[أبونواف]

السلام عليكم .. والرحمه ..

قصيده اعجبتني ..
ونقلتها لكم كما هي ..



"
"
"



ماكل من طوّل شواربـه رجّـال
ولا كل من خاواك تفخـر بعـزه



.,’.,’.,’.



(هذا ولد عمٍ وهذا ولـد خـال)
راس ٍتعزوابـه وراس ٍتـجـزّه



.,’.,’.,’.



واحد يدور من ورى صحبتك مال
وواحد يحوش الموت عنّك ويدزّه



.,’.,’.,’.



وواحد سواليفه تخاريف جهّـال
يفضحك بين النّاس في كل حـزّه



.,’.,’.,’.



ودك بعزرائيل ياخـذه فالحـال
والاّ بشـوزن فالحناجـر تلـزّه



.,’.,’.,’.



وإن دارت الدنيا ولا دام هالحال
أقرب قريبٍ ما يعشّيـك خبـزه



.,’.,’.,’.



وواحد تشوفه ما تصب إله فنجال
ووقت الصمايل رمحك اللي ترزّه



.,’.,’.,’.



لالابس ٍبشتٍ ولا لابـس عقـال
مثل الجبل ما كـل شـئ ٍيهـزّه




.,’.,’.,’.



شيخ ٍإذا منه قلط مجلس رجـال
تاقف له شيوخ القبايـل معـزّه



.,’.,’.,’.



أهل الشكاله فعلهم قبل الأقـوال
قوم ٍبنو تاريـخ نفخـر بعـزّه



.,’.,’.,’.



ماني بمتفلسف ولانـي بدجـال
شواهد العصـر فخيالـي تنـزّه




"
"
"

لــ إبراهيم العتيبي ..



"
"
"
الذيبه ..
سبحان الله وبحمده .. عدد خلقه ورضى نفسه وزنة عرشه ومداد كلماته ..

الموضوع الأصلي: ماكل من طوّل شواربه رجال ..!! | | الكاتب: أبونواف | | المصدر: شبكة بني عبس

[نشمي الرشيدي]

صح لسان شاعرها ويعطيك العافيه ياابو نواف على النقل

[سعد الخياري]

صح لسان شاعرها

[الاجهر]

(هذا ولد عمٍ وهذا ولـد خـال)
راس ٍتعزوابـه وراس ٍتـجـزّه
شكراً لك اخي الكريم

[أبونواف]

مشكورين على الرد ود

[سيف الجزيرة]

صح لسان شاعرها ويعطيك العافيه ياابو نواف على النقل

[أبونواف]

اقتباس من مشاركة أسد الجزيرة صح لسان شاعرها ويعطيك العافيه ياابو نواف على النقل

مشكووووور اسد الجزيره لاهنت

[فهد المويسه]

قصيده رائعه

وشكرا لك


وتقبل سلامي