[فهد المويسه]

كان الشيخ/ راكان بن حثلين كثير التردد على حائل في وقته وذلك

لزيارة بن رشيد وكان شاعرا مجيدا وفي احد زياراته لصديقه بن رشيد

الشاعر الأمير/ حمود العبيد اخبره انه انشد قصيده لايستطيع احد من

الشعار مجاراتها فقال له حمود العبيد وماهي ؟ فقال بن حثلين :-





عزات ياقلب تزايد شطونـه .. ..لاقلت زلت عبرته جا بدلهـا

واخلي اللي في محاجر عيونه .. ..خيل مشاهير تطـارد بهلهـا

يهل مراديم النظا اللي تجونه .. ..ردوا سلامي نافل اللي نقلها

اتلا العلم به يوم قفت ضعونه .. ..يم النفود وحد مقطع سهلهـا






فقال الامير / حمود العبيد عندنا الشاعر اللي يجيب افضل منه فقال راكان اذا

فيه شاعر يستطيع يجيب مثله له ناقتين من اطيب نياقي, فنادى الامير / حمود

العبيد الشاعر/ فهد الفويه واخبره عمّا حصل بينه وبين الشيخ راكان

فقال الفويه الرد حاضر متى ماطلبت حتى لو هالحين فقال حمود لا

ابي الرد الليله بعد ماينفضون الضيوف من عشاهم للقهوة فقال الفويه

حاضر (يامحفوظ ).

فلما انفضوا من العشاء تكلم بن حثلين وقال وين شاعركم ياشمر

فقال حمود العبيد موجود عطنا مردك يالفويه فقال :-





اقول بيـت ماحـلا مـن فنونـه .. ..آخـذ جدايدهـا وأخلـي سملهـا

وقلبي علي قامت تصافق ركونـه .. ..ودليت اجيب القاف من محتملهـا

وبالكبـد نـار كنهـم يشعلـونـه .. ..حٌرق صناديق الضمايـر شعلهـا

على حبيب فوتـت بـي طعونـه .. .. مـرت علٌـي وصوبتنـي قبلهـا

أتلى العلم بـه والخـدم يتبعونـه .. ..أقفت تعد خطـاه تمشـي مهلهـا

علي دين(ن) ماظهر مثـل لونـه .. ..عنـدي فـلا والله يخلـق مثلهـا

كود القمر اليا ظهر مـن مزونـه .. ..يوضي على سكن الوعر مع سهلها

الخشـم سلـة خنجـر يصقلونـه .. .. والملـح والقبلـة معـازل جذلهـا

حسن التهايا كالقحـاوي سنونـه .. ..بين الشفايا تقل يمـرس عسلهـا

والبطن كالديبـاج لـو تلمسونـه .. .. جديـد ماعمـر المزيـن شغلهـا

قلبي اليا راعيت شـذرة عيونـه .. .. نثـر عليهـا دودهـا ثـم اكلهـا

وش سعر بالقلـب لـو تفتشونـه .. ..دود على بسرة ضميـري دهلهـا

أبـا اتمنـى مـنـوة تفهمـونـه .. .. هنـي منهـو للمـودة غسلـهـا

إمـا غسلتـه ربعنـا يفضحونـه .. ..قلبـي يبينهـا ويـدرون اهلـهـا





ولما انتهى الشاعر/فهد الفويه من قصيدته .اقتنع ابن حثلين ومن حضر معه

بأن قصيدة الفويه هي الأفضل


واسمحولي على القصور

وتقبلووو سلامي

الموضوع الأصلي: راكان بن حثلين وفهد الفويه | | الكاتب: فهد المويسه | | المصدر: شبكة بني عبس