حل الفراق وسالت دموع الاحباب
في ليلةٍ غصبٍ علينا رضينا
الليله اللي ماحسبنا لها حساب
ولا حسبنا حساب فرقى حدينا
ليله بها دمع وتناهيت واعصاب
ماعاد ندري وش لنا وش علينا
فارقت فيها سيد تلعات الارقاب
اللي نبيه وندري انه يبينا
يانور عيني كافي دموع وعتاب
اللي حصل مقسوم ماهو بيدينا
مجبور في غيري وانا منك منصاب
ماتنفع الشكوى لو انٌا شكينا
القلب ممٌا صار ضايق ومرتاب
دارت دواليب الزمن مادرينا
ليته حصلٌي عن محبتك مجناب
او ليتنا عقب المحبه سلينا
خبيت حبك عن قريبين واصحاب
وكتمت سرٌك عن هوى الحاسدينا
حبك بوسط القلب لو غبت ماغاب
ماينمحٌي لو طال بعدك سنينا
خذها وعد منساك لو عارضي شاب
لو كان تنسى ياالغلا مانسينا
قبل نتوادع قال بهديلك اكتاب
كتبت فيه ايامنا اللي مضينا
فيه الرضا فيه الزعل فيه الاسباب
فيه اللقى وايام رحنا وجينا
واقفى ودمعه سال من فوق الاهداب
هو مبتلي فينا وحنا ابتلينا
خبري بزوله يوم قفٌى مع الباب
يبكي وحنا من فراقه بكينا
من دون خلٌي سكرت كل الابواب
ياحيلة الله كيف حنا انتهينـا
مما راااق لي