السلام عليكم ورحمة الله وبركاته
اقيمت هذي المحاوره في منتدى مطير الساعه 10 تاريخ 23/10/2007
ومثل هذي المحاوره كلا من الشاعرين الرائعين ..// الجحش × مطيري.com
مطيري.com
مرحبا بك ياولد اول وتالـي
في محل العز ماضين الافعالي
ربعي المطران رجلي وخيالي
والثنا والشكـر لله سبحانـه
تقدم ياعميل الخير حياكم على ماقـال=على سمن وسمين ودلةٍ في جنب برادي
وعطنا ياولد ماعندكم والعسر اله حلال=توكلنا على الله وابتدينا والله الهـادي
الجحش
البقابالصاحب اللي بدى قافـه
من هجوسن نادره مالها خلافه
كل شاعر باللقاء دون ميقافـه
والثنى والشكـر لله سبحانـه
تقدمت بطريقي والبقاء بك ياوسيـع البـال=على ماقال نعـمٍ فـي مطيـر الاد عبـادي
نزلت المعركه وأميّز الرجلـي مـن الخيـال=وانا علمي0 حضرت وعن خيار القوم نشادي
مطيري.com
ياهلا يامرحبـا فيـك لاكنـي
ماعرفت انته منين انت يالفني
منطقك خلا الاجاويد تسالنـي
والثنا والشكـر لله سبحانـه
تقدمت بطريقك مير انا اباانشد عن الاحوال=من ايات العرب يانعم فيكم يابن الاجوادي
نبا نتعرف الليله علـى ماقـال يارجـال=لانك من خيار القوم من منطوقك البـادي
الجحش
الاسامـي ماتقـدم ولا توخـر
حبر من فوق القراطيس تتبخّر
والفتى من قال انا0 علمٍ مصخّر
والثنى والشكـر لله سبحانـه
يقولون العروبه طيبها واحد بدون جـدال=على الماضي توجّد والهنوف تصيح وتنادي
مدامي من خيار القوم قرّب وشرب الفنجال=ترى الطبخه طعمها زعفران و بن وقنادي
مطيري.com
الاسامـي ماتكلمـت انـا فيهـا
قولي من اي العرب قبل اسريهـا
فوق راسك يالجحش وانت باغيها
والثنـا والشكـر لله سبحـانـه
يقولون العروبه طيبها مابين جـد وخـال=ثبات العلم لاتمشي بوسط الخط متحـادي
اجل وش رايك انجيب الهنود ونزهم البنغال=وتلعب مع حديهم ياولـد والنـار وقـادي
الجحش
اللقب والاسم ولاصل والمنشاء
شاعرٍ شعره مخيّل من المنشاء
السفر يجلى وليل الدجا يغشاء
والثنى والشكـر لله سبحانـه
وانـا اقـول العروبـه مالهـم بيـن الآوآدم فــال=حقوق مجمّده وجيوش بوش بجوف بغدادي
انـا ماقلـت فيـك قصوررجـال وعلـيـك عـقـال=لكـن السيـل جـاك بـلا مطـر يانـازل الــوادي
مطيري.com
الخيال اللي تقوله بلا ماطـر
لو نشوفه مدلهـمٍ ومتقاطـر
اصلكم يرفعك ذا الليل ياشاطر
والثنا والشكـر لله سبحانـه
وانا اقول العروبه حقها بين الاوادم طـال=على وقتٍ مضى والوقت هذا سوف ينعادي
هذا قول الرسول اللي ماهوحضرتك يالحيال=ولن جا الوقت هذا تنعم الامه بالاسعـادي
الجحش
الخيال الي تخيلـه نثـر وبلـه
الرعد من شرق والبرق من قبله
ياوجودي وجد عنتر على عبله
والثنـى والشكـر لله سبحانـه
تحيزم في حزامك وعرف المخراج والمدخال=تحراّ ياسمي لين الربيع يجيك مـن غـادي
رسول الله مابعده رسول ومنهجـه مـازال=لكنّ الحكمه اللي تفـرق المـدّل والغـادي
مطيري.com
اخس يالجحش المسمى يابو ذيلا
لو تكيم مانته بسابـق الخيـلا
ياوجودي وجد قيسٍ على ليـلا
والثنـا والشكـر لله سبحـانـه
على ويش اتحيزم وانت جحشٍ صايب سلال=تسمى بالحمير الظاهر ان الاصـل حـدادي
تبا تسوي سواة شعيل لامنه بـرك مامـال=يقوم بحملته والاانـت فالشعبـان رقـادي
الجحش
اعقب الريح الشماليه الشرسـه
والنخل خلك حريصٍ على غرسه
والجحش جعلك تعلمت من درسه
والثنـى والشكـر لله سبحانـه
اذا كان الجحش حداد خيّل في سماك خيال=تعيّن فالقرايب وقبل الممتـاز والعـادي
بدينا ونتهينا والحمـول ثقـال ماتنشـال=على غارب شعيل اللي بليا خرج وشدادي