يالله ياللي خالق(ن) كل الاجنـاس
يامنزل كتابك على الكـون تنزيـل
باسمك بديت ولاترجيـت للنـاس
مبداي باسمك يجعل الامر تسهيـل
باسم القبيلة تنرفع هامـة الـراس
قبيلة(ن) يضرب بها كـل تمثيـل
أنا رشيدي من ارجالٍ لهـم سـاس ربعي هم العزوة ليـا قيـل ماقيـل
وسامة الكفه على سفن الاطعـاس
عنواني الكفـه مايحتـاج تفصيـل
امجادنا ماهـي بحبـرٍ بقرطـاس
ولاهـو كـلام مكثريـن الاقاويـل
شجرة روينا عروقها ماهي يبـاس
بشجاعة الفريـس ركابـة الخيـل
عدونا من تحـت الاقـدام ينـداس
بعصر الشجاعة ماينالون تحصيـل
يموت من ينوي ودعـواة تنحـاس
والله مايكسب كبـر حبـة الهيـل
ودخيلنا لو هو عدو من الانجـاس
نحمية ونضلة عن الضيم تضليـل
محشوم ومكرم مايشكي من البأس
يعيش مايأتي لـه أيـات تهزيـل
والضيف اله واجب وقدرٍ ومقيـاس
حسب الاصول نزيدلـة بالمكاييـل
مهما يكون الضيف من كل الاجناس
هذا كرمنـا مايجـي فيـة تعديـل
والجار اله دايم مكانـه ومجـلاس
من مس جار البيت ياتيـة تخذيـل
هذي صفات كنها جوهـر المـأس
معروفة لمن يعرف لنجمة سهيـل
ماتنجحد ياللي لكم عقل واحسـاس
يامحللين القول الـى كـم تحليـل
هذا الوكاد اللي ادقبـه الاجـراس
من ابسط الامثال صغـت التماثيـل
قول(ن) يشرفني على كل نبـراس
اقول علم الحق مـن غيـر تقليـل
وكل القبايل عندهم طيب مايقـاس
ولمجدهم والطيب تنشـي مخاييـل
والعز يبقى والفخر يبعـد اليـاس
وفي ظل ربعي ماتنكـس ولااميـل
تقبلو خالص احترامي خالد العوني