[باحـث]

**مختصرات من خيول بني رشيد بنجد والحجاز من كتابي (العرب الاواخر-وموسوعة القبائل للطيب) :

-يقول حامد بن عجوين من قصيدة طويلة بالشيخ دليم ابن براك وبأبيه الشيخ قاسم الخيل :

خيال وضح يرتعن الدعابه
ان روحن مثل المزون المدابيح
لى صك نابه والبويضا اعتزى به
عليه من نمر الاسده ملاميح
مضراب سيفه مايداوي صوابه
ان غار عن هرجه كثير التصافيح
ابوه قبله كل شيخ يهابه
قاسم مسرح محمل الخيل تسريح .


-يقول بادي ابن حمد بالشيخ دليم ابن براك:

دليم ركاب الرمك وافي الافنان
وليا ولى قطيان بنت العبيه
دليم هندي على كف الايمان
مصقل ماناش ندر نحيه
لى شافوا البيرق وجيش العدو بان
نجم على راس المعادي قضيه
ان خرتت من بينهم تقل شيهان
وان ريعت تأتي رواج حميه
عريانة السيقان وافية الابدان
يركب عليها نور جمع السريه
يضرب بحد السيف من بين الامتان
وعند القفا تأتي جواده رخيه


- يقول عاصي بن عطران :

جونا بغره قبل يكمل عددنا
على صلاة الفجر والجيش غاير
صاح الصياح وللمنايا وردنا
وجينا على نحور السبايا نحاير
راع البويضا رد الاقصى للادنا
بين الطويل المرتفع والزباير


- يقول المقوعي في الشيخ دليم بن براك :

مخلي سروج الخيل حامي عقابه
خيال وضح ربعت في جلدها
حامي جوانب ديرته بالحرابه
عركات لقوات يطيح بنصدها


-ويقول حامد بن عجوين ايضا :

وشيخنا وان ركب زينة الذيل
تفرح به اللي هربت عن ولدها
دليم الى سمعم حساسه هل الخيل
كل مع البيدا تردي جهدها


-يقول جعيثن بن جاسر :

دليم يكظم بالخفا تقل مضروس
شوق الهنوف اللي تخضب يديها
ماشفت يوم الخيل والجيش دلقوس
حمراه باللقوات دارك عليها


-الحرقا لابن عجوين وقد وصفوها كبار بني رشيد حيث قالوا : سابق اصيلة تبطح من مرابيع النجوم .
- غزوة القلادان وبعض بني رشيد على مطير بالحسو ومعهم27من الخيل .
-كذلك ان خيل بني رشيد كسرة عنزه وكسبوهم .
وقال شاعر عنزة على طريقة الدحة يذكر انتصار بني رشيد:
خيلنا للابرق كظت..وخيلهم للتالي جظت .

-قصيدة الفارس ثامر بن سعيده بفرسه التي قتلت :
يالله يامرجع على كل وادي
تعوضني باللي نفد من يديه
تعوضني بركوب زيد الفنادي
ليا ركبت الفاطر الشوشليه
واسابقي ياشيخ وسط البوادي
تقل طموح حجرها دنيه
واسابقي وان حوفروا للطراد
وان اقتفى تالي الركايب سريه
واسابقي يوم الطلايع تقاد
ليا ردوا المردود تطري عليه
ابي عليها كان ربي هداني
لى درهم الزمال وابغض رويه
ويغيرون بني رشيد ويكسبون من القوم ومعا الكسب فرس نمشا مرشوشه من الاصايل قالوا ياثامر هذي لك عوض عن فرسك اللي ماتت.

-قصيدة الفارس ثامر بن سعيده موجهه للعقيد شباط المطيري ورد المطيري عليه بعد معركة حصلت بينهم
يقول بن سعيده:
واسابقي ياشباط صفراء مسماه
من كونكم ياشباط تشك الصوايب
رصيتها بالكون والملح يشعاه
لين اعطبوها متلفين النجايب
لحقتكم ياشباط مابه مجاجاه
بيني وبينك كنه الدهن شايب
ياشباط تفرق فعلنا وانت تاراه
يوم اجدع الشقراءخلاف الركايب
هو من هو اللي طشها فعل يمناه
ومن ردهن لعيون شقراء الذوايب
يوم ايمن المركي عن الهوش تنحاه
ويم ايسر المركي عن الهوش هايب
ترى الشهاده يابن عبادالله
الصبح تسأل وانت تحت النصايب .

رد العقيد شباط:
ان كان هو راع الجواد المحلاه
ودك على كفه تصب الايدامي
عز الله انه تدرك الطيب يمناه
راحت جوادي من يمينه عدامي
وانا اشهد إنا كارهين ملاقاه
خلا على المطران كدر وعسامي


-غزى العقيد صنيتان على الجعافره من مطير يم المهد ووادي العرج واخذهم واخذ اباعر الركو من اقصى ديار عتيبه ايمن النير ومن طول وبعد المغزى ماتت بعض خيول فرسان بني رشيد وكان مع الغزو الفارس عيد ابن معدي يقصد ويقول:
الشيخ تل معسكرات المسامير
عقب ثمان عدود طير عسامه
ورد بهن عن واهج القيض للبير
كم عقلة بالقيض طير حمامه
وابن رويضه طش زين المناشير
اره بوادي العرج خلى حصانه

-قال الشاعر حسن ابن سويرح ابيات يرثي بها العقيد لوفان:
ياطير بشر نازل الحسو يرتاح
ينزل بقطعانه روس المنادي
بشر هل الغثما واهل نفي ووضاح
واهل فجيج وفج وام المعادي
ياطير بشر بالطرب كا مصلاح
يامن ويرقد عن صبح وهجادي
لى والله الا تو هجننا ارتاح
بريت خفافه عقب ماهي بيادي
يبكي على لوفان من جا ومن راح
وتبكي عليه الخيل يوم الطرادي
ياما رقا قدم النضا كل مشواح
مروي مراهيف السيوف الحدادي
ياما خذا من ذود وارد وسراح
واقفى على اثرهن بعيد المعادي
واصبح على اثرهن يسفن الارياح
تتعب على دربه عراض التوادي)

-يقول شاعر بني رشيد بعد معركة رخة بين مزعل بن شميلان وبين ابن رشيد :

الحمد للمعبود فراض الصلاه
والشكر له عد النجوم السايرات
الواحد اللي مايتمنن في عطاه
اللي نصرنا يوم جنا سارحات
يالضيغمي حنا لنا مثلك عزاه
والخيل حنا فوقهن ومدربات
واللي نوانا بالطمع يأخذ جزاه
من دونها نرخص عمار غاليات


-يقول الشاعر عايض الابيتر:
انتم عتيبه وحنا من عبس
قوم على الشهب خياله

-يقول الشاعر عوينان العازمي :
لحقكم فديغم بس خيال
واذهب خيلكم عفيه يمينه .

-يقول العقيد محمد ابن بداي ابن حمد في احد المعارك عندما كسب(مرج) خيل الاعداء:
يوم سرد الخيل راحن مرج
هذا ذبيح وذا يجض صويب
كم سابق تسحب رسنها ممرج
عنها جدعنا واحد مايهيب
عنها جدعنا واحد يذهب السرب
ذيب لزيزوم السبايا ذيب

-من خيول بني رشيد المشهوره (الصفراء المرشوشه)للفارس محمد ابن عجوين ، ويقول فيها العنزي :
خليتني ياولد عمي بشده
عيت عيونك لاتقديك بحلان
طيرك راعي الصفراء المستعده
يالله طلعتوا فوق زرفات وسمان

-رثاء العقيد محمد ابن بداي بفرسه الاصيلة :
يالله يامخضر نبات النواوير
من نو عجلات المزون الرواحي
تفرج القلب فيه كثير التفاكير
ياعل بعد الهموم انشراحي
ياعمر شب النار جونا مسايير
الله يأمرنا لدرب الفلاحي
البدو شالوا منتوين المحادير
وانا هوا بالي قعد بالمراحي
راحت عشى لمعكفات الدناقير
امسا عليها الطير يثن الجناحي
واسابقي يابو ثمانن مغاتير
ان طالعوا شذانهن مع بياحي
يازين شعت ذيلها مع مصادير
شهلول مزنن دونه البرق لاحي
ان اقبلت خيلآ وخيلآ مدابير
وصار المضراب بيننا بالرماحي
ياما عدلنا فوقها من طوابير
وياما كسبنا كل وضحا شناحي
من فضل الرب وال المقادير
نبهج كبود القاصرين الشحاحي .

-قصيدة ابن شمهليل المضيبري بعد معركة الخناق(عقر الخيل) وكانت بين المضابره اهل ابان ضد ابن رشيد وشمر والعجمان وغيرهم:
كم فارسآ بالمعركه طايح عطيب
واخلت ظهور الخيل من فرسانها
عقب المشوط الصفر حأيد ياحريب
راحت طلايعهم تجر ارسانها
من القلايع كل كسابن يجيب
تخيرت من خيلهم رعيانها
خلا المهار الصفرجذلات السبيب
اصايلن متعمقين حصانها
خاشر نسور غرور في هاك الجذيب
على وقايع كسعت جنحانها
يامير مالك عندنا حظ ونصيب
الفود خيلك ودعت فرسانها .