[غربة الروح !!]

وقف ولا ترمي وداعك بالاعيان
محتاج أنا لذرة امل في سنيني

هذي تفاصيل العمر وسط الاجفان
صور واماكن في عيوني تجيني

والله من تطري وسط عمر الاحزان
كل الفرح من لون وجهك يجيني

مثل المطر يركض على الارض ولهان
هذا انت دايم بالوله محتويني

يكبر غيابك لو كبر وسط الاشجان
يكبر معه في شوق عمري حنيني

الماي في قلبي من الشوق كثران
صبيت دمعي وشفت قلبك بيديني

قلت احضنه في وسط يديني على شان
مايلمس أطرافه حزن من ونيني

حتى ولو اخترت فرقاك عنوان
يكفي بيديني قلب عمرك يبيني

ماهي حكاية انت رابح وخسران
او هي حكاية يابيك وتبيني

المسأله روحين في داخل انسان
شفتك رحلت وشفت روحك في عيني

غمضت أرد الروح من خلف الأجفان
عشان أصدق كذبتي انك تجيني


راقــــــــــــــــــــت لي ^_^

الموضوع الأصلي: وقف ولا ترمي وداعك بالاعيان ... ق///ش | | الكاتب: غربة الروح !! | | المصدر: شبكة بني عبس

[سند الداموك]

وراقت لي

\\

تسلمين غربه على الطرح

[سحايب]

صح الســان شاعر
يعيطك العافيه

[سيوف بني عبس]

كل الفرح من لون وجهك يجيني
//
صح لسانه
يعطيج العاافيه ع نقل

[احمد منيف]

محتاج أنا لذرة امل في سنيني

ذكرتيني قصيدة لمتعب التركي اللي يقول ..


وش يهمك لو يقولون زعلان

لو فيك ذره من الغلا ماجفيتي

..

صح الله لسـان شاعرها اختي

[غربة الروح !!]

مشكـــــــــورين ع مـــــرووووكـم ... العـــــــذب وربي ..


لكـــــم ارقـــى التحـــــآيــآ مني