الشـوق لمواصلـك مهمـا تصـورتـه
اكبر من احـدود تفكيـرك وتصويـرك
الـحـب كـبّـرك فــي عيـنـي وكـبّـرتـه
مايوصل اللي وصلّته بالغـلا غيـرك
والخاطر اللي حصاة البعـد كاسرتـه
عزى عليه الوفى في ظـل تقصيـرك
الـعـام طـــاري غـيـابـك ماتكـابـرتـه
واليوم جرة علـى شوقـي مزاميـرك
دمٍ نـزف مـن جروحـي ماتخاسـرتـه
وماكنت ابي من جفاك الا معاذيـرك
وسعّت صدري على الفرقا وصبّرته
مـادام درب الغيـاب اول مشـاويـرك
مشـيـت دربــك ولا فـكّـرت بـأخـرتـه
احــاول افـهـم مقاصـيـدك وتفكـيـرك
والا الجـفـا لــو تحـزّمـت وتـحـذّرتـه
مايمنعـك عنّـه تحّزيـمـك وتحّـذيـرك
ولو تعرف اللي عباة الوقت ساترته
مافاجاءّتـك الليـالـي فــي مقـاديـرك
^
ي زينها بصوت العازمي