أتمنى آرائكم بدون مجاملة........
الغدر طبعك ولا عندك وفا
أعرفك خوان قلبك من حجر
من زرع فيك الوفا يحصد جفا
ومن عطاك الحب يجزى بالهجر
بعد ما قلبي من إحساسه صفا
جيتني ندمان قصدك تعتذر
للأسف جمر اشتياقي لك طفى
ومابقى لك لا غرام ولا قدر
كم وكم قلبي عن عيوبك عفا
وكم عشان الحب يا خاين صبر
وكم سهرت وموق عيني ما غفا
وكم شكيتك للنجوم وللقمر
وكم كتمت الهم وانا ف الخفا
أبكي دموع ن أحر من الجمر
ابتعد ما عندي لبردك دفا
الزمن دوار والدنيا عبر
لا تحاول تعتذر مني كفى
الخيانة مايبررها عذر
ولا ترجى من طعنته بالقفى
وارحل ارحل ياعسى دربك خضر
الخيانة طبها عندي جفا
ومن سقاني مر أسقيته قهر