هديه متواضعه
فيها التقيت بليل والليل حالك=ليله وفاها زيف وابعادها وصال
جتني وهي عجله تقول الوفالك=يمن غيابه في زمان الجفا طال
لجلك ولجل الحب وليلة وصالك=جيتك وانا قلبي من الخوف يجتال
قلي تكلم كيف وشلون حالك=عساك عشت بخير ياطيب الفال
وسجيت معها قلت يذبح دلالك =صوتك عزف لحن المحبين موال
تبسمت وش صارلك وش طرالك =سولف تراني مت من ضيقة البال
قلت ايه بس شوي ابروى خيالك=خليني اروي خافقي واطفي اللال
اسج واسلا في مضارب جمالك=والعب بشعرٍ فوق الارداف شلاال
واموت واحيا بمهات المهالك=نواعسٍ برموشها موت قتال
واقطف زهر وردٍ ربيعه زهالك=من فوق خدك احمر الورد يختال
وادفا بجمرٍ يشتعل وانطفالك=يضم ثلجٍ سلسبيله من زلال
واضيع بين الصدر وقد اعتدالك=والم خصرك لنهصر وانثنى ومال
سبحان ربٍ فوق زينك عطالك =خلا وصوفك غير عن كل الاجيال
لوتندهين البدر حول وجالك=قالت دخيلك بس من ضرب الامثال
ماقلتلي في غيبتك وش جرالك=علمني علومك ترى الوقت رحال
قلت الله اكبر ناضري وش بدالك=الحال تكفي عن سراميد الاقوال
بالله وش قولك بميتٍ قبالك=يالعنبو دار العدو شوفي الحال
ماني بقايل ميتٍ فيك هالك=الا بقول ان الوفا حي لازال
وعلومي متاهاتٍ تفوق احتمالك=يبغالها مركى وسبحه وفنجال
والليل طرف ماعطيتك مجالك=قالت ثواني بسألك بس سؤال
انت وصحيت بليل والليل حالك=يوم التفت ولين ماعندي ازوال
ماغير حلمٍ به تحقق وصالك=والاالحقيقه بعد ماحاشنا وصال
وياليت كان الحلم كمل سؤالك=وعرفت ماخفى ضميرك وماشال
لكن شقا قلب الشقا وش بقالك =غير الحلوم الزايفه زود غربال