السلام عليكم ورحمة الله وبركاته
مســاكم شـ ع ـر
بماسبة افتتاح قسسم الشاعر الكبير
.. عبدالله باتل ..
اقدم اول قصيدة بعنوان
(( العبـــسيـــه ))
؛ يقول ؛
يقول عبـدالله مـن القـول مايطيـب . . . من خاطرن من قبـل لايطيـب طابـي
للفـرض وضـوء وللمـوالاه ترتيـب. . . ومكه لهـا اهالـي تعـرف الشعابـي
شاعر ولي بالشعـر قصـه وتنقيـب. . . مانـي رسـول ولايجينـي منااااااابـي
ومن هيض مدري غيض مدري مطاليب. . . انساق شعري مثـل سـوق السحابـي
والشعر لاركب علـي بعـض تركيـب. . . سحر(ن) يصب الماء بحلـق السرابـي
والشعر هيض وغيـض والا مواجيـب. . . والا سـؤال(ن) يستحـق الجـوابـي
والشعر شاهد صدق ماهي تلااااعيـب. . . عند الرجـال اللـي تهيـب وتهااابـي
والشعر مـن رب الخلايـق مواهيـب. . . ولايجـئ تـدريـس والا اغتصـابـي
والشعـر أودي فيـه واقـول واجيـب. . . وبليـت غصـب بحكمتـه مأبتـلابـي
يامـا لقيتـه فـوق روس المراقيـب. . . وياما علي وسـاع الخرايـم سرابـي
وياما انزويـت وزارنـي بالسراديـب. . . ويـا مـا بقمـرات اليـال التقـابـي
كلام يصبـغ صبـغ فـوق الاشانيـب. . . ويغث كبد اللـي مـن النـاس هابـي
ولاعللـي بصـدق ماقـول تثـريـب. . . الله يلـومـك ياكبـيـر الـعـلابـي
انـا دخيـل الـذي للدعـاء تجـيـب. . . عـن الصلـف والكبـت والاكتئـابـي
وعن السمـوم العارضـه واللواهيـب. . . وعن ضغط سبة ضغـط والا التهابـي
والحر مكـرم فـي جنـاح ومخاليـب. . . لاكن ذليـل ان كـان شـاف العقابـي
ماقلتـه الا بعـد قـصـه وتعـذيـب. . . قبـل الزمـن ماستاذنـه بانسحابـي
والله حـط لـكـل شــئ تسابـيـب. . . وابـا اخبـرك عنهـا وفيهـا ومابـي
علي حسـب دنيـاك تبعييـد تقرييـب. . . والقـول عنـد البـعـد والاقتـرابـي
وخط(ن)تخطه قصد في صفحة صحيـب. . . يمحى شوي شـوي مثـل الخضابـي
وجساس ماينـلام فـي ذبحـة كليـب. . . ان زاد بعيونـه غـطـاش وظبـابـي
وانا من اللـي ينغصـون المشاريـب. . . لهـم انتمـي وترابهـم مـن ترابـي
وسامـة الكفـه زبـون الهنـاديـب. . . يحفـون لياركبـوا خفـاف الركابـي
يازين كفتهـم علـي الفطـر الشيـب. . . ليااسنحـت بفخـوذ عـوج الرقـابـي
ماهم بضارين (ن )علي شقت الجيـب. . . ولا قطعـت فيهـم عجـوز(ن) ثيابـي
قوم(ن) بيوم العبس والقبـس ماتهيـب. . . يتسابقـون المـوت شيـب وشبابـي
دخيلهـم يأمـن وينسـي العواقـيـب. . . والله ليبـطـي عنـدهـم مايجـابـي
ولهـم بخوتهـم شهـود الاجانـيـب. . . ومـن يحفـظ الخـوه يعـز الجنابـي
ولنـا بديـن الله حبـال ومقاضـيـب. . . نصلي علي محمـد ونقـراء الكتابـي
كـان الزمـان انـدار دورة دوالـيـب. . . لنـا مـع ارض الله صدور(ن)رحابـي
والجن له لعب(ن)علي غفلـة الذيـب. . . ويمرق بحلق الذيـب مـرق الذبابـي
وبـواردى رمايهـم لارمـى يصيـب. . . يصيـب مـن يرميـه قبلـه يصابـي
قوم (ن)لياجار الزمـن تاكـل الذيـب. . . والظبعـه اللـي تختبـي بالمخـابـي
كم واحـد (ن) ظنـه لياجاهـم يخيـب. . . ولايعـود كانـه سلـم بعـد الذهابـي
ولايجـوزون بسلمهـم كـل خطييـب. . . رأفـه بـقـاروره احمـيـاا ثـوابـي
وفقيرهم فـي عـزة النفـس مايعيـب. . . وغنيهـم عـن واجـبـه مايغـابـي
رجالهـم يـاتـي بـكـل الاسالـيـب. . . وعقيدهـم بالوصـف كنـه صحابـي
حامين (ن)الوادي سنين (ن ) جراديـب. . . قبـل زمـان العولـمـه والكبـابـي
المـاء القـراح ومثمـرات المذانيـب. . . عاشوا علـي هـذا السنيـن الجدابـي
والطيب باهله مثل طيـب علـي طيـب. . . ويـروح عنـد اهـل النذالـه هبابـي
ولاقلـت مافـيـه شــئ تعاجـيـب. . . هـذا القصيـد انكـان فيـك انجذابـي
هم تاج راسـي بالسنيـن المعاطيـب. . . ان كـان صارالوقـت فيـه انقلابـي
وكم غثربوا من جمة المـاء غثاريـب. . . يـردون للمـاء ورد شهـب الذيابـي
ماحسدوا الا من شجاعه ومـن طيـب. . . كم واحدن (ن) ينعـب نعيـب الغرابـي
مجهـد وهـو فيهـم يـدور عذاريـب. . . ولا لقـاء شـئ عليـهـم ايجـابـي
معربـيـن مجربيـنـن تـجـاريـب. . . ولانصقـل الا بالسنـيـن الصعـابـي
ومن فيه شكه فـي كلامـي وتكذيـب. . . يسـأل ويلقـي للـسـؤال الجـوابـي
عند الرجال اهـل الذمـم والمعازيـب. . . ويلقي لهـاذا القـول فصـل الخطابـي
عن مدحهـم مالـي مجنـب وتجنيـب. . . والشعر له فيهـم بيـوت(ن) عذابـي
ولا يهمك اللـي يشذبـون العراقيـب. . . اهـل العيـاب المختفـي والخيـابـي
رشايده مـن عبـس مايريبهـم ريـب. . . عنـد التخاصـم حـق والا الطـلابـي
ويسرون في سود اللياللـي الغرابيـب. . . وطريقهـم بيـن الجبـل والهضـابـي
ومن قبل ماتطلع ومن قبـل ماتغيـب. . . تسمـع دنيـن نجورهـم بالمنـابـي
اقولهـا بالصـدق ماهـي تلاعـيـب. . . بالصدق ماحسبـت لأحـد(ن) حسابـي
والقلـب فاسـد كـان مافيـه تأنيـب. . . والـود يبقـي داام يـوجـد عتـابـي
مابين ترغيب(ن) وما بيـن ترهيبـب. . . بيناتهـم هـذا النـظـام الصـوابـي
ولاتزعـل الاا واحد(ن)فيـه تهـريـب. . . خطـو العتـل ابـن الزنيـم المرابـي
والسسسلام ختــآم