يا قسوتك !! .. وشلون قلبك يطاوعك؟!
................. تنسى غرامٍ ساكنٍ في ضلوعك؟!
وشلون تنسى ليلةٍ كنت أنا معك ؟!
.................. فيها ظلام الليل غطى شموعك !!
كنت انت تهمس .. وإتلامع مدامعك !
.................. ويحلي الصوت الطفولي خضوعك
تقول:"أحبك موت" .. وأقول: ما أسمعك
................... لجل أحرجك ... حلو الخجل في طبوعك
ويورّد التفاح بالخد .. وأجمعك
.................... وتربّع بصدري حبيبي زروعك
تقول: "خايف لا إتغير طبايعك "
.................... وأقول: " واللي ميّزك بد نوعك "
يا علني للموت مانيب بايعك
.................... وشلون أبيعك وإنت قلبي بطوعك !!
وأذكر حبيبي وقتها جيت أودّعك
..................... جفّت على صدري بقايا دموعك !!
ومن غبت عنّي والأماني ترجّعك
..................... وأقول: " تِشرق .. لو تأخر طلوعك "
أتخيلك جنبي .. "هنا" وآتمتعك
...................... وأسلي جروح الغياب بـ رجوعك