::: شاعرنـــا :: من :: أبناء قبيلتنــا :::
سأتركه يتحدث عن نفسه وعن قبيلته كما يحلو له
لا حانت الفزعه خذونـا مجانيـن=ولا لزمت للهوش حنـا سكـاراا
سكرة شجاعه وللشجاعه عناوين=ما هي بسكرة من حياته خسـاراا
وان جت لاهل الطيب حنا حشيمين=وقال المثل عرف النشاما تجـاراا
وان كنت جاهل بالرجال الوفييـن=حنا مع اهل الحق محنـا قشـاراا
وقد قال :
عديت لي مرقـاب مرقـاب عالـي=وهيضت ما بالقلب من هم واحزان
وذكرت خل.ن كان عنـدي قبالـي=واصبح بعيد وصرت له دوم شفقان
يالله دخليـك لا نسيـت وطرالـي=اشووف كل الكون هايـم وحيـران
ومن جراءته ان يخاطب الجزء الثاني من عالمنا ايماناً منه بأن الله حاميه واعتقاد جازم ان سيفعل المستحيل
فقد كانت من أجراء قصائدة ( أميرة الجــن ) فقد قال :
البارحه جننت.. أنا (أميرة الجـن)=تبـي تجننـي وراحـت صويبـه
تسأل عن أسمي قلت أنا وافي ٍ من=منبع وفاء ماخنت عهـد الحبيبـه
قالت أنا كبيرة (الجن) ب(السـن)=وأسمع كلامـي بالليالـي الكئيبـه
رغم معرفتي بهذا الشاعر وانا اتمخطر بقلمي بين قصائده واتذوق من رحيق شهدها الا اني زدت شغفًا من
روعة كلماته وصدق معانيه الى ان أقرأ له من جديد قصيدة جديدة .. فسأتركه يعرف بنفسه كما فعل في إحدى
قصائده إذ قـــال :
طبعي كـذا لا قلـت قـدام قـدام=آصل لـون الجـو عـج ومعتـم
ولا أقول أنا عنتر ولاني بصـدام=أنا بدر ولد الرشيدي وقلـت تـم
نعم ...!
إنه الشاعر الراائع ( بدر نوران ) قد تصادفت ببريق اسمه في احد المواقع الادبية ولم اصدق انه هو
ليس بتقليلٍ من شأنه الا اني كنت فخورة بهيبة كلماته المتناثرة بأن لي ابن عم يحمل اسمه على كتفه ويتفاخر
بأنه رشيدي في مواقع على الشبكة العنكبوتية .. فجأة راكضة باحثة عن عذب كلماته .. وراسلته مستغيثه به
ومتمنية ان يشرفني في مجلتنا ويكون إحدى أضواءها ولم يرفض فوراً ايماناً منه بأن المجلة تخدم الموقع
وتخدم القبيلة ... فكنت في غمرة من السعادة التي لاتوصف ... سأترككم مع كلماته وقصيدة جديدة لم تقرأوها
إلا هنا فقد كتبها مشكوراً من أجل المجلة فأتمنى من الله ان تنال اعجابكم ...
:
:
حيرهـ ... وضيقه ..
وعودهـ للماضي ..
بين عزة النفس ... وتحدي الوجدانـ ...
عــزف أنفرادي ... !
بين مفرق ماضي الذكريات .. !
و
بوابة الرحيلـ .!!
/
لكم كما اتتـ .. لعلهاا ترتقي لإعجابكم وذائقتكم ..
::
البارحه يوم انا سهران=والهم ميه على ميّه
اذكر وأراجع زمان ٍ كان=فيه الحبايب على نيّه
وقلب الهوى باقي ٍ مالان=باقي على الحب يابنيّه
وهذا قصيدي لكي برهان=يشرح لكي كل مافيّه
مشتاق انا لشوفتك عطشان=شوقي لكي جمرته حيّه
يابنت قلبي لكي شفقان=والعين بعدك شقاويّه
ولهان انا لشوفتك ولهان=خلاص خلي الأنانيّه
حبك زرع داخلي بستان=بستان بزهور ورديّه
يا أغلى من الول والمرجان=لعيونك أصير لك فيّه
زعلت أنا لجلك الخلان=وفديت فيهم شماليّه
والصاحب اللي غدر من شان=طفسه! بجازيه بالسيّه
أوفيت! وصار لي خوان=ماهو رجل نعنبو حيّه
لحظه! دقيقه أبي فنجان=من دلة ٍ تجلي الغيّه
مقدر أفكر وأنا عمسان !=ومن يامن رويس هالحيّه
ما اكون انا (بدر ابن نوران)=أن كان ما خذتهااا حميّه !
لا لزمت قمت لك سكران !=سكرة شجاعه رشيديّه
ولا اعميتها ماني بندمان=مندم على أوضاع همليّه
بالعكس أضحك وأنا طربان=وبراسي الفين جنيّه !!
دلع وناسه طرب والحان=واجواء دايم رومنسيّه
تعلب معي لعبة الثعبان=وتجيبها دوم عكسيّه !!
ماني ردي ! ياضعيف الشان=ومقلبك ماهو بليّه
أنا تراني فقط ! أنسان=أحب طبع الشفافيّه
عشقي معك بأول الأزمان=شرفْ يحب العفافيّه
لكن مدامه بلا اركان !=عزالله انه ماهو ليّه
خلاص بصاحب النسيان=برحل وأغادر بلا جيّه
وبإذن الولي ماني بخسران=ومكسبي مفارق الحيّه !!!