[فضي البراك]

أبيات هي الأقرب ،،

يَآطير أنا عَايشْ على قَدْ حآلي=عيني تشوف الحآلْ وايدي قصيره
قناعتي في دنيتي راس مالي=واضَحْ مثل شمس النهارْ المنيره
ماهمني لو شين الوقت فالي=همي دوام العافيه والستيره
ماقد عنيت الا لشخص عنالي=والرجل عن بعض المنازل كسيره
(ربعي جماعه مير شفني لحالي=لاصار جمع القوم مافيه خيره)
اجامل الحسّاد لا جاء مجالي=وأشره على بعض الملا وأستشيره
وبداخلي ياطير مما جرالي=هم بحمله شفت نجم الظهيره
يلومني فالحال شين الرجالي=من لا تلوع في حياة مريره
أحلم وكني نمت بالغيم عالي=واقعد ولني وفوق هاك الحصيرة
كني مع الصاحب من العيب خالي=وكني مع الحاسد عيوبي كثيره
وأذكر من الحرمان (خل) صفالي=وافاه غيري ثم (غيّر) مسيره
ولا بقى ياطير فالناس غالي=ياكثر من ينسى ويقسى ضميره
يقولها من عاكسته الليالي=عقب الرخا كل الطواري تثيره
أرحل من الواقع لصحرا خيالي=كود القصايد ترتوي من غديره
مير الرجا بالله على كل حالي=شكواي للمعبود ماهي لغيره

منقول لأحمد عبدالحق

الموضوع الأصلي: يَآطير أنا عَايشْ على قَدْ حآلي | | الكاتب: فضي البراك | | المصدر: شبكة بني عبس

[مذكر الرشيدي]

صح لسان الشاعر احمد


ولا هنت فضي البراك على الابداعات الرائعه والجميله

قصيدة جميلة ورائعه وجزله

[بسكويته]

ماهمني لو شيـن الوقـت فالـي
همـي دوام العافيـه والستـيـره

تسلم الايادي اخوووووووووووووي
ينطيك العافيه

[سعد محمد]

صح لسان الشاعر

أبيات في قمـه الجزالـه ...


لاهنت أخوي فضي على الطرح ’’’

[سحايب]

أحلم وكني نمـت بالغيـم عالـي

واقعد ولني وفوق هاك الحصيـرة

كني مع الصاحب من العيب خالي

وكني مع الحاسد عيوبي كثيـره

صح الســـان شاعرها
وسلمت يمناك على النقل
قصيده جدرااااائعه

[ذيب الهجاد]

صح السانك وذائقتك الرائعه ...على النقل الرائع

قصيده جزله معاني جزله..

وصح لسان الشاعر..

HageaS

[أثير الشوق]

شكرا لك ...

[وليد البراك]

صح السان شاعره

وسلمت يمناك يافضي على الاختيار الرائع كما عرفناك مبدع داائم