ثلاث سنين انا أشوفك وكم حاولت لك أوصل
ولا أوصل عسى ظروفك بترحمني وتتبدل
أنا أخر شخص حبيتك وأنا في حبك الأول
وأنا أضعف شيء في بعدك وأنا لا يمكن أتحمل
أشوفك صامته وحدك مثل ورده على جدول
بعيدة عن حياض الماء جذورك عاجزه توصل
يارب الورد لا يضما يارب الورد لا يذبل
وأنا الذبلان دونك حيل دونك كيف ما أذبل؟
أنا العاجز أنا المحروم ياورد أرجوك لا تزعل!
أنا والله لين اليوم وأنا نفس السؤال أسأل!
مَن مِنا سهير العين ومن نام على المُخّمل؟
مَنْ مِنا يُنادي أين الثاني ومَن يجهل؟
من الطاغي على الثاني من الجائر من المحتل؟
على الوصلِ تعودنا ثمِلنا كيف لا نثمل ؟
ليالي الوصلِ غرتنا و أثاري الزين مايكمل ..
أبي لقياك ياورده..أبي هذا اللقاء يحصل
وأصير بحُبك المسرف وأنا في حُبك الأبخل
وأصير بحُبك الظالم وأنا في حُبك الأعدل
أنا الصمت البليغ أحيان وأنا الحكي اللي ما يختل
أنا أحمق من الصبيان وأجاري لاجلك الاخطل
ولكن كيف ألقاكِ طريقي وردتي مُقفل
وإذا هو ذلّ ياحُبي من الورد ماينذل
عزيزاً فيك ياقلبي معك أرقى ولا أنزل
مثل ماقالها راشد ولا هو لها ينزل
'رفيق الغيم والراعد يبي يرقى إلى الأسفل'