[عايض الدمح]

بسم الله الرحمن الرحيم

أقدم لكم هذة القصيدة لعلها تنال على رضاكم واستحسانكم

آه ياقوس القزح مر(ن) حلاه = لو تزيد السعر والله لشتريه
لو يبي يعيبه من يحسب اخطاه = ماني محسب خطايه بس هيه
لو أبي العقال كلن قال هاه = ولو بغيت الصدق منكم قلت ليه
ما تساوى الرؤس الله ولا حذاه = رافع الاقلام عن واحد سفيه
امس في لذ المنام جتني فتاه = تسحب بثوب ردونه كمتيه
قلت بسم الله تبارك ما حلاه = قالت إي والله جيتك من و ليه
ما فهمت منها ياغير عرض الغراه = قلت انا قابلك بالله كمليه
منهو انتي قالت بنت اهل الصفاه = قلت ياويلي عليك ايه ايه ايه
بنت ابن كلثوم راعين الرعاه = من ملوك(ن) جاه عزه من ابيه
عينها لا ناظره فيها مشاه =صف واحد بالسيوف ودرعتيه
وطولها يحكي لنا رمح الغزاه = في معارك جدها وجدي كذيه
والجدايل نص مطلق ونص لواه = لوي حالي معه يومنه لويه
قلت خذوني معك في كم العباه = انا ميت فيك والدنيا بديه
لا تخلوني وانا ابطش في الكماه = ياربوعي وصلوني فيه فيه
يا عسى ما موت وانا في ذراه =من يدين البطش والحسد ويليه
وياعساي ان مت ابقى في بقاه = وياعسى ما موت في الدنيا سفيه
ما ابي الا بنت راعين الرعاه = والزمن هذا كذيا او كذيه

الشاعر / عايض نما الدمح

الموضوع الأصلي: ما ابي الا بنت راعين الرعاه | | الكاتب: عايض الدمح | | المصدر: شبكة بني عبس