[مفلح جامع النميش]

قصيدة لقيتها في حفل الشيخ :منصور بن فضي الرشيدي
بناسبة حصوله على ختم معرف بلدة الطنيب بنتطقه حائل

نبدا بذكر اللي خلـق يـوم وشهـور=مجر السفينه وسط غبـات الامـواج
من فوقها نوح النبي ركـب مامـور=هلل وكبـر ينتضـر وقـت الافـراج
بامره رجع موسى على امه من ابحور=لطف بحال امه من الحـزن واحـراج
نجاه مـن كيـد المعاديـن وشـرور=حرم عليه المرضعـه عنـد الالهـاج
بسمه بدينا وكـل شيطـان مدحـور=نبدا البيوت اللـي جزيـلات وانتـاج
ابيات شاعر حـط مجهـر وناضـور=يستخلص المعنى مثـل جـم هـداج
شاعر ومتواضع وينضم له اسطـور=لولو ومرجان(ن) على سلـك ديبـاج
سـلام يانسـل الرجاجيـل منصـور=سلام ريح العود مـن مبخـره فـاج
سلام يقطف لك من الـورد وزهـور = العنبر الخا لص يجي حولـه اسيـاج
سلام وافـي يدفعـه طيـب وشعـور=يضفي عليكـم كنـه افـواج حجـاج
يليق في مثلك على الطيـب مذكـو ر= للطيب ساس و معتلـي كنـه ابـراج
من طيب ابو فيصل له ارجال وحضور=شفهم امامه جـوه زافـات وافـواج
روس الشيوخ اهل المواجيب والشور=بوجيههم دين النبي يوضـي اسـراج
لتهنئـه معهـم لـك الـورد منثـور=افراحهم تسبق لك اصـوات ميـراج
ياطيب السيره لـك المجـد منشـور=مجد (ن) رقيته جاك من جـدك ادراج
طيب(ن) كسبته من حلاحيل واصقور=ربع (ن) لهم بالطيب مدخل ومخـراج
عنك الردى والحسد والبخـل مقبـور=في محتوى شخصك لـك الله مـاداج
فيك الكرم فيك الوفاء شـي مخبـور= تاقف مع اللي جاك بالوقـت محتـاج
وافـي وكافـي بالمهمـات لـك دور=عندك لها حكمـت تساهيـل وعـلاج
عندك طموح (ن) يرتفع ما انت معثور=قـدام ادائـم نضرتـك فـوق تنبـاج
لولاك ولولا من معك كـان مهجـور=يمـوت مـا والله يجـي فيـه دواج
كونت هجره كانـت سهالهـا دهـور=اسقيتهـا مـن كـف يمنـاك هـداج
وصلو على اللي وضح الحق والنـور=افضل بشر اجمل بشـر خيـر هـراج

الموضوع الأصلي: قصيدة بالشيخ منصور بن فضي الرشيدي | | الكاتب: مفلح جامع النميش | | المصدر: شبكة بني عبس

[بندر الذيابي]

صح الله لسانك


والمادح والممدوح يستحقون الثناء والتقدير


ننتظر جديدك

[عيد سعود]

يستاهل وصـــــــــــــــــــــــــــــــــــ لسانك ــــــــــــــــــــــــــــــــح وبيض الله وجهك وقليل بحقه ولا نوفيه حصل على المنصب لانه كفووو له مبروك وتقبل مروري

[خطاف الشعار]

أخي السلام عليك تقبل من أخيك هذا النقد الهادف أن شاء الله وأنا ذكرت مساوي النص ولم اذكر محاسنه لأن الذي لم أذكر كله حسن... وأنا أستغرب منك لماذا يكون صدر البيت يكون عندك خلل فيه وعجزه ممتاز.
ولك جل تقديري واحترامي .

نبدا بذكر اللي خلـق يـوم وشهـور=مجر السفينه وسط غبـات الامـواج
لوكنت واضع غير هالكلمتين لكان أفضل
من فوقها نوح النبي ركـب مامـور=هلل وكبـر ينتضـر وقـت الافـراج

بامره رجع موسى على امه من ابحور=لطف بحال امه من الحـزن واحـراج
يوجد كسر بالبيت واضح
نجاه مـن كيـد المعاديـن وشـرور=حرم عليه المرضعـه عنـد الالهـاج
شرور لا تناسق مع البيت لو وضعت غيرها لكان أفضل
بسمه بدينا وكـل شيطـان مدحـور=نبدا البيوت اللـي جزيـلات وانتـاج
انتاج مفرد وكلمة البيوت وجزيلات جمع
ابيات شاعر حـط مجهـر وناضـور=يستخلص المعنى مثـل جـم هـداج

شاعر ومتواضع وينضم له اسطـور=لولو ومرجان(ن) على سلـك ديبـاج
كلمة اسطور اضعفت البيت
سـلام يانسـل الرجاجيـل منصـور=سلام ريح العود مـن مبخـره فـاج

سلام يقطف لك من الـورد وزهـور= العنبر الخا لص يجي حولـه اسيـاج
عطفت كلمة زهور على الورد وانها لا تناسب مع سياق البيت
سلام وافـي يدفعـه طيـب وشعـور=يضفي عليكـم كنـه افـواج حجـاج

يليق في مثلك على الطيـب مذكـور =للطيب ساس و معتلـي كنـه ابـراج
الشطر ضعيف هنا
من طيب ابو فيصل له ارجال وحضور=شفهم امامه جـوه زافـات وافـواج
أنا بالبيت توقعت ان المخاطب أنثى من كلمة له أرجال
روس الشيوخ اهل المواجيب والشور=بوجيههم دين النبي يوضـي اسـراج

لتهنئـه معهـم لـك الـورد منثـور=افراحهم تسبق لك اصـوات ميـراج

ياطيب السيره لـك المجـد منشـور=مجد (ن) رقيته جاك من جـدك ادراج

طيب(ن) كسبته من حلاحيل واصقور=ربع (ن) لهم بالطيب مدخل ومخـراج

عنك الردى والحسد والبخـل مقبـور=في محتوى شخصك لـك الله مـاداج

فيك الكرم فيك الوفاء شـي مخبـور= تاقف مع اللي جاك بالوقـت محتـاج

وافـي وكافـي بالمهمـات لـك دور=عندك لها حكمـت تساهيـل وعـلاج

عندك طموح (ن) يرتفع ما انت معثور=قـدام دائـم نضرتـك فـوق تنبـاج

لولاك ولولا من معك كـان مهجـور=يمـوت مـا والله يجـي فيـه دواج
حرف الواو كسر البيت الافضل حذفه
كونت هجره كانـت سهالهـا دهـور=اسقيتهـا مـن كـف يمنـاك هـداج

وصلو على اللي وضح الحق والنـور=افضل بشر اجمل بشـر خيـر هـراج
كلمة هراج تنطبق على كثير الهرج والنبي ليس هراج

[عبدالباري عبدالعزيز]

صح لسان الشاعر
والممدوح يستاهل
خطاف الشعار
ملاحظاتك قيمه
اشكرك

[مرزوق العجوني]

صح لسانك ولا هنت ويستاااهل الشيخ منصور ابن فضي