أقدم لكم هالمحاورة وهي بين دحيم الخياري وجزاء العرعري وراشد السحيمي وفلاح صياف السحيمي بالمدينه المنورة عام 1426
( فلاح صياف)
ياصحابنا يابني عبس أسمعوا علمي
أنتوا شعار أثنين وأنا وأبن عمي
من دون لزم الحلقوق وسيل الدمي
والراس مرفوع والرايات مرفوعه
نبي الشعار كلن يبذل المجهود
ولاتخلف خطاها وأسري ياساري
(راشد السحيمي)
الليله الملعبه لابد مافيها
ياخوفي ان هذاك اللي مسويها
والناس معروف حاضرها وماضيها
والراس مرفوع والرايات مرفوعه
ألأ ياصحابنا للصابرين حدود
نجومي في سماها واسري ياساري
( جزاء العرعري)
فلاح ولد صياف هذا لكنه
ماهو مسوي مثل صياف وأظنه
هذاك صياف صارت بأخره غنه
والراس مرفوع والرايات مرفوعه
وانا ماهمني راشد ولامرشود
ليا دارت رحاها واسري ياساري
(دحيم الخياري)
الله يجبر عزى حرب أهل الطوله
صياف عقب ولد لاكن ماهو حوله
وان كان راشدترى ماهو عن القوله
والراس مرفوع والرايات مرفوعه
عسى ربي يعوضكم بهاك العود
سؤالي لكم وراها واسري ياساري
( فلاح صياف)
أنشد ربوع الجزيره عن فعايلنا
والحكم ماهولكم ولاهو ألنا
وأن كان منته محنك لاتقابلنا
والراس مرفوع والرايات مرفوعه
عليكم سالفه والصادرات ورود
والأخرى في سراها واسري ياساري
(راشد السحيمي)
الله يجبرعزاكم يامعارفنا
هذا دحيم يحذفنا ويصفقنا
صياف صيته مع العالم يشرفنا
والراس مرفوع والرايات مرفوعه
بغيت أمدح دحيم الحاضر الموجود
لكن على عماها واسري ياساري
(جزاء العرعري)
منعاي ياصاحبي مافيه منقودي
والناس يدرون عن معناي ومقصودي
وأن عوت للفعل كلن له جهودي
والراس مرفوع والرايات مرفوعه
ترى حمل الجمل ماشاله المفرود
شبابه ويش جاها واسري ياساري
( دحيم الخياري)
دعواك جهة صياف ومات رجالله
راشد لقى له رقم مع حظ ماشالله
والله يالولا هو حي محدا يتقبله
والراس مرفوع والرايات مرفوعه
غني عن مدحكم ياقليلن الفود
جملها وأحماها واسري ياساري
( فلاح صياف)
سمعتكم للخبر مره ورى مره
متى تترك النقاش وتترك الجره
أطلع من السهل وامرحك بوسط الحره
والراس مرفوع والرايات مرفوعه
عسى ربي يعز الدين وابن سعود
منعنا عن بلاها واسري ياساري
( راشد السحيمي)
اصحى ترى الباب ربعك عنك منعاجه
حصلتلي رقم مير انت ولاحاجه
تعيش وتموت طفل فوق دراجه
والراس مرفوع والرايات مرفوعه
أنا خايف يحك العود راس العود
وينقص مستواها واسري ياساري
( جزاء العرعري)
اليوم قاموا هل الساحه يدفونك
والرمي موجود من سدك ومن دونك
وان كان شبت لك الله غير تهل عيونك
والراس مرفوع والرايات مرفوعه
سواليفك يابن صياف دبل كبود
لك الله مانباها واسري ياساري
(دحيم الخياري)
ربعي حزامي وانا تاج على الراسي
مهما يهب الهوى مثل الجبل راسي
ومن قالك غير هذا العلم هلاسي
والراس مرفوع والرايات مرفوعه
أثر راشد هو الحاسد وانا المحسود
عيونه صب ماها واسري ياساري
وأتمنى أن تنال على رضاكم وأستحسانكم