاثه=الدريول وخوياه اثنين والعزبه بحوضه
مشتريه من البريمي كاش ماخذته وراثه=بطنخ الراس المشيب فيه لو ادفع قروضه
لانهمته مع جلاد البر والا مع عثاثه=قلت للي ماشراله شاص ياربي تعوضه
فيه من ماض الزمان وفيه لصحاب الحداثه=اخذاً من ذاك موضه واخذاً من ذيك موضه
ان دخل جو المدينه والحضاره فخم اثاثه=وان دخل جو البداوه ماغوى الشاوي عروضه
تقل ذيباً جائعاً مسعور صايبته غلاثه=لاخطر دار الفريق ايصير للرعيان فوضه
اشهباً لونه لامنه طب وسط الضين عاثه=مايخليله شريده ميته والا معضوضه
وان نزله في محامه ماطلب فيها استغاثه=قصها مع خصرها لين ايتساوى في نهوضه
والشعيب الي كساه الدوح وترابه دماثه=حوله وسطه وعبه من هشيمه لاتغوضه
الحطب والحزم لونه تقل قطعه من تراثه=ماحلى جنبه الياشبيت نارك وسط روضه
اشهدنه لك خوياً مادخل قلبه خباثه= علم الي يشتكون من المراره والحموضه[/POEM]

الموضوع الأصلي: المـــــراره والـحــــمـــــو ضــــــــه | | الكاتب: عايض بن صالح | | المصدر: شبكة بني عبس

[منصور غنيمان]

صح لسانك على القصيده الجزله

[عبدالله سالم الرشيدي]

ابو صالح

صح لسانك ابدعت بالوصف




وتقبل تحياتي وتقديري

[@مروَض الشرَد@]

وانت بصحه وسلامه
وصـــح لسانك وتقبل تحياتي

[ابو سامي]

صح لسانك على القصيده الجزله

[عايض بن صالح]

اقتباس من مشاركة منصور غنيمان صح لسانك على القصيده الجزله

صح بدنك يامنصو غنيمان الله لايهينك

[عايض بن صالح]

اقتباس من مشاركة عبدالله سالم الرشيدي ابو صالح صح لسانك ابدعت بالوصف وتقبل تحياتي وتقديري

صح بدنك ياعبدالله سالم الرشيدي مرورك يشرفني

[عايض بن صالح]

اقتباس من مشاركة @مروَض الشرَد@ وانت بصحه وسلامه وصـــح لسانك وتقبل تحياتي

لاهنت يامروض الشرد