لا تكلمني ويكثر بي عذابك
وقلبي المشتاق همّه لا تشيله
لا تواصلني و طوّل في غيابك
وخلّ عين البعد و الفرقا هميله
لا يغثك من سعى لك في عتابك
خلّك منزّه و خلّه في سبيله
لا يهمك ما يدوسونه ترابك
ما يلومك من علومك ما تجي له
خافينّك وسط قلبي ما درى بك
حتى قلبي ما درى من هو نزيله
احتملتك احتمال الليّ يهابك
ومن يخاف الله يرجوه الوسيله
لو حسبت اني عزيز ٍ عند بابك
ما تذل أكرام والحشمة أصيله
يا غرام هو سعد حظ و جابك
أو رداة الحظ بأيامك قليله
لو دريت بخاطري مكبر ثوابك
ما تجازيك الموازين الثقيلة
من عرفتك ما قريت الاّ كتابك
أصبح اسمك للشعر وزنه و جيله
خلك بعمري رفيع في جنابك
ما ينزّل قدرك الصد و يزيله
لا تكلمني و يجرحني جوابك
خلنيّ أحيى بك الذكرى الجميلة