[الوآآفي]

مساء الخير والإحساس والطيبهـ
مساءٍ مايليق إلا بأحبابي

مساءٍ غير غصن لطير يحكيبهـ
عن اللي مسكنهـ جفني و أهدابي

هلا باللي أحبهـ كثر تعذيبهـ
و كثر ما هو يغيب و كثر ترحابي

حبيبي هو و لو ما قصّر الغيبهـ
و لو عن بسمتي قد طوّل غيابي

أعرفهـ زين وعيتني أساليبهـ
عدوي يوم و يوم أقرب من أصحابي

ملكني بين ترغيبهـ و ترهيبهـ
يفارقني و هو واقف على بابي

بهـ الصادق بهـ الغارق باكاذيبهـ
يبي بُعدي و دمعهـ بلل ثيابي

بهـ القسوة بهـ الرقهـ بهـ الهيبهـ
بهـ الضعف القوي بهـ نشوة أغضابي

هلا باللي يصيب العطر بالريبهـ
يقول العطر أنا زايل و يبقآبي

هلا باللي يقول الورد وش ليبهـ
من المهدي أنا أو هو لأطيابي

هلا باللي عجزت ألقى عذاريبهـ
هلا باللي تحبهـ كل أسبابي

مساءٍ فاق كل الشعر ترحيبهـ
بجية من سكن جفني و أهدابي

مساءٍ فاض بالإحساس و الطيبهـ
مساءٍ ما يليق إلا بأحبابي