[الاجهر]

ابن جوهر
ياسلامي سلام نعم فيه الجميع =عد برق المزون وعد همالها
كن الاجهر مع الايام صـــاير لاكيع =مايخلى العلوم تروح في فالها
الاجهر
مرحبا يابن جوهر بالبريد السريع =رحبي يامضارب عبس وجبالها
انت غرك بالاجهر هرج هاك المذيع = وكل نفسٍ يابو خالد لها اعمالها
بن جوهر
البقاء والدليــــــــــله لاسراء مايضيع = كل كلمه علي ماقيل يصحالــــها
طب بسوق تشري فيه ولاتبيع = ومش بدرب والدعوى علي حالها
الاجهر
السوالف تزين اليا ظهر لي لميع= معك تزهي العلوم وينسمح فالها
مير مرسي خدعه الجيش واصبح وديع =راحت السلطه الى كان بظلالها
بن جوهر
نت شاعر علي الشدات صدرك وسيع =واهل العرف مانقصت مكيالها
والدهر تالي الايام مثــــــــــــــل الربيع = والمجانين فال الله ولافالــــــها
الاجهر
يابن عجوين تدري فيك اناء مستطيع= ولاجانيب يارجــــــــــــــــــــــال ماوالها
ماتضيع الوداعة لستلمها الوديع =عقب حايل ترى الوضاع يرثالها
بن جوهر
اجبر القاف لاحتي المعاني تطيع =وكل لحيه تنزل عند منزالها
كل رجال بالمقـــــــاف سداً منيع = قبل لاتجيب حجه هات معدالها
الاجهر
والله اني على الشدات قافي بديع =وانشد ام الكباير وانشد عيالها
ماعلينا من الشطحات والله سميع= وانت عندك علوم قول من قالها
بن جوهر
كان مقعود لك بالدرب في كل ريع = انطح القوم طعني لاتحلوالها
ماش بيني وبينك بالمعاني صنيع= ياجملنا حمول الثقل تشتالها
الاجهر
السحاب ان تراكم جاك عقبة رجيع =ردة الفعل تظهر عقبها رجالها
والله اني جملها بالنهار الفضيع =وان صفق دلوها حنا على جالها
بن جوهر
تشرفت باللعب معك يامبدع وبيض الله وجهك اللعب معك له رونق خاص يابوسعود والمعذره والجايات خير ودمتم بحفض الله

الموضوع الأصلي: محاورة الاجهر وبن جوهر | | الكاتب: الاجهر | | المصدر: شبكة بني عبس