بديت باسم مكـون الإنـس والجـان=باسمه يعاهـد كـل جـنّ مـرودي
وردًا على ما قالـه فـلان و فـلان=ضعوف النفوس اللي تغث الكبـودي
تاريـخ متجـرد و تأليـف عميـان=كنه علـى ظلـم العبـاد محـدودي
أخص من سطـر بالاحقـاد ديـوان=حقـود والمصـدر كتابـة حقـودي
اليا إنعدم مبـدى العقيـدة بالانسـان=يقدر يسوي مـا يسـوي اليهـودي
ولأهل الوفا والصدق شكرًا وعرفـان=وتحيـةٍ عطـرة وبـاقـة ورودي
نعم رشيدي من بني عبـس غطفـان=من قيس بن عيلان شجرة جـدودي
تحت مسمى عبس واشجـع وذبيـان=تلقى عناوينـي ومجـدي وجـودي
هرجٍٍ على صدق وحقايق وبرهـان=حقايقٍٍ تـد مـغ دمـاغ الجحـودي
حقايقٍٍ تـروي معانـي خبـر كـان=بخطـوط كوفيـة بصـمّ الحيـودي
حصل المنافس والسّبب سبّة رهـان=سبّتة فرس وحصان راحت فهـودي
وجانا بغا التركـي ودارنّ الاكـوان=دون الكرامة و الوطـن والعـدودي
ومرّالجفاف وراحوا البـدو فرقـان=كلٍِ طـوى بيتـه بظهـر القعـودي
وزاحوا لنا من غبر الأيـام فرسـان=أحدٍ حـدر و أحـدٍ توجّـه سنـودي
شالوا على فلك البحـر لام درمـان=يبـون وديـانٍِ سقتهـا الرعـودي
ثم استقـروا بيـن كسـلا وحلفـان=يتلـون شـف مطيـرات البـدودي
ونزلٍِ نزح للسّيف راضي وقنعـان=مـن البحـر للدبـدبـة للنـفـودي
قوم لهم فـي ساحـة المجـد ميـدان=يـوم إنّ كـلٍِ دون حـدّة يــذودي
صالوا وجالـوا وأستقـروا بهـدلان=دار الصبـاح اللـى تلـم الوفـودي
ونزلٍِ تورث منزلـة عبـس بآبـآن=ونزلٍِ بوادي السّر سـوى السـدودي
وفي كل دار إلنا مـوارد وعربـان=وتاريخنا بارض العرب لة وجـودي
وحنا بقينـا بالمنـازل والأوطـان=بأقسى الظروف مواصلين الصمودي