[ابن مدعث]

لـ نكن على اتصـال


(((((..........الــدنيا مواعـــيد ..........)))))

ليه.. العجب ليه.. والدنيا مواعيد =لمواجه احباب وإلا للفراقي
إستقبل الحال واحضني تراديد=ما باقي بي من اللوعات باقي
صمتي عباير و همساتي تناهيد=من غيبتك والخفوق بلا رواقي
من وين ما هب جرح وضاقت البيد =غدا لها فيه لجة و اصطفاقي
أبني للأفراح حلم إلى أقبل العيد =ولاجات الأعياد زودت احتراقي
عيون تزرى و تذبحني مناقيد=وعيون تلقى من الله ما تلاقي
ولا همني ما جرالي يا اتلع الجيد=ما دام لي في معاليقك بواقي
قيد مشاعر حبيبك فيك تقييد=واحصد قصيدي و جرحي واشتياقي
ولـ حن قلبك لقلبي وانته بعيد=أعرف ترى بي من الشوق اختناقي
حاول تجي واحضنك وأحيا من جديد=وإلا أرسل اللي ينوبك في اعتاقي

الموضوع الأصلي: و ....الدنيا مواعيد ....ابن مدعث | | الكاتب: ابن مدعث | | المصدر: شبكة بني عبس

[فضي البراك]

بصراحه

قرأتها أكثر من خمس مرات

ولن أمل

سأمكث هنا طويلاً

[سيف المهيمزي]

بن مدعث صح الله لسانك على هذه القصيده الجزله

[ابن صقعان]

بن مدعث صح لسانك دايما مبدع لاهنت

[ناصر الرشيدي]

بن مدعث

ارحب وياهلا وغلا
حضورك يبهجني

وانت شاعر كبير تفخر الشبكه بوجودك

صح لسانك على هذه الدّره


::

[كحيلة]

ولا همني ما جرالي يا اتلع الجيـدما دام لـي فـي معاليقـك بواقـي

الله الله..صح الله لسانك مليون يابن مدعث ..قصيدة طيبة راقت لي بالحيل..
لاخلا ولاعدم..

[احمد منيف]

صح الله لســــــــان شاعرها ..

لاهنت يابعدي .. ع القصيدة الطيبه .. <