[برق الشمال]

جتني رساله منك لكن وين انت

انت بمضارب عبس وإلابحايل

قلي عنك هالحين وين انت لاهنت

اما برسالة نص وإلا مثايل

من جيت من حفل القلادان مابنت

إلابرسالة صوت باسم ابن وايل

اخاف في حايل إذانك تمدنت

بكره تمثل عبس بعقال مايل

وأنا بدوي لسلوم الأجداد ماخنت

ربعي سلايل عبس نعم الخصايل

وهذي علومي وانت اعرفك كما كنت

لكن عتاب أصحاب والشك زايل

الشاعر عتيق غنيمان القلادي

رد شاعر الصحراء وفارس عبس الشاعر فوزي بن مربح القلادي

أنا بحايل دام للنص عنونت

لكن كني باالعلم والثمايل

يعني هنا وهناك عنت وتعينت

بنايفه تقدير بيض الفعايل

رغم الحسد وظروف الأيام كونت

مجدٍ تفاخر فيه روس القبايل

للطيب والتقدير والمعرفة صنت

والزي واللهجة وسلم الأوايل

ومع الطريق اللي خذاني تيامنت

درب الرجال أهل النقا والجمايل

شرواك يااللي بالمكارم تحصنت

حفيد روس معربين السلايل

يااللي مع اصحاب المبادي تعاونت

بالرأي والحكمة وبعض الدلايل

عن واجبي ياصاحبي ماتهاونت

دام الحياة جهاد وراس طايل

جربت بالأصحاب والوقت ومعنت

درس الحياة لكل تقرير فايل

الموضوع الأصلي: رد الشاعر فوزي الرشيدي على عتيق غنيمان | | الكاتب: برق الشمال | | المصدر: شبكة بني عبس

[ماجد الهديرس]

بارك الله فيك