[مرشدالمظيبري]

أسعد الله جميع أوقاتكم بكل خير


اخترت لكم هذه المحاوره الرائعه التي جرت بين الشاعر الكبير والرائع كريم رحيل العنزي وبين الشاعر الكبير نواف العازمي






نواف العازمي

ياسلام الله على بيت الشرف والنور بادي=والليال البيض محداً شافها لـولا قمرهـا

شايفاً لي شاعراً دايم عن الناس متحادي=كل ماقلنا علامك قال لي مـا الله ومرهـا

كريم رحيل

مرحبا ترحيبتاً تفرق بياضٍ عن سـوادي=والرجل بعض المصايب مايحول في نحرها

المزون مخيَّله وسيولها مـع كـل وادي=والكواكب في سماها والسفينه في بحرهـا

نواف العازمي

انت عادي مير عندك شي والله ماهو عادي=مير انا ياشافتها ياصاحبي ماقـص أثرهـا

ما لقينا في حراج السوق ياغير المـزادي=كل مايركد هواها مرهـا عمـر وعمرهـا

كريم رحيل

مانجيكم غير مع درب الشريعه والمبادي=طول الهرجه وسيع المعرفه وإلا قصرهـا

انت غادي حال وإلاحال يمكن مانت غادي=كيف ابنصر عالماً ربي تعالى مانصرهـا

نواف العازمي

كان صارت ماتقص الراس والابالثنادي=غيرهن لوهي على حد السماء مانعتبرها

مايشككني عديم العرف في ملحي وزادي=والرجال لها مواقف والمواقيف اتخبرها

كريم رحيل

من يرجعهـا بعدمـا ذاع فيهـا كـل رادي=من تغيب عن عيال قريش مثل اللي حضرها

والله انَّ مانبي كود الصراحـه والوكـادي=مايطيح بحفرة الشيطان كود اللـي حفرهـا

الموضوع الأصلي: محاوره رائعة بين الشاعر الكبير كريم رحيل العنزي والشاعر الكبير نواف العازمي | | الكاتب: مرشدالمظيبري | | المصدر: شبكة بني عبس

[الاجهر]

مشكور اخي مرشد لاهنت جهود تشكر عليها لاهنت
محاورة رائعة استمتعت بتصفحها

[(*العرعري*)]

مشكور يامرشد

[مرشدالمظيبري]

يعطيكم العافية على المرور