مقتطفات نقدية على بعض القصائد المشاركة في المسابقة
أول قصيدة قصيدة صاحبي المعزب
عن مايثير الشك من هرج مغلوط=لقيت سحر مروجين المقاضي
سكر نبات وسم ذرنوح مخلوط=على السان اهل الشدوق العراضي
مطلع القصيدة مطلع رااائع ولافت للانتباه
البيت الثاني لو كان سكر نبات بسم ذرنوح مخلوط أعتقد انه يكون أفضل
على لساان اهل الشدوق العراضي ..
هنا فيه ملاحظة : لسان مفرد أهل جمع يعني أصبح أهل الشدوق لهم لسان واحد !!
اعمالهم تطبخ على قدر مضغوط=مدفون تحت الجمر والجمر ياضي
بيت فيه علوم وااجد \ أول شي هل القدر مضغوط او ظاغط؟؟ بالنسبة لي أعتقد أنها كلها صحيحة
الشي الثاني : هل القدر المضغوط يدفن تحت الجمر !! أم ان الشاااعر أرااد ان يعبر عن شدة خفاء المؤامرة
وانكان مال المجتمع قيد وشروط=اصبح حمل راع المواهب اجهاضي
كلاً على بنت الهوى ياخذ الشوط=لو جم عده مايبل الحياضي
ماتنصفط مواهب الناس مصفوط=الله فرضها للعباد افتراضي
الافتراض غير الفرض ياصاحبي .. الفرض يعني الواجب لكن الافتراض يعني التوقع
ينوط فيها راعي المعرفه نوط=الياعرض صيد الخيال اعتراضي
ماتجيبه الحيله ولايجيبه السوط=براق مزناً في دجاء الليل ناضي
يخيله اللي من عنى الوقت مبسوط=ويخيله اللي من عنى الوقت قاضي
غيث الكبود اللي يموط الدهر موط= لابان ترقصله حزوم الفياضي
يالجنة التحكيم والصوت مشحوط=يااهل الصحيح اللي عليه البياضي
منقيتي حطو على حروفها نقوط=وانا ترى باللي تحكمون راضي
اذاااا صادق إنك راضي بحمكنا قل كلامك صحيح يابن عماار ههههههههه
وعلى العمووم القصيدة فووووووق هااام السحب ياصاحبي
وتبقى وجهة نظر قابلة للصواب والخطأ