[سعد الشقل]

عاشق المستحيل

ياسلايل عبس ياربعـي الوافيـن دوم=قلت اببدا بالطواريق وافـل القصيـد
قلتها من قلب صادق نبا المشرف لزوم=سعد الفـلاح مالـك مـلاذ ولا محيـد

سعد الشقل

مرحبا ترحيبة ن في محل اهل السلوم= قالها سعد الشقل في محل ابنا رشيد
كان عندك علم عجل وهات النا العلوم=والمثل كد قال مال الحديد الا الحديد

عاشق المستحيل

فيك البقا ياصاحبي مير لاتزيد الهموم=ياسعد وشبك تلقف علامـك ياعنيـد
قلتلك علمي نبا المشرف الاخر يقوم=لن فرقة عنك فرق الحرار من العبيد

سعد الشقل

المواقف مالها غير رجال اللزوم=ومن تقدم للحموله شقي ماهو سعيد
انت خلك بالدفاع مالك ومال الهجوم=كان جاهل وش فعل عنتره ياذى البليد

عاشق المستحيل

انت مثل البوم يومنة ابعشـة يحـوم=لاتحسبنك سعيد انت ياصاحب هميـد
شعري لياقلتة يزعزع جيوش الخصوم=وعنترة حر ٍعلا فوق مشراف ٍ شهيد

سعد الشقل

ماتدوم العافيه ياصحيبي ما تدوم=احترس من ضربة ن من سيوف ابن الوليد
يا عويشق ما يطب البحر من لا يعوم=والهوا هبت هبوبه ويلعب بالجريد

عاشق المستحيل

خصمك امحنك وشغموم ويخيل الغيوم=مايخاف من العصافير لا غنت نشيـد
ياسويعد مايشب الضو ياغير القـروم=وانت لاكاسب صديق ٍ ولا علمن حميد

سعد الشقل

المراجل يا عويشق ماهي حبة خشوم= وانت دندن يانبيل مدري يالاطرش فريد
فرق واضح بينكم يالكواكب والنجوم=وانت عاشق منت مثل الجحش شاعرعميد

عاشق المستحيل

ياصحيبـي كـل رجـال لـة قدرامحـتـوم=وانت اشوفك صرت تمشي على درب الصعيد
فرق واضـح بيننـا لكـن افهـم بالعمـوم=البشر شعـار والا الجحـوش الهـا الكديـد

سعد الشقل

لا تخبط بالعلوم يوم جو اهل العزوم=يوم نعصد مثلكم مثل مانعصد عصيد
الجحش عميد شعر ولا ذمه الا الرخوم=والشهاده مالتك زور يابليس المريد

الموضوع الأصلي: عاشق المستحيل × سعد الشقل | | الكاتب: سعد الشقل | | المصدر: شبكة بني عبس

[بتاال]

المواقف مالها غير رجـال اللـزوم
ومن تقدم للحموله شقي ماهو سعيـد
انت خلك بالدفاع مالك ومال الهجوم
كان جاهل وش فعل عنتره ياذى البليد


الله عليك ابداااااااااااااااااااااااااااااااع



ماتـدوم العافيـه ياصحيبـي مـا تـدوم
احترس من ضربة ن من سيوف ابن الوليد
يا عويشق ما يطب البحر مـن لا يعـوم
والهوا هبـت هبوبـه ويلعـب بالجريـد


هذا من العياااار الثقيل




صح لسانك ولسان محماس

بنتظاركم

[بحــ الخليج ــر]

المراجل يا عويشق ماهي حبـة خشـوم
وانت دندن يانبيل مدري يالاطرش فريـد
فرق واضح بينكـم يالكواكـب والنجـوم
وانت عاشق منت مثل الجحش شاعرعميد
صح الله اللسنت الشعراء محاوره جيده نتمنى لهم التوفيق والنجاح في جميع المجالات وسعد الشقل بعد هزيمتك للجحش جيتنا طاير بس اقولك على هونك ترى ماكل بيضاء اشحمه ههههههههههههههههه تقبلو مروري

[سعد الفلاح]

صح اللسان الشعراء على الطاروق الرائع وتسلم يمينك على التنسيق ولاهنتم

[عبدالعزيز-الشقل]

هههههههههههههههه



محاوره جميله




لااااااهنتواااااااااا