ناصر خنيفر
اسمعويامغنيـت الضحـاء والقوايـل
في قريض البيوت اللي ضميري حداها
حدهن شاعرن يعرف يصوغ المثايـل
لالقاله ثمينه وسـط سوقـن شراهـا
عايض بن جوهر
كل رجلن يثبت حجته بالدلائل = يحتمى الاوله ولى تجى من وراها
ياوجودى على اللى يتعبون الاصائل =اهل الوقفه اللى عالين مستواها
ناصر
مرحبا عد ماهلت قنـوف المخايـل
وعد نجمن يغيب وما بداء في سماها
ياوجودي بعد مثلك ياواف الخصايل
في رجال ٍ ليا سارة اتثبت خطاهـا
بن جوهر
ماعليك زود ياالعمده
البقاء ياالمرحب عد سكان حائل = وعد ماتبرق المزنه وينصب ماها
بينى وبينك الليله تزين المثائل = الهواجيس ياناصر بعيدن مداها
ناصر
ليه قللتهـا وانتـم رجـال الجمايـل
ليه ماضفت مع حايل مجمـع قراهـا
السر يالذيب الاشهب بين حزم وخمايل
واعتبرني معك في طيبها عن رداهـا
بن جوهر
يابو تركى ليامنا قرينا الرسائل = من كتبها عرف وش نيته من قراها
الزمن ياوسيع المعرفه كيف قائل = والذيابه براس الحزم نسمع عواها
ناصر
لاتتابع مايكتب في سجل الفوايل
البشر ماش حين سالمن من غثاها
والزمن ماتغير والبـلا بالقبايـل
غيرت سلمها مابين يوم وضحاها
بن جوهر
حاول انك تعدلهم بشتى الوسائل = وكل عله لا بد انك تدوردواها
اصح لنار لاتلحق اخشوم الفتائل = ثم تالع لاهائب مايطفى سناها
ناصر
عدلت الناس صعبه بالعصور الاوايل
وسنة الله بخلقه كل واحد رضاهـا
لاتنبش اعلومن مرمساتـن سمايـل
اترك الفتنه اللي نايمه فـي خباهـا
بن جوهر
تشرفت بالعب معك وتصبح على خير وراى دوام المعذره يابوتركى
دام شد الجمل باالحمل ماهو بمائل = مالنا شغل باالعالم وكثرت لغاها
ادرى انك وفى لجات وقت الصمائل = والدعوى مثل شرواك يحمى حماها