يـا بـوي لايلحقـك شـك ولاريـب
إنفض هجوسك و إرفع الراس عالـي
أنا شبابـك لاغـزى راسـك الشيـب
و أنـا عضيـدك لوتجـور الليالـي
أي و الله أبشر يا راعي الطيب بالطيب
والله لسـدك لـو يضيـق المجالـي
آمر و تحت أمرك تهـون المطاليـب
إنخـا و تلقانـي قـريـبٍ مـوالـي
أجيـك كلـي ماخشيـت المصاعيـب
لي طبت تكفا يـا يبـه طـاب فالـي
إن عاش راسي يا عزيـز المجاذيـب
ل...شيل حملك لو يفـوق إحتمالـي
وأطفي ضماك كان حثربن المشاريـب
و سقيك مـن زنـدي قـراح زلالـي
ولايهـمـك ياكـريـم المواجـيـب
يفـداك حالـي يايبـة و الحـلالـي
أبشر و ذيبك يارفيـع الشـرف ذيـب
يـابـوي دام تشوفـنـي لاتبـالـي