[فلاح الرشيدي]

قالوا تحبه قلت مــا هو بالحيل=بس انه أغلا شوي من نور عيني
يسوى جميع الجيل الأول وهالجيل=واحبابي المــــاضين والمقبلين
شوقي له أعظم من ظمى الأرض للسيل=واشفق عليــه أكثر من أم الجنيني
واحتاج له حاجة ثرى مصر للنيل=وعليه أغـــار أكثر من الوالدين
أشتــاق له شوق المحبين لليل=وارتــاح له راحت دموع الحزين
لا صار جنبي لو سنه وقتي بخيل=ولو غاب لو لحظة صارت سنيني
قـالوا يحبك قلت هذا هو الويل=مــا ودي أنشد ثم رفضه يجيني
واهدم رجاي بدبرتي مثل ما قيل=والأفضل أحيــا بالأمل لو لحيني
يــا حبكم يا ناس للقال والقيل=الله يجازي . . جملة العــاذليني
خلوني أحيا في الوهم يالعواذيل=وش دخلكم والأمر بينــه وبيني

الموضوع الأصلي: ياحبكم ياناس للقال والقيل | | الكاتب: فلاح الرشيدي | | المصدر: شبكة بني عبس

[عواد العويمرى]

مشكور فلاح

علىالنقل

[فلاح الرشيدي]

اقتباس من مشاركة عواد العويمرى مشكور فلاح علىالنقل

شكرآ على مرورك يا عواد

[فزاع]

لك كل الشكر يا فلاح
على الذوق الرائع

[عبد العزيز]

مشكور والله يعطيك العافيه على الطرح

[فلاح الرشيدي]

اقتباس من مشاركة عبدالعـزيز مشكور والله يعطيك العافيه على الطرح

الله يعافيك اخوي عبدالعزيز