[البعيد الهادي]

كان قصدك عذابي لاتوصي حريص=الزمن مايقصر وأنت فيك ابركه

لاتعاند تراني صرت مثل القريص=ماحدٍ راح يمه والعذاب انهكه

لمعة الشوق فيني مثل لمع الفصيص=والقدم سقتها لك والطريق اسلكه

قانصٍ لك وطحت برمش عينك قنيص=يوم شفته غدا بالقلب صوت ادبكه

جيت بافر منك واثر مالي محيص=اثر سهمك تعدا للحشا وادهكه

اشهد اٍنك بقدرك وبغلاتك بخيص=من كثر زود حبك طحت وسط اشبكه

خل قلبي بحبك ياغناتي يهيص=بين روحي وروحك وقف المعركه

ماهو بشرط من دش البحر صار غيص=كم وكم واحدٍ شاف البحر واربكه

اشتوت كبدي وصارت ابعدك حميص=وقرقعة قلبي ابصدري تقول اٍتنكه

الأمل اٍنطفأ نوره وباقي بصيص=والعمر فات دوره والزمان ادركه

صح قلت أبتعد لاشك منت ابرخيص=ما تناساك عقلي دام فيه اٍحركه

ما يأثر عذولٍ جى.. عيونه نفيص=راح مني وكفه بالقهر يفركه

ياحبيبٍ جعلني من غلاته خبيص=له عيوني وطن والروح له مملكه

ما علي غير شوفك يا حياتي نقيص=هاك خيط المحبه وابيديك امسكه

بين همٍ وتفكيرٍ وحظٍ عويص=كل من قال خله . قلت كيف اتركه ؟

كيف اخلي حبيبٍ في المحبه خليص ؟=فارضٍ اٍحترامه والحنان اٍملكه

لوجعل لي رسالة وسط مخبأ القميص=ادري اٍن التجافي والزعل فبركه

ويوم قلت ابتعد والله منت برخيص=كيف يرخص مقام اللي هواه اٍحبكه ؟

للشاعر : حمد بن سعد المسرع العجمي

الموضوع الأصلي: البيت الاول عن مية بيت والباقيه ؟؟؟؟؟؟؟؟؟؟؟؟؟؟؟ | | الكاتب: البعيد الهادي | | المصدر: شبكة بني عبس

[رائد الذيابي]

لوجعل لي رسالة وسط مخبأ القميـصادري اٍن التجافـي والزعـل فبركـه

البعيد الهادي
دائماً ماتجبرني للتواجد بين رفوفك
فـ شكرا حد الغرق

[البعيد الهادي]

اقتباس من مشاركة فلسفة ذهن لوجعل لي رسالة وسط مخبأ القميـصادري اٍن التجافـي والزعـل فبركـه البعيد الهادي دائماً ماتجبرني للتواجد بين رفوفك فـ شكرا حد الغرق

وانت دائماً تشرفني بمرووورك
دمت بخير وصحه ياعزيزي

[فلاح الرشيدي]

يالقريب الغالي بيض الله وجهك على النقل المتميز دائماً
لك ودي وتقديري

[المشعل]

اشهد اٍنك بقـدرك وبغلاتـك بخيـص

من كثر زود حبك طحت وسط اشبكـه

الله الله على الابياااااااااات الرااااااااائعه

يعطيك العافيه البعيد الهادي

على الابيات الرئعه وصح الله السان شاعرها

وصح ذوقك واختيارك الراائع

لاهنت على النقل والاختيار الجميل

تحيااتي لك

[فهد العوضه]

قانصٍ لك وطحت برمش عينك قنيصيوم شفته غدا بالقلب صـوت ادبكـه

جيت بافر منك واثـر مالـي محيـصاثـر سهمـك تعـدا للحشـا وادهكـه

اخوي البعيد الهادي نقل مميز وراقي واهنيك على حسن تذوقك للقصيد
ومنك الذوق دائماً كما عوتنا تقبل مروري ولك مني التقدير والاحترام