[علي سعود]

أنا اليـا شديـت سـرج القرايـح=أتعبـت فكـر منقحيـن القريحـه

نقع الصفى وبل (ن)من الغر طايح=شرايـده مالهـا بالافكـار ليحـه

نوادره ماهـي ضحـوك ومزايـح=لاضاقبه صدر(ن)تزاحـم فحيحـه

شعري بخور بمجلس الطيب فايـح=يبعد ويتعب فكر من شـم ريحـه

بالشعر ماأخذ من أبحور(ن)ضحايح=ولاأكتب شعر معنى البحور القبيحه

ماأخذت شعري بالسلف والمنايـح=بأعمق بحر معناي ماهـو منيحـه

الشعـر ماقلتـه نفـاق ومدايح= الله يبيـح الهاجـس الله يبيحـه

وين أنت بي ياهاجس الشعر رايح= معناي من دونه ثمانين طيحه
خذت من شعري دروس و نصايـح=ماأنسى منه قبل سنتين النصيحـه

يوم الحمام بعالي الصـوت نايـح=بالشعر عالجت القلوب الجريحـه

وان كان في متن المزون الروايـح=مكان عز النفـس بـه مستريحـه

غناة نفسـي بالليـال الشحايـح=في عز نفسي ياليديـن الشحيحـه

وأن بيعت النخوه بسوق الذبايـح=عندي لها النفس العزيزة ذبيحـه

تكـرم معرفـة طيبيـن الشرايـح=المعذرة ياهـل الوجيـه الفليحـه

شعر| علي سعود

الموضوع الأصلي: أخر قصيده لي في هذا الصرح الشامخ بعد نقل قصيدتي السابقه القسم القصايد المنقووله ؟؟ | | الكاتب: علي سعود | | المصدر: شبكة بني عبس

[سيف المهيمزي]

صــــــح لسانـك على القصيده

[ذيبان الرشيدي]

صُحَ بَوحُك أخي الفاضل
أطربتنا بهذه الشامخه والمتفرده
نص فاخر وزاخر
بالجزالة الأبديه
والتي رأيتها تتلالىء في طياتها

ولكن
لي عتب وقد يأتينا منكَ عَتب ما من أحداً بعلم
أخي الفاضل أنت تعلم تمام العلم
بأن الخطأ وارد في شتى المواضع
وهذا شيء لامناص منه ولانكران له

أنت شاعر ليس بهذا اختلاف
ولكن كان يُحبذ إمضاء أسمك في نَصك
لتتضح الشمس

لا أعلم أي قصيدةٍ لك قد نُقلت ومن قام بنقلها
ولكن
عتبي على عنوان نصك

يعلم الله أنه راقني ماقرأت
وأهلاً بك واتمنى رؤية الجزل المفيد

دمت
بخير وعافية

[برق الوسم]

الشاعر / علي سعود العازمي
حياك الله بين اخوانك بشبكة بني عبس
وصح لسانك وأعتلا شانك
قصيده رائعه عرفنا من خلالها شاعرها
ونعتذر لشخصكم الكريم عن البس الذي حصل على القصيده السابقه
لان القصيده السابقه سبق وقراءتها بكذا موقع ولم يذكر اسم شاعرها وهي قصيده جميله جداً وأنا من اشد المعجبين بها
ولم اتوقع في يوم من الايام ان يجلب الحظ لنا شاعرها ..
لذا اكرر اعتذاري لشخصكم الكريم وكلي آسف وسوف يتم معالجة الوضع
وحياك الله مره آخرى ياشاعرنا
تقبل مروري وتقديري

[ذيبان الرشيدي]

بيض الله وجهك
يابرق الوسم
وماشيمة الكرام إلا إبداء العذر
وشاعرنا أبو سعود
بيتقبلها بصدراً رحب
وأنا متأكد من ذلك

وسلملي على قلبك يابرق الوسم
واسلم وسلم على قلبٍ نضح بجزل الابياتي يابو سعود

[برق الوسم]

اقتباس من مشاركة ذيبان بيض الله وجهك يابرق الوسم وماشيمة الكرام إلا إبداء العذر وشاعرنا أبو سعود بيتقبلها بصدراً رحب وأنا متأكد من ذلك وسلملي على قلبك يابرق الوسم

وجهك ابيض اخوي ذيبان وسلمت يابعد راسي

[أحمد الشختلي]

صح السانك وبيض الله وجهك وجعلك سالم

وننتظر جديدك وبوح قلمك لاهنت مليون..

تحياتي لك وتقديري