[JljJjJl]

سلام الله عليكم وإحذروا من قوة الزلزال=تراها قوةٍ لا وصلت الديرة تدمرها
ابا أحذر وابا أنذر وأبا أقول الصحيح يقال=وأبا آحط العرب مابين ماضيها وحاضرها

الموضوع الأصلي: سلام الله عليكم وإحذروا من قوة الزلزال0000000 | | الكاتب: JljJjJl | | المصدر: شبكة بني عبس

[الاجهر]

استلم استلم

هلا يا مرحبابك يالمسلم والحمل ينشال = على ضهور الجمال وف البحر تشلع بواخرها
ليامنك نويت العلم عندي والحروب سجال = تمتع في زمانك والحوادث لاتباشرها

[الاجهر]

:p :p :p :p :p :p :p :p :p
عاشو عاشو
وين صديقي الرمح وين الشيخ
تسلم ابو صالح

[JljJjJl]

يدوم الك البقا والحمل برك له ثلاث جمال=ولا حملتها بحمولها حاول تثورها
جهازات الندا ترسل ولاحدِ يسمع الإرسال=مواردها بعيدة وأنته أبخص في مصادرها

[الاجهر]

تقوله وانت ضيف وفي محل رجال يارجال = سلوم جدودنا في صرحنا الشامخ نسطرها
ليامني عرفتك ياسنافي حلها حلال = نعبر كل حجه يا سنافي مع معابرها

[JljJjJl]

أنا ماقلت حاجة لكن الشكة لها مدخال=لكن أبا أنشدك عن عبس ويش يقول شاعرها
أبا أعطيك النصيحة دامك أجهر والدروب طوال =ليا شكيت فيها صد عنها لاتكبرها

[الاجهر]

انا ماشك فيها والمراوغ حيلة الانذال = عطيتك مافهمتة منك وانته لاتحدرها
نبيك اتصير في الميدان وانته من وراء خيال = تستر والتستر بعض الانفس ما يقدرها

[JljJjJl]

لا بالله مالحقك الشك لكن ماتعرف تحتال=يازين الستر لو بعض العرب مالله بساترها
تريح لا توهق نفسك وتبلش وتعطى فال=تراي أشوفك من البارحة وأنته تدورها