[بدر الحشية]

قم يالمقهوي دن نجر ومحماس .=واحمس لنا من حب صنعا نماها
احمس وزين حمسة البن بقياس =دقــه ولقمهـا وعـجل سواهـا
وصبه لممرور على الخيل مدباس=تقفي عنه صم الرمك لانصاها
من فوق ماتاخذ على الخيل مرواس=لاجدعت خبثات الانفس حذاها
واثنه لمن حوله على الزبر جلاس=اهل السموت اللي بعيد مداها
ابن عبيكه هرجته مابها باس=تطرب لها كرام اللحى من حلاها
طول الجدار وقصرة الرجل نوماس=لا صار ما للرجــل داع دعاهــا
تصير بعيون الرفاقه معك باس=لاصار ماتدعى تره من عناها
يصير قالات ويصير لولاس =ونوبن من الادنين ياتي بلاها
قلبك يصير ويضرب القلب عوماس=والنفس تقدح عقب زايد غلاها
خلك على بابك تقل لون حراس=لاجو عليهن محترين عشاها
لاجن مع الخل الشمالي لها اضراس=والكل تشكي رجلها من حفاها
نرحب بهم من قبل تجديع الالباس =ونقلط لهم تمر الحلا من نماها
ونذبح لهم كبش مربى بالاطعاس=ونقلطه من قبل يقرب مساها
هذي سلوم جدودنا قبل من راس=واللي بعدنا كــان ربي هداهـا

الموضوع الأصلي: قم يالمقهوي | | الكاتب: بدر الحشية | | المصدر: شبكة بني عبس

[وحيدالطعس]

صح لسانك
اخي العزيز

[بدر الحشية]

وحيد الطعس
مشكور على المرور ولاهنت

[الاجهر]

تسلم حبيبي / بدر

ياليت نعرف قائل القصيدة

ماننحرم منك

[بدر الحشية]

اقتباس من مشاركة الاجهر تسلم حبيبي / بدر ياليت نعرف قائل القصيدة ماننحرم منك

مشكور اخوي الاجهر على النقل ولاهنت والقصيدة
لمبارك بن عبيكه بن رمال الشمري

[خاتم الرشيدي]

نقل رائع الله لايهينك
وصح السان شاعرها

وتقبل خالص الود

[الشامخ العرعري]

اقتباس من مشاركة بدر الحشية قم يالمقهوي دن نجر ومحماس .=واحمس لنا من حب صنعا نماها احمس وزين حمسة البن بقياس =دقــه ولقمهـا وعـجل سواهـا وصبه لممرور على الخيل مدباس=تقفي عنه صم الرمك لانصاها من فوق ماتاخذ على الخيل مرواس=لاجدعت خبثات الانفس حذاها واثنه لمن حوله على الزبر جلاس=اهل السموت اللي بعيد مداها ابن عبيكه هرجته مابها باس=تطرب لها كرام اللحى من حلاها طول الجدار وقصرة الرجل نوماس=لا صار ما للرجــل داع دعاهــا تصير بعيون الرفاقه معك باس=لاصار ماتدعى تره من عناها يصير قالات ويصير لولاس =ونوبن من الادنين ياتي بلاها قلبك يصير ويضرب القلب عوماس=والنفس تقدح عقب زايد غلاها خلك على بابك تقل لون حراس=لاجو عليهن محترين عشاها لاجن مع الخل الشمالي لها اضراس=والكل تشكي رجلها من حفاها نرحب بهم من قبل تجديع الالباس =ونقلط لهم تمر الحلا من نماها ونذبح لهم كبش مربى بالاطعاس=ونقلطه من قبل يقرب مساها هذي سلوم جدودنا قبل من راس=واللي بعدنا كــان ربي هداهـا

يعطيك العافيه اخوي بدر على هذه الابيات الجميله

وتقبل مررررررررروررررررررري