[معيوف ابن زهيميل]

حد الحرابه

حرب الأهالي هيف... يلعب بالأعصاب = لصار بين أعيال،، عم وقرابه
يخسر به اللي فاز.. باصْوات الاحزاب = يضْرَب على رأسه نهار المجابه
يحْسبْ عليه أليا دروا عنه الاقراب = وأكبر مصيبه كان كلٍ،، درابه
اتصير الأرض الواطيه كنها اهضاب= بعيون شيال العصا ،،للعصابه
بارض المحبه يحفر قبور الأحباب = يرْكز نصايبها.. من شروخ لابه
راعي قشر.. ماله عن الشر مجناب= يشب نار من الفتن،، وسط غابه
يصير وقت الشر.. هو رأس الأسباب = والناس تدخل،، بيت مفتوح بابه
لوإن ماهو قد..تفتيل الاشناب = عادي لو يضيع،، وراها ركابه
مكْسب بها الشايب..ومخْسر بها الشاب = إلا شبابٍ من شباب الصحابه
لأن المعرفة نور لصحاب الألباب = ملهم وراء عوج السوالف طلابه
وأنا ما حب افتح لراع الردا باب = واكره ما شوف الرجل هذا هبابه
من لايطيب صغير.. ما طاب لاشاب= طيب الولد يطلع من أول شبابه
شفت الخيال اللي غطى وجيه الاصحاب = صدري تضايق من تعاقب ضبابه
يمطر سخط .. متناثر امْن الهوا الهاب= صوت الصواعق،، بدد أجوا الرحابه
يبدأعتاب.. وينتهي سب واحساب = فيه الخواطر،، بالمطالِب تشابه
بيض النوايا صارت أكْذاب.. باكْذاب = وسود النوايا ميرصارت نهابه
سادت على ساده لهم سوق جذاب= يحكم على أزكاهم بحد الحرابه

معيوف ابن زهيميل

الموضوع الأصلي: ملهم وراء عوج السوالف طلابه | | الكاتب: معيوف ابن زهيميل | | المصدر: شبكة بني عبس

[سلمان]

من لايطيب صغير.. ما طاب لاشاب....طيب الولد يطلع من أول شبابه


صح الله لسانك يامعيوف

[الاجهر]

اقتباس من مشاركة معيوف ابن زهيميل حد الحرابه حرب الأهالي هيف... يلعب بالأعصاب = لصار بين أعيال،، عم وقرابه يخسر به اللي فاز.. باصْوات الاحزاب = يضْرَب على رأسه نهار المجابه يحْسبْ عليه أليا دروا عنه الاقراب = وأكبر مصيبه كان كلٍ،، درابه اتصير الأرض الواطيه كنها اهضاب= بعيون شيال العصا ،،للعصابه بارض المحبه يحفر قبور الأحباب = يرْكز نصايبها.. من شروخ لابه راعي قشر.. ماله عن الشر مجناب= يشب نار من الفتن،، وسط غابه يصير وقت الشر.. هو رأس الأسباب = والناس تدخل،، بيت مفتوح بابه لوإن ماهو قد..تفتيل الاشناب = عادي لو يضيع،، وراها ركابه مكْسب بها الشايب..ومخْسر بها الشاب = إلا شبابٍ من شباب الصحابه لأن المعرفة نور لصحاب الألباب = ملهم وراء عوج السوالف طلابه وأنا ما حب افتح لراع الردا باب = واكره ما شوف الرجل هذا هبابه من لايطيب صغير.. ما طاب لاشاب= طيب الولد يطلع من أول شبابه شفت الخيال اللي غطى وجيه الاصحاب = صدري تضايق من تعاقب ضبابه يمطر سخط .. متناثر امْن الهوا الهاب= صوت الصواعق،، بدد أجوا الرحابه يبدأعتاب.. وينتهي سب واحساب = فيه الخواطر،، بالمطالِب تشابه بيض النوايا صارت أكْذاب.. باكْذاب = وسود النوايا ميرصارت نهابه سادت على ساده لهم سوق جذاب= يحكم على أزكاهم بحد الحرابه معيوف ابن زهيميل

صح السانك وعلاء شانك

[أنكسارحلم]

صح السانك يامعيوف قصيده جزله من راس جزل
هذا الشعر الذي ننتظره من عمالقة الشعر
لله درك يابو صالح على هذه القصيده ومنكم نستفيد


تحياتي

[صالح سعود]

وأنا ما حب افتح لراع الردا باب
واكره ما شوف الرجل هذا هبابه
من لايطيب صغير.. ما طاب لاشاب
طيب الولد يطلع من أول شبابه



معيوف ابن زهيميل

كم انت رائع

ومميز يا شاعر المنتدى


بارك الله فيك وصح بوحك

[بندر الذيابي]

صح الله لسانك يابو صالح

قصيده تتصف بالحكمه والمعاني الرائعه


صح الله لسانك وشكر لطرحك

ننتظر جديدك


بندر الذيابي

[معيوف ابن زهيميل]

اقتباس من مشاركة سلمان من لايطيب صغير.. ما طاب لاشاب....طيب الولد يطلع من أول شبابه صح الله لسانك يامعيوف

مرورك شرف أخي سلمان وصح بدنك لاهنت

[عبد الرحمن خضير]

قصيده تستحق الاشاده وابدع فيها شاعرها اخوي معيوف صح السانك اخوك ابومتعب:p