[rashidhoa]

القصيده نُشرت في مجلة حياة الناس ابّان اشراف الاستاذ فهد عافت عليها اتمنى ان تحوز على رضاكم.

ما بين امس الطويل وباكر اللي ما بعد شفناه= يموت الحكي كل الحكي في لحظه وتحيينه
صحى كل الكلام ومات كثره وانتهى وعدناه = ملل كل الكلام اللي يموت ولي تعيدينه
لمحت بنظرتك لغز وغموض.. احترت في معناه= متى اشرب نظرتك نور الوضوح اللي تملّينه
مسافاتٍ تطول الوعد.. والممشى الغموض افناه=على ركنٍ سرق من خطوتك دربٍ وتمشينه
على شوفٍ تحرى رمشك اللي وجنتك تشناه=الى انهدْ فوق خدٍ تضحك الدنيا على زينه
تمرد عقرب الساعه على وقت الوعد واطناه=زعل من كثر ما يمشي وفا وانتي تنادينه
وانا في داخلي طفلٍ تعب كثر الوقوف اضناه= ونظرات الملامه تحرقه وانتي تلومينه
وانا اللي مدّ لك صدق ووفا ومعانقه يمناه=ولكنك بنظرات الغموض المر تلوينه
وانا اللي لك بنيت السور واحييت الوفا بفْناه=وتجين بغفلةٍ مني وبيدينك تهدينه
ما بين الموعدين ابسألك عن موقفٍ عشناه=الى مات الوعد في معصمي وشلون تحيينه

الموضوع الأصلي: امس وبكره | | الكاتب: rashidhoa | | المصدر: شبكة بني عبس

[ابواثنين]

صح اللسانك اخوي ابورغد
قصيده تستحق النقل

[rashidhoa]

اقتباس من مشاركة ابواثنين صح اللسانك اخوي ابورغد قصيده تستحق النقل

صح بدنك اخي العزيز
اسعدني جداً مرورك
تحياتي

[سعد بن عادي]

صح لسانك rashidhoa وبيض الله وجهك على القصيدة الجزله

[rashidhoa]

اقتباس من مشاركة ابواثنين صح اللسانك اخوي ابورغد قصيده تستحق النقل

صح بدنك اخي العزيز اسعدني مرورك الكريم شكراً لك.


تنويه:
القصيده من قولي وليست من منقولي.

[rashidhoa]

اقتباس من مشاركة سعد بن عادي صح لسانك rashidhoa وبيض الله وجهك على القصيدة الجزله

صح بدنك ووجهك ابيض اخي العزيز سعد.
اسعدني جداً تفضلك با المرور على قصيدتي المتواضعه.
تحياتي لك.

[rashidhoa]

اقتباس من مشاركة راشد رباح صح لسانك

صح بدنك.
اسعدني مرورك اخي العزيز.
تحياتي لك.

[الهنوف]

صح لسانك

قصيدة رائعة

يعطيك العافية ووفقك الله

دمت بخير
اختك الهنوف