[عبدالله العابد]

بسم الله الرحمن الرحيم
الأخوة الكرام المحترمين
السلام عليكم ورحمة الله وبركاته وبعد
يسرنا ان نقدم لكم كل ما هو جديد ومفيد للقبيلة عسى ان يحوز على رضاكم وهي عبارة
عن .................... قصيدة بعنوان ......... العبسية ...................
العبسية

فوق السماء رازق وبالأرض حســـاد = والعلم واضح والشواهد دليــــله
ليا عاد ما ذكرك للأذهان رعـــــــــاد = ما ينفعك لو قال من قال قيـــله
وليا صـار صيتك ساطع فوق الأشهاد = ما يخذلك راعي العلوم الهزيله
حنـــا سلايل عبس حنـــا أمـــة الضاد = حنا منزحة الجمــــوع الثقيـــلة
أمجادنا يدريبهــــا كــــل نشـــــــــــاد = وفعولنا تشفي الصدور العــليله
أمجـــادنا من قبل عنتر وشــــــــــداد = وعنتر ربى فينا وحـاش النفيلة
نعــــم الحصــــــان ليا تلاقوا بميعـاد = الخيل تقفي ما داني صهيــــــله
ليـــــا زاد شــــر أعدائنـــا شـرنا زاد = عدونـــا نموت مـــا ننحنيــــــله
بني رشــــــــيد ان صار للحرب وقاد = أهل السيوف المرهفات الصقيلة
من ساس عبس منزحة نشر الأضداد = قبيلتي وأفخر بهـــا من قبيــــلة
نضرب على الكـايد ولا نهاب ما كاد = وعدونا لو مـــا يجينــا نجيــــله
رجالنــــا مثل البليهي ليـــا نــــــــــاد = من فوق حمله حمل أليفـه يشيله
قومِ لنـــا في ساحــــة المجـــــد رواد = يوم الفعــايل والمواقف مـــهيله
يوم القنا والرمح والسيف حصــــــاد = والخيل والبــــارود يقــدح فتيله
والهجن والنخوات وصيـــاح وطراد = يوم به الخـــليل ينسى خـــــليله
ساعة لقانا تقفي الخـــيل شــــــــراد = ونعوقها فوق المهـــار الأصيله
للمرجلـــــة نرقى وللمــــــوت وراد = نشرب من حياضه ونعبر سبيله
وشيوخنا بين العرب صيتهم ســـــاد = ناخذ ونعطي والمــــواقف نبيله
منا سكن شبه الجــــــــزيرة ولا حاد = باقي بها عبر العصور الطويلة
متوارثين ترابهــــــــا ورث الأجداد = ولها غلا بالقلب محــدن يزيــله
دارٍ حمــــــاها أجداد يفخر بها احفاد = وتاريخنـــا يمــليه جيـــلٍِِ لجيله
وجمــوع منا خاضــوا البحر باسناد = واستخدمـوا فيه البواخر وسيلة
تجاوزوا البحر الحمـــر نشرهم غاد = واستوطنوا كسـلا بحيلٍ وحيلة
على ضفاف النهـــر يرعون الأذواد = فازوا بهــا يوم المــــوارد قليلة
وفي ليبيا توجد جمـــــــاعات وأفراد = وايضا بمصر النا جموعٍ مثيلة
وارض الكويت النا بها ربع واسنــاد = اليا طار ستر منقضات الجديلة
نجود لامن الدهـــر صوبنــــــــا جاد = كلٍ يقدم واجبه من حصيـــــلة
وان قل بيدين المــــلاء حفنة الــزاد = نكرم ولا فينـــا نفوسٍ بخيـــلة
والجـــــار له فينا مكــــانة ومقعــــاد = حسبة حدانا لين يعــلن رحيـله
وخوينا ما يشتكي هــــــم الأبعــــــاد = حمله ليـــا منه ثقل نرتكيـــــلـه
ودخيلنا نحميــــه من كـــل هــــــداد = ولا خير في من لا يزبن دخيله
هاذي عوايـدنــــا تليدات وجـــــــداد = يا ناشد التـــاريخ عدلــه وميله
تم الكـــــلام وزبدة الهــــــرج ما فاد = والعـــــلم يكفي عن كثيرة قليله
سبحان من ثبت وطــــاها بالأوتـــاد = أعوذبه وأستغفــره وارتجيــــله

الشاعر الأستاذ : بادي مرزوق عبيد الرشيدي

الموضوع الأصلي: أحدث قصيدة عبسية ... جديد .... جديد ... الأن | | الكاتب: عبدالله العابد | | المصدر: شبكة بني عبس

[مـآجـد]

صح الله السان شاعرها

وتسلم اخوي على النقل الجميل

استأذنك بنقلها الى منتدى شعراء القبيله


تقبل تحياتي

[ابواثنين]

صح اللسانك اخوي عبدالله العابد
وصح اللسان الشاعر بادي مرزوق
قصيده جميله بمعانيها ومفرداتها

[أبو عيسى]

بني رشــــــــيد ان صار للحرب وقاد - أهل السيوف المرهفات الصقيلة
من ساس عبس منزحة نشر الأضداد - قبيلتي وأفخر بهـــا من قبيــــلة
صح لسان الشاعر المعروف المبدع/ بادي الشويلعي

[سعد البويدي]

صح اللسانك اخوي عبدالله العابد
وصح اللسان الشاعر بادي مرزوق
قصيده جميله بمعانيها ومفرداتها

[عيسى المويسه]

صح السان شاعرها


ولاهنت على نقلها




لك تحيتي


...

[عايض بن صالح]

لاهنت ياعبدالله عابد على

نقل قصيدة الشاعر المعروف

بادي مرزوق الرشيدي

صح السانه

[مسندالعويمري]

الأخ عبدالله العابد صح لسانك وبيض الله وجهك على نقل هذه الدرر الثمينة

وصح لسان الشاعر الكبير المبدع الغيور على قبيلته هذا ليس نقص بالأخرين كثر الله من أمثالكم

وسدد الله بالخير خطاكم وبارك الله بالقبيلة وأبنائها

وأعاننا الله على خدمة ديننا ومليكنا ووطنا
-------------------------------------------
أخي أسمحلي بتنسيق القصيدة ونقلها إلى قسم القصائد في القبيلة

مسندالعويمري