[فواز الدواي]

السلام عليكم اترك بين اعينكم هذه الابيات المتواضعه

واهديها للأم الغاليه حلوة اللبن ولن نوفيها حقها مهما كان الثمن

بمناسبة العيد






اعايد امـي اول الخلـق والنـاس
ودمع الفرح ينزل وانا اقـول يمـه
( عيدج مبارك) قلتها بجمل احساس
وراسج بشوق وحـب لازم المـه
يافرحتي يادنيتـي حـي هالـراس
قبل ؟ صلاة العيد راسـج اضمـه
انتي غلايا يـا هوايـا والانفـاس
حبج هوى واحلا هوى يوم اشمـه
العيد دونج كلـه امـرار واتعـاس
دونـج قسـم بالله ياثقـل دمــه
يابنت جدي لج غلا مالـه قيـاس
قمه غـلاج بداخـل القلـب قمـه
يابنت عود معرب الجـد والسـاس
طيبه علـى خالـه وجـده وعمـه
العيد من غيرج به احزان وتعـاس
احس في نفسـي مصيبـه مطمـه
تلحقني الضيقات والبـال يحتـاس
مثل المريض اللي تمـرض بحمـه
والعيد اذا انتي فيه اوناس بونـاس
القلب لو بـه هـم ماشـال همـه

الموضوع الأصلي: اعايد أمــــي.. | | الكاتب: فواز الدواي | | المصدر: شبكة بني عبس

[ابواثنين]

صح اللسانك اخي فواز الدواي
والام مهما سوينا لن نوفيها حقها

[ابو عبدالعزيز]

يابنت جدي لج غلا مالـه قيـاس
قمه غـلاج بداخـل القلـب قمـه
يابنت عود معرب الجـد والسـاس
طيبه علـى خالـه وجـده وعمـه

تسلم يمينك وصح لسانك بصراحه أثريت المنتدى أتمنى لك التوفيق من كل قلبي

[فهد المويسه]

الله يخيلي لك امك ان شاء الله

وصح لسانك يا بو محمد

وعيدك مبارك

وتقبل سلامي

[فواز الدواي]

ابو ثنين

بارك الله فيك على مرورك العطر

[سعد الشقل]

صح اللسانك اخي فواز الدواي على القصيده الاكثر من رائعه ..//

[الاجهر]

تستاهل العيد الله يخليها لك ويتم عليها الصحه والعافيه

تقبل تحياتي

[فواز الدواي]

الله يرحم والدينك ابو عبد العزيز