[محمد بن عبس]

هذي قصيده دخلت قلبي
واحس انها تعبر عني
واتمنى تعجبكم

سر يا قلم واكتب معانـات مجـروح
مجـروح قلـب وزاد همـه عذابـه
ما له جدا يا كود يكتب على اللـوح
حروف حب(ن) ترجمت مـن كتابـه
مترجمه بإحساس من داخـل الـروح
روح(ن) بها حـب الحبيـب لأجابـه
اسمه ورسمه داخل القلب ما يـروح
اسم الحبيـب نبـض قلبـي جرابـه
ولا اللوم قلبي لو بـدا سـره يبـوح
صابر ثـلاث سنيـن ممـا أصابـه
والدمع من عيني على خدي يسـوح
ياما مسحـت الدمـع بيـن القرابـه
فكري تحير من عناء الوقت مـاأروح
ولقبل سـواد الليـل همـه سرابـه
دون الحبيب قالـوا العلـم مطـروح
وان قلـت هـاوي زودوهـا طلابـه
قالوا ولـد عمـه ولا عنـه بيـروح
بابا(ن) أنقفل بالوجه يـوم ألخطابـه
من قولهم حسيت ان الروح بتـراوح
واللي بوسط الجوف ما أحدا(ن) درابه
قضيت وقتي عندهم ضحك ومـزوح
والعالـم الله ويـش قلبـي غدابـه
زادت جروحي جرح من قول لاتروح
الموت شفتـه يـوم ودعـت بابـه
وهذا بقايا حب مـن قلـب مجـروح
سطر وعبر جـرح مـا بـه كتابـه

تحياتي ...

الموضوع الأصلي: سر ياقلــم واكتب معاناة مجروح!! | | الكاتب: محمد بن عبس | | المصدر: شبكة بني عبس

[الـرونـق]

صح لسان الشاعر

مشكورعلى النقــل الجـــــــميل

[برق الوسم]

صح لسان الشاعر
لاهنت ع نقلها لنا
تقبل مروري